ప్లాన్ ప్రకారమే సంక్రాంతి టార్గెట్..?

సంక్రాంతి వచ్చింది అంటే తెలుగు సినిమాల పండగ మొదలైనట్టే. న్యూ ఇయర్ లో మొదటి పండగని మరింత స్పెషల్ చేసేలా స్టార్ సినిమాలతో థియేటర్లు కళకళలాడుతాయి. అందుకే సంక్రాంతికి సినిమాలను రిలీజ్ టార్గెట్ పెట్టుకుంటారు. పొంగల్ రిలీజ్ విషయంలో లాస్ట్ ఇయర్ పెద్ద హంగామా నడిచింది. మా సినిమా అంటే మా సినిమా అంటూ కొందరు పోటీ పడ్డారు. ప్రొడ్యూసర్ కౌన్సిల్ రంగంలోకి దిగి సమస్యని పరిష్కరించింది.

ఐతే ఈసారి సంక్రాంతికి గ్లోబల్ స్టార్ రాం చరణ్ గేమ్ ఛేంజర్ తో పాటుగా బాలకృష్ణ డాకు మహారాజ్, వెంకటేష్ సంక్రాంతికి వస్తున్నా సినిమాలు రిలీజ్ లాక్ చేసుకున్నాయి. ఐతే విచిత్రం ఏంటంటే దిల్ రాజు బ్యానర్ నుంచి రెండు సినిమాలు సంక్రాంతి ఫైట్ లో నిలుస్తున్నాయి. సంక్రాంతి కి గేమ్ చేంజర్ ఒక ఫుల్లీ కమర్షియల్ స్టైలిష్ యాక్షన్ మూవీగా వస్తుంది. మరోపక్క బాలయ్య డాకు మహారాజ్ సినిమా మాస్ మూవీగా వస్తుంది.

కె.ఎస్ బాబీ డైరెక్షన్ లో తెరకెక్కుతున్న డాకు మహరాజ్ మాస్ ఆడియన్స్ టార్గెట్ గా ఆడియన్స్ కు మాస్ ట్రీట్ ఇచ్చేందుకు వస్తుంది. ఐతే గేమ్ ఛేంజర్, డాకు మహారాజ్ మధ్యలో వెంకటేష్ సంక్రాంతికి వస్తున్నాం సినిమా వస్తుంది. ఆ సినిమాను కావాలనే సంక్రాంతికి దించుతున్నారు. సంక్రాంతికి ఎలాంటి సినిమాలు వచ్చినా ప్రేక్షకులు అంతా కలిసి ఎంటర్టైన్ అయ్యే ఫ్యామిలీ సినిమాలకు సెపరేట్ డిమాండ్ ఉంటుంది.

అనీల్ రావిపుడి లాంటి ఎంటర్టైనింగ్ డైరెక్టర్ డైరెక్షన్ లో వెంకటేష్ లాంటి హీరో చేస్తున్న సంక్రాంతికి వస్తున్నాం సినిమా పర్ఫెక్ట్ సంక్రాంతి బొమ్మగా ప్లాన్ చేస్తున్నారు. అందుకే సినిమాను ముందు వేరే రిలీజ్ డేట్ అనుకున్నా డైరెక్టర్, హీరో ఇద్దరు సంక్రాంతికే ఫిక్స్ చేయమని పట్టుబట్టారట.

మాస్, యాక్షన్ సినిమాలు ఆడొచ్చు ఆడకపోవచ్చు కానీ ఎంటర్టైనింగ్ అందిస్తూ ఎమోషనల్ రైడ్ గా వచ్చిన సినిమాలు తప్పకుండా సక్సెస్ అవుతాయి. సంక్రాంతికి ఎంత భారీ సినిమాలు వచ్చినా ఆడియన్స్ ఫ్యామిలీ అంతా కలిసి చూసే సినిమాలను ఇదివరకు హిట్ చేశారు. ఆ నమ్మకంతోనే దిల్ రాజు సంక్రాంతికి రెండు సినిమాలతో వస్తున్నారు. మరి దిల్ రాజు ప్లాన్ ఎంతవరకు వర్క్ అవుట్ అవుతునో చూడాలి. గేమ్ ఛేంజర్, సంక్రాంతికి వస్తున్నా నిర్మాతగానే కాదు బాలయ్య డాకు మహారాజ్ డిస్ట్రిబ్యూషన్ కూడా దిల్ రాజు చేస్తున్నారని తెలుస్తుంది. సో సంక్రాంతికి దిల్ రాజు తన సినిమాలతోనే తాను పోటీ పడుతున్నాడని చెప్పొచ్చు.