లోకేష్ నెక్స్ట్.. మరో పవర్ఫుల్ రోల్

తమిళంలో స్టార్ డైరెక్టర్ గా దూసుకుపోతున్న లోకేష్ కనగరాజ్ తాజాగా లియో సినిమాతో ప్రేక్షకుల ముందుకి వచ్చారు. ఈ సినిమా మిగిలిన భాషలలో మిక్సడ్ టాక్ తెచ్చుకున్న తమిళంలో మాత్రం హిట్ బొమ్మగా మారింది. అక్కడ ఆడియన్స్ కి లియో భాగానే కనెక్ట్ అయ్యింది. ఇదిలా ఉంటే లోకేష్ నెక్స్ట్ ప్రాజెక్ట్ సూపర్ స్టార్ రజినీకాంత్ తో చేయబోతున్న సంగతి తెలిసిందే.

వచ్చే ఏడాది వేసవిలో ఈ సినిమా సెట్స్ పైకి వెళ్లనుందని తెలుస్తోంది. ఈ లోపు స్క్రిప్ట్ వర్క్ కంప్లీట్ చేసుకొని క్యాస్టింగ్ ఫైనల్ చేసే పనిలో లోకేష్ ఉన్నారు. ఈ సినిమాని భారీ బడ్జెట్ తో లోకేష్ సినిమాటిక్ యూనివర్స్ లో భాగంగానే తెరకెక్కించనున్నట్లు తెలుస్తోంది. ఇదిలా ఈ సినిమాలో సూపర్ స్టార్ కి విలన్ గా మలయాళీ స్టార్ పృథ్వీరాజ్ సుకుమారన్ ని తీసుకోవాలని ప్రయత్నం చేస్తున్నారంట.

ప్రస్తుతం అతని డేట్స్ కోసం చూస్తున్నట్లు తెలుస్తోంది. లోకేష్ కనగరాజ్ లో విలన్ పాత్ర అంటే ఎంత పవర్ ఫుల్ గా ఉంటుందో ప్రత్యేకంగా చెప్పాల్సిన పని లేదు. కచ్చితంగా సినిమాలో అతని ఇంపాక్ట్ కచ్చితంగా ఉంటుంది. అందులో సూపర్ స్టార్ కి పవర్ ఫుల్ విలన్ ని దించాలని ప్లాన్ చేస్తున్నారు.

పృథ్వీ రాజ్ సుకుమార్ కి కథ చెప్పే పనిలో దర్శకుడు లోకేష్ ఉన్నారని కోలీవుడ్ సర్కిల్ లో వినిపిస్తోంది. ప్రస్తుతం పృథ్వీరాజ్ సుకుమారన్ సలార్ లో పవర్ విలన్ గా కనిపిస్తున్నాడు. ఈ చిత్రంలో అతని పాత్ర చాలా ఎఫక్టివ్ గా ఉంటుందని ఇప్పటికే వచ్చిన పోస్టర్స్ తోనే క్లారిటీ వచ్చేసింది. ఇప్పుడు ఏకంగా సూపర్ స్టార్ కి విలన్ గా అంటే మంచి ఛాన్స్ అని చెప్పొచ్చు.

నిజానికి విక్రమ్ సినిమాలో రోలెక్స్ పాత్ర కోసం ముందుగా పృథ్వీరాజ్ ని లోకేష్ అనుకున్నారంట. అయితే అతని డేట్స్ దొరకకపోవడంతో సూర్య ఫైనల్ గా రోలెక్స్ పాత్రలోకి వచ్చాడు. ఆ పాత్ర ఇంపాక్ట్ విక్రమ్ సినిమాపై ఏ స్థాయిలో చూపించిందో అందరికి తెలిసిందే. ఈ సారి మాత్రం సూపర్ స్టార్ సినిమాకి పృథ్వీరాజ్ కి తీసుకోవడం దాదాపు ఖాయం అవ్వొచ్చనే టాక్ వినిపిస్తోంది.