డైరెక్టర్ కిషోర్ తిరుమల.. మళ్ళీ ఇన్నాళ్ళకు..

ఫీల్ గుడ్ చిత్రాలతో దర్శకుడిగా తనకంటూ ఒక బ్రాండ్ క్రియేట్ చేసుకున్న డైరెక్టర్ కిషోర్ తిరుమల. నేను మీకు తెలుసా సినిమాతో డైలాగ్ రైటర్ గా కెరియర్ స్టార్ట్ చేసిన కిషోర్ తిరుమల సెకండ్ హ్యాండ్ మూవీతో డైరెక్టర్ గా మారారు. ఆ సినిమా వర్క్ అవుట్ కాకపోవడంతో మరల గ్యాప్ వచ్చింది.

నేను శైలజ మూవీతో రామ్ పోతినేని సెకండ్ ఛాన్స్ ఇవ్వడం, దాంతో బ్లాక్ బస్టర్ కొట్టడం జరిగిపోయింది. మరల ఉన్నదీ ఒక్కటే జిందగీ సినిమాతో రామ్ హీరోగా మరో హిట్ ని ఖాతాలో వేసుకున్నాడు. తేజ్ తో చిత్రలహరి మూవీతో హ్యాట్రిక్ హిట్స్ ని ఖాతాలో వేసుకున్నాడు. దీని తర్వాత మరల రామ్ పోతినేనితో రెడ్ అనే మూవీ చేశాడు.

అయితే ఈ సినిమా ఆశించిన స్థాయిలో సక్సెస్ అందుకోలేదు. ఎవరేజ్ టాక్ తో గట్టెక్కింది. గత ఏడాది శర్వానంద్ తో ఆడాళ్ళు మీకు జోహార్లు అనే మూవీ చేశాడు. ఈ సినిమా డిజాస్టర్ అయ్యింది. దీని తర్వాత కిషోర్ తిరుమల చాలా గ్యాప్ తీసుకొని మళ్ళీ బౌన్స్ బ్యాక్ అయ్యేందుకు సిద్ధం అవుతున్నారు. మరల తన ఫేవరేట్ హీరో రామ్ పోతినేనితోనే మూవీకి సిద్ధం అవుతున్నారు.

ప్రస్తుతం రామ్ తో ఒక కథపై చర్చలు జరుపుతున్నట్లు తెలుస్తోంది. ఈ కథ ఫైనల్ అయితే వీరిద్దరి కాంబోలో నాలుగో మూవీ అవుతుంది. కిషోర్ తిరుమలతో వైబ్ కుదరడడంతో రామ్ పోతినేని కూడా అతని కథలకి పచ్చజెండా ఊపెస్తున్నారు. రామ్ పోతినేని ఇప్పటికే ది వారియర్, స్కంద సినిమాలతో రెండు డిజాస్టర్స్ ఖాతాలో వేసుకున్నారు.

ప్రస్తుతం పూరి జగన్నాథ్ తో డబుల్ ఇస్మార్ట్ మూవీ రామ్ పోతినేని చేస్తున్నారు. ఈ సినిమా మీద రామ్ చాలా హోప్స్ పెట్టుకున్నాడు. హిట్ మూవీకి సీక్వెల్ కావడంతో కచ్చితంగా ప్రేక్షకులకి రీచ్ అవుతుందని నమ్ముతున్నాడు. దీని తర్వాత కిషోర్ తిరుమల ప్రాజెక్ట్ ని పట్టాలు ఎక్కించే అవకాశం ఉందని ఇండస్ట్రీ వర్గాలలో వినిపిస్తోంది.