సిద్ధు జొన్నల్లగడ్డ.. 'తెలుసు కదా'
ఆమె డీజే టిల్లు హీరో సిద్ధు జొన్నలగడ్డతో ఓ సినిమా చేయబోతున్నట్లు గత కొద్ది రోజులుగా ప్రచారం సాగుతున్న సంగతి తెలిసిందే.
By: Tupaki Desk | 16 Oct 2023 6:45 AM GMT
ఇండస్ట్రీలో స్టార్ డిజైనర్గా పేరు తెచ్చుకున్నారు నీరజ కోన. ఇప్పుడామె దర్శకురాలిగా మారడానికి సిద్ధమైపోయారు. డీజే టిల్లు చిత్రంతో యూత్లో ఫుల్ క్రేజ్ సంపాదించుకున్న సిద్ధు జొన్నలగడ్డతో కలిసి ఆమె సినిమా చేయబోతున్నారు. తాజాగా ఈ సినిమాకు సంబంధించిన అఫీషియల్ అనౌన్స్ మెంట్ వీడియో వచ్చేసింది.
వివరాళ్లోకి వెళితే... టాలీవుడ్ స్టార్ రైటర్ కోన వెంకట్ గురించి తెలిసిందే. ఆయన ఫ్యామిలీ నుంచి ఇండస్ట్రీకి పరిచమైన ఆమె నీరజ కోన. బాద్‌షా చిత్రంతో కాస్ట్యూమ్ డిజైనర్గా ఎంట్రీ ఇచ్చిన ఆమె.. ఆ తర్వాత పలు పెద్ద సినిమాలకు కాస్ట్యూమ్ డిజైనర్గా పని శారు. ఎంతో మంది స్టార్స్తో కలిసి పనిచేశారు. లిరిక్ రైటర్గానూ పేరు తెచ్చుకున్నారు.
ఇప్పుడు దర్శకురాలిగా తన అదృష్టాన్ని పరీక్షించుకోబోతున్నారు. ఆమె డీజే టిల్లు హీరో సిద్ధు జొన్నలగడ్డతో ఓ సినిమా చేయబోతున్నట్లు గత కొద్ది రోజులుగా ప్రచారం సాగుతున్న సంగతి తెలిసిందే. తాజాగా ఈ సినిమాను అధికారికంగా ప్రకటించారు. 'తెలుసు కదా' అనే ఇంట్రెస్టింగ్ టైటిల్ను ఖరారు చేశారు.
ఈ చిత్రంలో కేజీయఫ్ భామ శ్రీనిధి శెట్టి, రాశిఖన్నా హీరోయిన్స్గా నటిస్తున్నారు. పీపుల్స్ మీడియా ఫ్యాక్టరీ సినిమాను నిర్మిస్తోంది. ఈ ప్రొడక్షన్ హౌస్కు ఇది 30వ సినిమా కావడం విశేషం. ఇక వీడియోలోని విజువల్స్ గ్రాండ్గా చూపించారు. వీడియో చూస్తుంటే రిఫ్రెషింగ్ స్టోరీ లైన్తో టాప్ క్లాస్ స్టాండర్డ్స్తో తెరకెక్కబోతుందని అర్థమవుతోంది. తమన్ అందించిన బ్యాక్గ్రౌండ్ మ్యూజిక్ మనసును తాకేలా ఉంది.
నేషనల్ అవార్డ్ విన్నింగ్ టెక్నిషియన్ శ్రీకర ప్రసాద్ ఎడిటర్గా వ్యవహరిస్తున్నారు. అనివాశ్ కొల్లా ప్రొడక్షన్ డిజైనర్గా బాధ్యతలు చూసుకుంటున్నారు. టీజీ విశ్వ ప్రసాద్ నిర్మాతగా వ్యవహరిస్తున్నారు. వివేక్ కుచిబొట్ల కో ప్రొడ్యూసర్. డీఓపీ యువరాజ్ జే అందిస్తున్నారు. ఈ చిత్రం ఒక అబ్బాయి - అమ్మాయి మధ్య జరిగే ప్రేమ కథ మాత్రమే కాదని, స్నేహం, కుటుంబం, త్యాగం సహా పలు ఎమోషనల్ అంశాలు ఈ కథలో హైలైట్గా ఉంటాయని అంటున్నారు.
