కింగ్ అప్పుడే రంగంలోకి దిగేసారా?

కింగ్ నాగార్జున సంక్రాంతికి `నా సామిరంగ‌`తో మ‌రో విజ‌యాన్ని ఖాతాలో వేసుకున్న సంగ‌తి తెలిసిందే. సంక్రాంతి సెంటిమెంట్ కింగ్ కి మ‌రోసారి క‌లిసొచ్చింది. మిగ‌తా రెండు సినిమాల‌కు కాస్త నెగిటివ్ రిపోర్ట్ ఉన్నా! సామిరంగ‌డు మాత్రం ఫ్యామిలీ ఆడియ‌న్స్ కి ద‌గ్గ‌రవ్వ‌డంతో మెల్ల‌గా సంక్రాంతి నాదే అనిపిం చాడు. ఇంత‌వ‌ర‌కూ కింగ్ సినిమా సంక్రాంతి సీజ‌న్ కి వ‌చ్చిన ప్ర‌తీసారి విజ‌య‌మే ద‌క్కింది.

తాజాగా అదే స‌న్నివేశం మ‌రోసారి క‌లిసొచ్చింది. దీంతో ఇప్పుడాయ‌న రెట్టించిన ఉత్సాహంలోనూ ఉన్నాడు. తాజాగా ఇప్పుడ‌దే ఎన‌ర్జీతో కొత్త షూటింగ్ సైతం షురూ చేసిన‌ట్లు తెలుస్తోంది. శేఖర్ కమ్ముల దర్శకత్వంలో ధనుష్- నాగార్జున ప్రధాన పాత్రల్లో ఓ సినిమా తెర‌కెక్కుతున్న సంగతి తెలిసిందే. ఈ సినిమా ఇప్ప‌టికే షూట్ మొద‌లైంది. ఈ నేప‌థ్యంలో నాగార్జున కూడా టీమ్ తో జాయిన్ అయిన‌ట్లు తెలుస్తోంది.

నాగార్జున పై కొన్ని ప్రధాన సన్నివేశాలు చిత్రీకరిస్తున్నట్టు స‌మాచారం. ప్ర‌స్తుతం హైద‌రాబాద్ చంచ‌ల్ గూడ‌ జైలులో షూటింగ్ జ‌రుగుతోంది. అక్క‌డే నాగార్జున షూట్ లో పాల్గొంటున్న‌ట్లు తెలుస్తోంది. రెండు రోజుల నుంచి చిత్రీక‌ర‌ణ అక్క‌డే జ‌ర‌గ‌డంతో నాగ్ హాజ‌ర‌వుతున్నారుట‌. మ‌రో రెండు రోజుల పాటు అక్క‌డే షూటింగ్ఉం టుంద‌ని..ఆ మొత్తం షూట్ లో నాగార్జున పాల్గొంటారని చిత్ర వ‌ర్గాల నుంచి తెలుస్తోంది.

ధ‌నుష్ తో క‌లిసి న‌టించ‌డం ఇదే తొలిసారి. అలాగే శేఖ‌ర్ క‌మ్ములాతోనూ మొద‌టి సారి ప‌నిచేస్తున్నారు. ఇందులో నాగార్జున ఓ కీల‌క పాత్ర మాత్ర‌మే పోషిస్తున్నారు. అయినా ఆ పాత్ర ఎంతో బ‌లంగా ఉంటుం ద‌ని తెలుస్తోంది. శేఖ‌ర్ సినిమాల్లో నాగ్ లాంటి న‌టుడు ఉన్నారంటే? ఆ పాత్ర వెయిట్ గురించి చెప్పా ల్సిన ప‌నిలేదు. శేఖర్ కమ్ముల ఇంతకు ముందు తెర‌కెక్కించిన 'లైఫ్ ఈజ్ బ్యూటిఫుల్` సినిమాలో నాగార్జున భార్య అమల అక్కినేని నటించిన సంగ‌తి తెలిసిందే.