పుష్ప 2: సరైనోడే కనిపించకపోతే ఎలా?

ఐకాన్ స్టార్ అల్లు అర్జున్ ‘పుష్ప 2’ మూవీ డిసెంబర్ 5న వరల్డ్ వైడ్ గా రిలీజ్ కి సిద్ధం అవుతోంది. సుకుమార్ దర్శకత్వంలో తెరకెక్కుతోన్న ఈ చిత్రం బన్నీ కెరియర్ లోనే ప్రెస్టీజియస్ ప్రాజెక్ట్ గా రాబోతోంది. ఈ చిత్రంతో 1000 కోట్ల కలెక్షన్స్ అందుకోవాలని మేకర్స్ స్ట్రాంగ్ గా ఫిక్స్ అయ్యారు. నవంబర్ 20 నాటికి ‘పుష్ప 2’ ఫస్ట్ కాపీ సిద్ధం అయిపోతుందని మేకర్స్ గతంలో చెప్పారు. అయితే ఇప్పుడు పరిస్థితి చూస్తుంటే అయ్యేలా లేదనే మాట వినిపిస్తోంది.

ఇంకా 20 రోజుల షూటింగ్ మిగిలి ఉందంట. ఈ నెలాఖురుకి మూవీ షూటింగ్ మొత్తం కంప్లీట్ అవ్వొచ్చని అనుకుంటున్నారు. టాలీవుడ్ లో రాజమౌళి తర్వాత అంత క్రేజ్ ఉన్న దర్శకుడిగా సుకుమార్ కొనసాగుతున్నారు. ఆయన సినిమాలకి ప్రత్యేకమైన ఫ్యాన్ బేస్ ఉంది. సుకుమార్ తనకంటూ ఒక బ్రాండ్ ని క్రియేట్ చేసుకున్నాడు. ఆయన సినిమాలలో కథ చాలా బలంగా ఉంటుందని సినీ విశ్లేషకులు అంటుంటారు. అలాగే ఆయన మాట్లాడే విధానం కూడా చాలా మందికి నచ్చుతుంది.

‘పుష్ప 2’ గురించి మాట్లాడితే వినాలని అల్లు అర్జున్ ఫ్యాన్స్ ఆశ పడుతున్నారు. రాజమౌళి ఒక్కో సినిమా కోసం మూడేళ్ళ సమయం తీసుకున్న కూడా రిలీజ్ కి మరో నెల రోజులు ఉండగానే మేగ్జిమమ్ పోస్ట్ ప్రొడక్షన్ కూడా కంప్లీట్ చేసేస్తాడు. సినిమా ప్రమోషన్స్ లో చాలా యాక్టివ్ గా పార్టిసిపేట్ చేస్తాడు. అయితే సుకుమార్ మాత్రం రిలీజ్ కి ముందు వరకు మూవీ పోస్ట్ ప్రొడక్షన్ వర్క్ లో బిజీగా ఉంటాడనే అభిప్రాయం పబ్లిక్ లో ఉంది. ‘పుష్ప 1’ మూవీ రిలీజ్ కి ముందు రోజు ఒక ప్రెస్ మీట్ లో మాత్రమే సుకుమార్ పాల్గొన్నారు.

‘పుష్ప 2’ కి ఆ పరిస్థితి ఉండదని అందరూ అనుకున్నారు. అయితే ఈ మూవీ విషయంలో కూడా అదే రిపీట్ అవ్వబోతోందని టాక్ వినిపిస్తోంది. ఓ వైపు ఈ మూవీ షూటింగ్ చేస్తూనే మరో వైపు పోస్ట్ ప్రొడక్షన్ వర్క్ కూడా ఫినిష్ చేస్తున్నారు. అయితే ఇంకా 20 రోజులు పాటు షూటింగ్ ఉండటంతో 3 యూనిట్స్ ని పెట్టుకొని చేస్తున్నారంట. నిర్మాతలు చెప్పిన డెడ్ లైన్ లోపు అవుట్ ఫుట్ రెడీ అయ్యే అవకాశమే లేదని టాక్ వినిపిస్తోంది. దీంతో సుకుమార్ ఈ సారి కూడా ప్రమోషన్స్ కి కనిపించాడని అనుకుంటున్నారు.

నవంబర్ నెలాఖరుకి మూవీ షూటింగ్ కంప్లీట్ చేసిన కూడా తరువాత ఎడిటింట్, డబ్బింగ్, మిక్సింగ్ వంటివి దగ్గరుండి పూర్తిచేయాలి. అంటే సుకుమార్ కంప్లీట్ గా పోస్ట్ ప్రొడక్షన్ కి డేడికేట్ అయితే కానీ రిలీజ్ టైంకి అవుట్ ఫుట్ రెడీ కాదు. అందుకే ‘పుష్ప’ తరహాలోనే ‘పుష్ప 2’ ప్రమోషన్స్ లో కూడా సుకుమార్ కనిపించడని అనుకుంటున్నారు. సినిమాకు సరైనోడైన సుకుమార్ ప్రమోషన్స్ లో కనిపించకపోతే ఎలా అనే మాట ఇప్పుడు వినిపిస్తోంది.