సౌత్ ఇండస్ట్రీకి డిజిటల్ టెన్షన్
సాధారణంగా ఏ బడా సినిమాకు అయినా... ఆ సినిమాకు ఉన్న హైప్, హీరో మార్కెట్ ఆధారంగా రిలీజ్కు ముందే డిజిటల్ బిజినెస్ జరిగిపోతూ ఉంటాయి.
By: Tupaki Desk | 5 Sep 2023 3:15 AM GMT
ఇండియన్ ఫిల్మ్ ఇండస్ట్రీలో సౌత్ మూవీస్ హవా కొనసాగుతోంది. వరుస పాన్ ఇండియా సినిమాలతో సినీ ప్రపంచంలో కాసుల వర్షాన్ని కురిపిస్తున్నాయి. 'బాహుబలి'తో దర్శకుడు ఎస్‌.ఎస్‌.రాజమౌళి బెంచ్‌మార్క్‌ను సెట్ చేయగా.. ఇప్పుడు అన్నీ సినిమాలో అవే బాటలో నడుస్తున్నాయి. దీంతో సౌత్ ఇండియా ఇండస్ట్రీ మార్కెట్ పరిధి పెరిగిన సంగతి తెలిసిందే. అన్నీ పాన్ ఇండియా, పాన్ వరల్డ్ స్థాయిల్లో అదరగొడుతున్నాయి. మరీ ముఖ్యంగా టాలీవుడ్ సినిమాలు రేంజ్ భారీగా పెరిగింది.
అయితే ఇప్పుడు సౌత్ ఇండస్ట్రీలో బిగ్గెస్ట్ సినిమాలకు డిజిటల్ షాక్ తగిలినట్టు కనిపిస్తోంది. సాధారణంగా ఏ బడా సినిమాకు అయినా... ఆ సినిమాకు ఉన్న హైప్, హీరో మార్కెట్ ఆధారంగా రిలీజ్కు ముందే డిజిటల్ బిజినెస్ జరిగిపోతూ ఉంటాయి. కానీ ఇప్పుడా పరిస్థితి కనపడట్లేదు. ప్రభాస సలార్ రిలీజ్ డేట్ వాయిదా పడినట్టు రెండు మూడు రోజులుగా ప్రచారం సాగుతున్న సంగతి తెలిసిందే. అయితే అందుకు అసలు కారణం డిజిటల్ డీల్ ఇంకా పూర్తవ్వకపోవడమే కారణమని తెలిసింది. మేకర్స్ భారీ నెంబర్ ఫిగర్ కోట్ చేస్తుండగా.. వాటిని కొనుగోలు చేసేందుకు దిగ్గజ డిజిటల్ ఓటీటీ ప్లాట్ఫామ్లు ఆలోచిస్తున్నాయట.
ఎందుకంటే అమెజాన్, నెటిఫ్లిక్స్ సహా పలు ఓటీటీ సంస్థలు ఇండియన్ మార్కెట్లో వందల కోట్లకు డిజిటల్ రైట్లు కొనుగోలు చేసి భారీ నష్టాల్ని చూస్తున్నాయని, అందుకే బడ్జెట్ పరిమితులు స్వంతంగా విధించుకుంటున్నాయని ప్రచారం సాగుతోంది. అందుకే అవి నిర్మాతలు కోట్ చేసే ఫిగర్స్కు కొనుగోలు చేసేందుకు ముందుకు రావట్లేదట. ఫలితంగా డిజిటల్ డీల్స్ ఆలస్యమవ్వడం, సినిమా రిలీజ్ డేట్లు ఆలస్యమవ్వడం జరుగుతోందని అర్థమవుతోంది.
సలార్ మాత్రమే ఇంకా పలు చిత్రాలు కూడా ఇప్పుడు ఇదే సమస్యను ఎదుర్కొంటున్నాయని తెలిసింది. ప్రభాస్-నాగ్ అశ్విన్ కల్కి 2898 ఏడీ సినిమాను భారీ బడ్జెట్లో తెరకెక్కిస్తున్నారు మేకర్స్. అయితే ఈ చిత్ర అన్ని భాషల డిజిటల్ రైట్స్ విక్రయాల ద్వారా పెట్టిన పెట్టుబడిలో 60శాతం రికవరీ చేసుకోవాలని ప్లాన్ చేస్తున్నారుట. అలాగే పుష్ప ది రూల్ మేకర్స్ భారీ మొత్తానికి ఈ డిజిటల్ రైట్స్ను కొనుగోలు చేయాలని అనుకుంటున్నారట. పవన్ కళ్యాణ్ ఓజీ డిజిటల్ రైట్స్ను కూడా నిర్మాత డీవీవీ దానయ్య పెద్ద నెంబర్కే కోట్ చేస్తున్నారట. కానీ ఏ డిజిటల్ ప్లాట్ఫామ్స్ కూడా మేకర్స్ చెబుతున్న ధరకు కొనుగోలు చేసేందుకు రెడీగా లేవట.
ఏది ఏమైనా.. రిలీజ్కు ముందు డిజిటల్ రైట్స్ ద్వారా మంచి ధరకు డీల్ జరిగిపోతే.. సేఫ్ అవ్వొచ్చని నిర్మాతలు భావిస్తున్నారు. అదే సమయంలో రిజల్ట్ తేడా కొడితే.. మేకర్స్ చెప్పిన ఎక్కువ ధరకు కొనుగోలు చేసి డిజిటల్ ఫ్లాట్ఫామ్స్ నష్టపోతున్నాయని వాదను వినిపిస్తోంది. కాబట్టి ఇరు వర్గాలు ఓ రీజనబుల్ ప్రైస్కు డీల్ సెట్ చేసుకుంటే మంచిదని అభిప్రాయాలు వ్యక్తమవుతున్నాయి.
