మల్టీస్టారర్ గురి పెట్టిన అనిల్..?

టాలీవుడ్ లో వరుస సక్సెస్ లను అందుకుంటున్న అతికొద్దిమంది దర్శకుల్లో అనిల్ రావిపుడి ఒకరు. ముఖ్యంగా చెప్పాలంటే రాజమౌళి తర్వాత ఓటమి ఎరుగని దర్శకుడిగా అనిల్ రావిపుడి సూపర్ క్రేజ్ తెచ్చుకున్నాడు. రీసెంట్ గా బాలకృష్ణ తో భగవంత్ కేసరి సినిమాతో కూడా మరో హిట్ తన ఖాతాలో వేసుకున్నాడు అనిల్ రావిపుడి. బాలయ్యతో సినిమా అంటే అంచనాలు భారీగా ఏర్పడగా ఆ అంచనాలకు తగినట్టుగా భగవంత్ కేసరి తీసి హిట్ అందుకున్నాడు అనిల్.

ఈ హిట్ తో అనిల్ క్రేజ్ మరింత పెరగగా అనిల్ నెక్స్ట్ సినిమా పై డిస్కషన్స్ మొదలయ్యాయి. అనిల్ రావిపుడి నెక్స్ట్ సినిమా ఎవరితో అన్నది ఇంకా డిసైడ్ కాలేదు. అయితే భగవంత్ కేసరి కాంబోనే మళ్లీ రిపీట్ చేస్తాడని టాక్ వినిపిస్తున్నా ఆల్రెడీ బాలకృష్ణ రెండు సినిమాలు కమిట్ అయ్యాడు కాబట్టి అవి పూర్తయ్యాకే ఈ సినిమా ఉంటుందని తెలుస్తుంది.

ఇక లేటెస్ట్ గా అనిల్ ఈసారి ఒక మెగా మల్టీస్టారర్ సినిమా చేయాలని చూస్తున్నాడట. ఇప్పటికే దానికి సంబంధించిన కథ పూర్తి చేసినట్టు తెలుస్తుంది. మెగా హీరోలు ఇద్దరు ఈ సినిమాలో నటిస్తారని తెలుస్తుంది. ఆల్రెడీ f2 తో మల్టీస్టారర్ చేసి హిట్ అందుకున్న అనిల్ f3 తో కూడా మెప్పించాడు. ఇప్పుడు మరోసారి మరో మల్టీస్టారర్ సినిమాకు రెడీ అవుతున్నాడని తెలుస్తుంది.

ఇంతకీ అనిల్ మల్టీస్టారర్ లో హీరోలు ఎవరు అన్నది డీటైల్స్ తెలియాల్సి ఉంది. అనిల్ రావిపుడి మాత్రం మెగా హీరోలతోనే ఈ మల్టీస్టారర్ చేయాలని అనుకుంటున్నాడట. అనిల్ సినిమా అంటే హిట్ పక్కా అన్న క్రేజ్ వచ్చేసింది. తప్పకుండా అనిల్ ఈ మల్టీస్టారర్ తో కూడా మరో సూపర్ హిట్ కొట్టేస్తాడని ఫిక్స్ అయ్యారు ప్రేక్షకులు. తన రైటింగ్ టాలెంట్ తో ఎంటర్టైనింగ్ సినిమాలతో పాటుగా తను సీరియస్ సినిమాలు కూడా చేయగలనని భగవంత్ కేసరితో ప్రూవ్ చేశాడు అనిల్ రావిపుడి. తప్పకుండా అతను చేయబోయే నెక్స్ట్ సినిమాలు నెక్స్ట్ లెవెల్ లో ఉంటాయని మాత్రం చెప్పొచ్చు. భగవంత్ కేసరి సినిమా టైం లోనే తను ఇక మీదట సినిమాలు తీసే విధానం మారుతుందని చెప్పి సర్ ప్రైజ్ చేశాడు అనిల్. అనిల్ అంత కాన్ఫిడెంట్ గా చెప్పాడు అంటే అతని ప్లానింగ్ ఏ రేంజ్ లో ఉంటుందో అర్థం చేసుకోవచ్చు.