బ‌న్నీ కొత్త ప్రాజెక్ట్ డేట్ ఫిక్సైందా?

'పుష్ప‌-2' త‌ర్వాత ఐకాన్ స్టార్ అల్లు అర్జున్ ఏ డైరెక్ట‌ర్ తో ప‌నిచేస్తాడు? అన్న దానిపై దాదాపు క‌న్ప‌ర్మేష‌న్ వ‌చ్చేసిన‌ట్లే. 'జ‌వాన్' తో పాన్ ఇండియాని షేక్ చేసిన అట్లీతోనే ఐకాన్ స్టార్ సినిమా ఉంటుంద‌ని ఆయ‌న స‌న్నిహిత వ‌ర్గాల నుంచి కొన్ని నెల‌లుగా వినిపిస్తూనే ఉంది. ఆ ప్రాజెక్ట్ కి సంబంధించి అధికారిక ప్ర‌క‌ట‌న ఎప్పుడొస్తుంద‌ని? అభిమానులంతా ఆసక్తిగా ఎదురు చూస్తున్నారు. ఈ నేప‌థ్యంలో అతి త్వ‌ర‌లోనే ఆ విష‌యం కూడా బ‌య‌ట‌కు వ‌చ్చే అవ‌కాశాలు క‌నిపిస్తున్నాయి. తాజాగా ఆ సినిమాకి సంబంధించి మ‌రో ఆస‌క్తిక‌ర విష‌యం లీకైంది.

ఈ చిత్ర ప్రారంభోత్స‌వానికి ముహుర్తం పెట్టేసిన‌ట్లు ఫిలిం స‌ర్కిల్స్ లో వైర‌ల్ గా మారింది. జులై లో లాంఛ‌నంగా సినిమా ప్రారంభించాల‌ని స‌న్నాహాలు చేస్తున్నారుట‌. అటుపై రెండు నెల‌ల గ్యాప్ అనంత‌రం రెగ్యుల‌ర్ షూటింగ్ కి వెళ్లేలా ప్ర‌ణాళిక‌లు వేస్తున్నారుట‌. బ‌న్నీ న‌టిస్తోన్న తాజా చిత్రం `పుష్ప‌-2` స్వాతంత్య్ర దినోత్స‌వం సంద‌ర్భంగా రిలీజ్ చేయాల‌ని స‌న్నాహాలు చేస్తోన్న సంగ‌తి తెలిసిందే. ఇప్ప‌టికే చిత్రీక‌ర‌ణ ముగింపు ద‌శ‌కు చేరుకుంది. ప‌హాద్ పాజిల్ పై కొన్ని కీల‌క స‌న్నివేశాల‌తో పాటు ఓ ఐటం పాట షూట్ కి రెడీ అవుతున్నారు.

జూన్ నుంచి దానికి సంబంధించిన షూట్ ఉంటుంద‌ని తెలుస్తోంది. ప‌హాద్ అద‌నంగా మ‌ళ్లీ `పుష్ప‌-2` కి డేట్లు కేటాయిస్తుండ‌టంతో ఆ ప‌ని జూన్ ముగింపుక‌ల్లా పూర్తి చేయాల‌ని సుకుమార్ ప్లాన్ చేస్తున్నారు. ఈ ప్ర‌ణాళిక అనుకున్న ప్ర‌కారం అమలు ప‌రిస్తే గ‌నుక జులైలో అట్లీ సినిమా ప్రారంభ‌మ‌య్యే అవ‌కాశాలుంటాయి. లేదంటే లాంచింగ్ డిలే అయ్యే అవ‌కాశం ఉంది. దీనికి సంబంధించి చిత్ర వ‌ర్గాలు అధికారికంగా స్పందిస్తే త‌ప్ప క్లారిటీ రాదు.

మ‌రోవైపు బ‌న్నీ కోసం త్రివిక్ర‌మ్ కూడా ఎదురుచూస్తోన్న సంగ‌తి తెలిసిందే. అనివార్య కార‌ణాల‌తో ఆ కాంబో ప్ర‌స్తుతానికి వాయిదా ప‌డిన‌ట్లు తెలుస్తోంది. ప్ర‌స్తుతం బ‌న్నీ `పుష్ప‌-2` షూటింగ్ లో పాల్గొన‌డం లేదు. ఎన్నికల నేప‌థ్యంలో త‌న అనుకున్న వాళ్ల‌కి బ‌న్నీ మ‌ద్ద‌తిచ్చిన సంగ‌తి తెలిసిందే. ఎన్నిక‌ల ఫ‌లితాలు జూన్ -4న విడుద‌ల కానున్నాయి. అటుపై సోష‌ల్ మీడియాలో బ‌న్నీ రియాక్ష‌న్ ఎలా ఉంటుంది? అన్న దానిపై అభిమానుల్లో ఆస‌క్తిగా క‌రంగా మారింది.