మంగళవారం చూస్తే మీ ఒపీనియన్ మారిపోతుంది

ఆర్ఎక్స్ 100 సినిమాతో దర్శకుడిగా టాలీవుడ్ కి పరిచయం అయిన వ్యక్తి అజయ్ భూపతి. మొదటి చిత్రంతోనే బ్లాక్ బస్టర్ హిట్ కొట్టిన అజయ్ భూపతి తరువాత మహాసముద్రంతో డిజాస్టర్ ని ఖాతాలో వేసుకున్నారు. మల్టీ స్టారర్ చిత్రంగా వచ్చిన ఈ మూవీ ప్రేక్షకులకి కనెక్ట్ కాలేదు. మూడో చిత్రంగా మంగళవారం అనే సినిమాని తెరకెక్కించి ప్రేక్షకుల ముందుకి తీసుకొస్తున్నారు.

పాయల్ రాజ్ పుత్ లీడ్ రోల్ చేసిన ఈ మూవీ నవంబర్ లో రిలీజ్ కాబోతోంది. తాజాగా సినిమా ట్రైలర్ ప్రేక్షకుల ముందుకి వచ్చింది. సస్పెన్స్, థ్రిల్లర్, హర్రర్ ఎలిమెంట్స్ తో చాలా ఇంటరెస్టింగ్ గా ట్రైలర్ ఉంది. కచ్చితంగా అజయ్ భూపతి ఈ సినిమాతో మరో హిట్ ని ఖాతాలో వేసుకుంటాడని అందరూ అంచనా వేస్తున్నారు.

ఈ సినిమాకి అజయ్ భూపతి టైటిల్ తోనే హైప్ క్రియేట్ చేశాడు. మంగళవారం అనే టైటిల్ పెట్టడమే ఇంటరెస్టింగ్ అని చెప్పాలి. మంగళవారం పేరు మీద జన ప్రాచూర్యంలో ఒక బూతు సామెత ఉంది. ఆ నేపథ్యంలో ఏమైనా రొమాంటిక్ కథతో మూవీ చేస్తాడేమో అని అందరూ భావించారు. అయితే అనూహ్యంగా విలేజ్ నేపథ్యంలో థ్రిల్లర్ స్టొరీతో మంగళవారం మూవీ చూపించబోతున్నాడు.

తాజాగా ట్రైలర్ లోనే తన మూవీ ఎలా ఉండబోతోందో చూపించేసాడు. ఈ సందర్భంగా మీడియా సమావేశంలో కూడా అజయ్ భూపతి మరోసారి క్లారిటీ ఇచ్చాడు. మంగళవారం టైటిల్ పెట్టగానే భాగా ప్రాచూర్యంలో ఉన్న బూతు సామెతని అందరూ గుర్తు చేసుకున్నారని, దాంతో టైటిల్ ని ట్రోల్ చేసారని అన్నారు. అయితే ఆ సామెతకి తన సినిమా కథకి అస్సలుస అంబంధం ఉండదని తేల్చేశాడు.

ఇప్పటి వరకు ఇండియన్ సిల్వర్ స్క్రీన్ పై ఎవరూ టచ్ చేయని ఒక పాయింట్ ని ఈ సినిమా కోసం తీసుకున్నా అని చెప్పాడు. కచ్చితంగా ఆ పాయింట్ ప్రతి ఒక్కరికి కనెక్ట్ అవుతుందని అనుకుంటున్నా అని తెలిపాడు. మూవీలో ప్రతి ఎలిమెంట్ కూడా థ్రిల్ చేస్తుందని సమావేశంలో క్లారిటీ ఇచ్చాడు.