ప్రభాస్ విలన్ గా కనిపిస్తే..

డార్లింగ్ ప్రభాస్ దేశంలోనే అత్యధిక మార్కెట్ ఉన్న హీరోగా ప్రస్తుతం నెంబర్ వన్ స్థానంలో ఉన్నారు. ప్రభాస్ సినిమా వస్తుందంటే దేశం మొత్తం తిరిగి చూస్తుంది. మూవీ ఎలా ఉండబోతోందనేది తెలుసుకోవాలనే క్యూరియాసిటీ ప్రతి ఒక్కరిలో ఉంటుంది. అందుకే భారీ స్థాయిలో ప్రమోషన్స్ చేయకపోయిన, డార్లింగ్ ప్రభాస్ ఇంటర్వ్యూలు ఇవ్వకపోయిన అతని సినిమాలకి మొదటి రోజే రికార్డ్ స్థాయిలో ఓపెనింగ్ కలెక్షన్స్ వస్తున్నాయి.

ఇండియన్ బాక్సాఫీస్ నుంచి ఏ ఒక్క హీరో కూడా ఫస్ట్ డే కలెక్షన్స్ పరంగా డార్లింగ్ ప్రభాస్ దరిదాపుల్లో లేరు. సినిమా, సినిమాకి అతని రేంజ్ పెరిగిపోతోంది. కల్కి సినిమాతో వరల్డ్ వైడ్ గా ప్రభాస్ తన స్టామినాని మరోసారి చూపించాడు. ఈ మూవీ ఇప్పటికే 1100 కోట్ల కలెక్షన్స్ ని క్రాస్ చేసింది. 30 రోజుల తర్వాత కూడా కల్కి సినిమాకి థియేటర్స్ లో డీసెంట్ వసూళ్లు లభిస్తూ ఉండటం విశేషం.

డార్లింగ్ ప్రభాస్ నుంచి రాబోయే నెక్స్ట్ సినిమాలపై కూడా హై లెవల్ లో బజ్ క్రియేట్ అయ్యింది. ఇందులో మోస్ట్ వైలెంట్ మూవీగా సందీప్ రెడ్డి వంగా దర్శకత్వంలో తెరకెక్కనున్న స్పిరిట్ ఉండబోతోందనే మాట వినిపిస్తోంది. రణబీర్ కపూర్ తో యానిమల్ లాంటి బ్లాక్ బస్టర్ తర్వాత సందీప్ రెడ్డి వంగా నుంచి రాబోయే సినిమా స్పిరిట్ కావడం విశేషం. ఈ నేపథ్యంలో బిటౌన్ కూడా స్పిరిట్ సినిమాపై ప్రత్యేకంగా ఫోకస్ చేసింది.

ఈ సినిమాతో సందీప్ రెడ్డి ఎలాంటి కథని చెప్పబోతున్నాడు తెలుసుకోవాలనే ఆసక్తి అందరిలో ఉంది. స్పిరిట్ మూవీ గురించి ప్రస్తుతం ఓ ఇంటరెస్టింగ్ టాక్ ఫిల్మ్ సర్కిల్ లో వినిపిస్తోంది. స్పిరిట్ చిత్రంలో డార్లింగ్ ప్రభాస్ డ్యూయల్ రోల్ లో కనిపించబోతున్నారంట. ఓ క్యారెక్టర్ లో ప్రభాస్ పవర్ ఫుల్ పోలీస్ ఆఫీసర్ గా చేస్తున్నాడంట . అలాగే మరో క్యారెక్టర్ లో మోస్ట్ వైలెంట్ గ్యాంగ్ స్టార్ గా కనిపిస్తాడంట.

ఈ రెండు పాత్రల మధ్య ఫైట్ చాలా ఇంటరెస్టింగ్ గా ఉంటుందంట. విలన్ పాత్రలో ప్రభాస్ ఇంటర్వెల్ తర్వాత కనిపించనున్నాడంట. ఈ ప్రచారం ప్రస్తుతం డార్లింగ్ ఫ్యాన్స్ ని సైతం ఎగ్జైట్ చేస్తోంది. ప్రభాస్ ఇప్పటి వరకు కెరియర్ లో నెగిటివ్ షేడ్స్ ఉన్న రోల్ లో కనిపించలేదు. బుజ్జిగాడు చిత్రంలో క్యారెక్టర్ గ్రే షేడ్స్ లో ఉన్న అది పూర్తిగా లవ్ స్టోరీతో తెరకెక్కింది. అయితే పవర్ ఫుల్ యాక్షన్ బ్యాక్ డ్రాప్ కథలో ప్రతినాయకుడిగా ప్రభాస్ కనిపిస్తే ఎలా ఉంటుందో చూడాలనే ఆసక్తి ఫ్యాన్స్ లో కూడా ఉంది.