వైఎస్ఆర్ - చంద్రబాబు.. దేవకట్ట స్పెషల్ స్టోరీ!

చేసిన సినిమాలు తక్కువ అయిన మంచి టాలెంటెడ్ డైరెక్టర్స్ గా మంచి గుర్తింపు సొంతం చేసుకున్న వ్యక్తులు చాలా తక్కువ మంది ఉంటారు. కమర్షియల్ సక్సెస్ లు అందుకోలేకపోయిన వారి సినిమాలు చాలా మంది ఇష్టపడతారు. అలాంటి వారిలో దేవకట్టా ఒకరు. వెన్నెల సినిమాతో దర్శకుడిగా పరిచయం అయిన దేవకట్టా తరువాత ప్రస్థానం సినిమాతో ఏకంగా నేషనల్ అవార్డు అందుకున్నారు.

ఆ సినిమాని ఇష్టపడని వారు ఉండరు. నాగ చైతన్యతో ఆటోనగర్ సూర్య, సాయి ధరమ్ తో రిపబ్లిక్ సినిమాలు చేశారు. అయితే ఈ సినిమాలు కమర్షియల్ గా సక్సెస్ కాకపోయిన ఒక వర్గం ఆడియన్స్ కి భాగా నచ్చాయి. ఆయన స్టొరీ చెప్పే విధానం బాగుంటుందనే అభిప్రాయం చాలా మందిలో ఉంది. అయితే కమర్షియల్ అంశాలు జోడించి సినిమాలు చేయడంలో దేవకట్టా కొంత విఫలం అయ్యారు. ఇదిలా ఉంటే చాలా ఏళ్ళ తర్వాత మరల దేవకట్టా ఒక వెబ్ సిరీస్ చేస్తున్నాడంట.

చంద్రబాబు, వైఎస్ఆర్ కాలేజీ రోజుల ఫ్రెండ్ షిప్ బేస్ చేసుకొని మంచి కథని సిద్ధం చేసి సిరీస్ గా చేస్తున్నాడంట. ఇప్పటికే ఈ సిరీస్ షూటింగ్ కూడా మొదలు పెట్టినట్లు టాక్ వినిపిస్తోంది. ఆది పినిశెట్టి, చైతన్య రావు కాంబినేషన్ లో ఈ సిరీస్ సిద్ధం అవుతుందనే ప్రచారం నడుస్తోంది. ఎలాంటి గుట్టుచప్పుడు కాకుండా ఫినిష్ చేసే పనిలో ఉన్నారంట. వైఎస్ఆర్, చంద్రబాబు కాలేజీ డేస్ గురించి తెలిసిన వారు మంచి సిరీస్ అవుతుందని అంటున్నారు.

పొలిటికల్ టచ్ తో, కాలేజీ డేస్ లో స్నేహాన్ని ఎస్టాబ్లిష్ చేసే విధంగా ఈ కథ ఉండొచ్చని భావిస్తున్నారు. ఏది ఏమైనా దేవాకట్టా కథలు ఇష్టపడేవారికి ఇది శుభవార్త అని చెప్పాలి. దేవర కట్టా వెబ్ సిరీస్ గురించి సోషల్ మీడియాలో ఇంటరెస్టింగ్ చర్చ నడుస్తోంది. ఆయన రాసిన డైలాగ్స్, స్టోరీ డీటెయిలింగ్ కూడా బాగుంటుందని సోషల్ మీడియాలో కామెంట్స్ వస్తున్నాయి.

రాజకీయంగా ఎంత పోటీ పడినా కూడా వ్యక్తిగతంగా బాబు వైఎస్ చాలా స్నేహాంగా ఉండేవారు అని రాజకీయ నిపుణులు చెబుతూ ఉంటారు. కచ్చితంగా దేవాకట్టా దర్శకత్వంలో అంటే మంచి సిరీస్ అవుతుందని అంటున్నారు. మరి ఈ వెబ్ సిరీస్ లో దేవాకట్టా యూత్ పాలిటిక్స్ మాత్రమే టచ్ చేస్తారా లేదంటే వైఎస్ఆర్, చంద్రబాబు రాజకీయ ప్రయాణాన్ని కూడా చూపిస్తారా అనేది వేచి చూడాలి.