శంకర్ శిష్యుడు రాజ్యమేలుతున్నాడు

కోలీవుడ్ లో స్టార్ దర్శకుడిగా తనకంటూ ప్రత్యేకమైన గుర్తింపు సొంతం చేసుకున్న అత్లీ తాజాగా షారుఖ్ ఖాన్ తో జవాన్ మూవీ చేసి మరో బ్లాక్ బస్టర్ హిట్ ని ఖాతాలో వేసుకున్నారు. హిందీ, తమిళ్, తెలుగు భాషలలో రిలీజ్ అయిన ఈ చిత్రం మొదటిరోజే రికార్డుస్థాయిలో కలెక్షన్స్ ని రాబట్టింది. పఠాన్ తో వెయ్యి కోట్ల క్లబ్ లో చేరిపోయిన షారుఖ్ ఖాన్ జవాన్ తో మరోసారి ఆ కలెక్షన్స్ ని బ్రేక్ చేసేలానే కనిపిస్తున్నాడు.

సినిమాకి వస్తోన్న ఆదరణ ఆ రేంజ్ లో ఉంది. సౌత్ ఆడియన్స్ కి తెలిసిన కమర్షియల్, యాక్షన్ ఎలివేషన్స్ తో షారుఖ్ ఖాన్ ని చూసేసరికి బాలీవుడ్ ఆడియన్స్ కి జవాన్ విపరీతంగా కనెక్ట్ అయిపొయింది. ఇక తమిళ్, తెలుగు భాషలలో కూడా పాజిటివ్ టాక్ సొంతం చేసుకుంది. ఈ మూడు రోజులు కలెక్షన్స్ మరింత పెరగడం ఖాయంగా కనిపిస్తోంది. అత్లీ నెక్స్ట్ మూవీపై అప్పుడే చర్చ మొదలైంది.

ఈ దర్శకుడు నెక్స్ట్ ప్రాజెక్ట్ ని ఐకాన్ స్టార్ట్ అల్లు అల్లు అర్జున్ తోనే చేయబోతున్నాడని టాక్ నడుస్తోంది. ఇప్పటికే కథ కూడా సిద్ధం చేసుకొని వినిపించడం కోసం వెయిట్ చేస్తున్నాడంట. అత్లీ కూడా జవాన్ హిట్ అయితే అత్లీతో ప్రాజెక్ట్ కన్ఫర్మ్ చేయడానికి సిద్ధంగా ఉన్నాడనే ప్రచారం జరుగుతోంది. ఇప్పుడు ఎలాగూ బ్లాక్ బస్టర్ బొమ్మ పడినట్లే కాబట్టి అత్లీ, అల్లు కాంబో కన్ఫర్మ్ అని భావిస్తున్నారు.

శంకర్ అసిస్టెంట్ గా కెరియర్ ప్రారంభించిన అత్లీ రాజురాణి సినిమాతో దర్శకుడిగా కోలీవుడ్ లోకి పరిచయం అయ్యాడు. ప్యూర్ లవ్ స్టోరీతో చేసిన ఆ మూవీ సూపర్ హిట్ అయ్యింది. మూడేళ్ళ గ్యాప్ తీసుకొని ఇళయదళపతి విజయ్ తో తెరి మూవీ చేశాడు. ఈ మూవీ కమర్షియల్ ప్లాట్ తో చేసిన సూపర్ హిట్ అయ్యింది. విజయ్ కెరియర్ లో 150 కోట్లకి పైగా కలెక్షన్స్ సాధించిన మొదటి చిత్రంగా నిలిచింది.

తరువాత విజయ్ తోనే మెర్సల్ మూవీ చేశాడు. ఈ సినిమా కూడా బ్లాక్ బస్టర్ హిట్ గా నిలిచింది. ఏకంగా 250 కోట్ల కలెక్షన్స్ సొంతం చేసుకుంది. ఇందులో విజయ్ డ్యూయల్ రోల్ చేశారు. అత్లీ నాలుగో సినిమా కూడా విజయ్ తోనే బిగిల్ చేశాడు. ఈ మూవీ 300 కోట్ల గ్రాస్ కలెక్షన్స్ క్రాస్ చేసింది. ఇలా అత్లీ తన సినిమాలతో విజయ్ మార్కెట్ ని పెంచడంతో పాటు తన రేంజ్ కూడా పెంచుకుంటూ వెళ్ళాడు. ఐదో మూవీ జవాన్ తో ఇండియా మొత్తం తన పేరు వినిపించేలా చేసుకున్నాడు. నెక్స్ట్ ఎవరితో మూవీ చేస్తాడనేది ఇప్పుడు ఆసక్తికరంగా మారింది.