ఆ డైరెక్ట‌ర్ కిదో సెంటిమెంట్!

అట్లీ సినిమా అంటే తెరంతా అందంగా క‌నిపించాల్సిందే. ఒకే హీరోకి ఇద్ద‌రు..ముగ్గురు హీరోయిన్లు త‌ప్ప‌నిస‌రి. హీరో పాత్ర‌ల్ని బ‌ట్టి హీరోయిన్ల‌ను ఎంపిక చేస్తుంటాడు. వాటికి స‌పోర్టింగ్ రోల్స్ లోనూ స్టార్ క్యాస్టింగ్ యాడ్ అవుతుంది. అందులోనూ ఎక్కుగా గాళ్స్ గ్యాంగ్ క‌నిపిస్తుంది. గాళ్స్ గ్యాంగ్ తోనే 'బిగిల్' లాంటి బ్లాక్ బ‌స్ట‌ర్ అందుకున్నాడు. ఇటీవ‌ల రిలీజ్ అయిన 'జ‌వాన్' కూడా గాళ్స్ గ్యాంగ్ తోనే 700 కోట్లు కొల్ల‌గొట్టాడు.

షారుక్ చుట్టూ ఇంత మంది బ్యూటీలు అవ‌స‌ర‌మా? అని కొన్ని ర‌కాల విమ‌ర్శ‌లు తెర‌పైకి వ‌చ్చాయి. వాటికి షారుక్ ధీటైన కౌంట‌ర్ కూడా ఇచ్చాడు.అది వేరే సంగ‌తి. తాజాగా బాలీవుడ్ యంగ్ హీరో వ‌రుణ్ ధావ‌న్ తో అట్లీ మ‌రో చిత్రాన్ని తెర‌కెక్కిస్తున్న సంగ‌తి తెలిసిందే. ఇది అట్లీ మార్క్ యాక్ష‌న్ ఎంట‌ర్ టైన‌ర్. ఇందులో వ‌రుణ్ కి జోడీగా కీర్తి సురేష్ ని హీరోయిన్ గా తీసుకున్నాడు. అలాగే ఓ కీల‌క పాత్ర‌కి వామికా గ‌బ్బిని ఎంపిక చేసారు.

అయితే స్టోరీ డిమాండ్ మేర‌కు సెకెండ్ లీడ్ కి ఛాన్స్ ఉంది. దీంతో ఆ పాత్ర కోసం సాన్యామ‌ల్హోత్రాని తీసుకుంటున్న‌ట్లు స‌మాచారం. ఈ బ్యూటీ జ‌వాన్ లో డాక్ట‌ర్ పాత్ర‌లో మెరిసింది. ఇప్పుడా బ్యూటీకి ఏకంగా హీరోయిన్ ఛాన్స్ ఇస్తున్నాడు. సినిమా ఇంకా మొద‌లు కాకుండానే ముగ్గురు భామ‌లు అప్పుడే రేసులో క‌నిపిస్తున్నారు. మొద‌లైన త‌ర్వాత ఇంకా చాలా మంది బ్యూటీలు యాడ్ అయ్యే అవ‌కాశం ఉంది.

అట్లీ సినిమా అంటే తెరంగా రంగుల మ‌యం కావాలి. గాళ్స్ గ్యాంగ్ తో ర‌చ్చ జ‌రిగాలి. వాళ్ల సౌండింగ్ తోనే థియేట‌ర్లు ద‌ద్ద‌రిల్లిపోవాలి అన్న‌ది అట్లీ ఫిలాస‌ఫీ. అందుకే త‌న ప్ర‌తీ సినిమాలో అమ్మాయిలు ఎక్కువ‌గా ఉండేలా చూస్తాడు. ఆ పాత్ర‌లు సినిమాలో చాలా బ‌లంగా తెర‌పై క‌నిపిస్తాయి. ఇందులో వ‌రుణ్ పోలీస్ ఆఫీస‌ర్ పాత్ర పోషిస్తున్నాడు..ఆయ‌న భార్య పాత్ర‌లో కీర్తి సురేష్ న‌టిస్తుంది. వీడీ 18 వ‌ర్కింగ్ టైటిల్.