LCU ఫ్యాన్స్ ఇది కిక్కిచ్చే న్యూస్!
తమిళ స్టార్ హీరో కార్తీ.. భిన్నమైన చిత్రాల్లో నటిస్తూ ప్రేక్షకులను అలరిస్తుంటారు.
By: Tupaki Desk | 30 Oct 2023 1:30 AM GMT
తమిళ స్టార్ హీరో కార్తీ.. భిన్నమైన చిత్రాల్లో నటిస్తూ ప్రేక్షకులను అలరిస్తుంటారు. అయితే ఆయన కెరీర్లో బిగ్గెస్ట్ హిట్, బాగా గుర్తుండిపోయే సినిమా ఖైదీ ఒకటి. ఈ సినిమా సీక్వెల్ కోసం చాలా ఏళ్లుగా అభిమానులు ఆసక్తిగా ఎదురుచూస్తున్నారు. తాజాగా మరోసారి దీనిపై చిత్ర దర్శకుడు లోకేశ్ కనగరాజ్ క్లారిటీ ఇచ్చారు.
వివరాళ్లోకి వెళితే.. ప్రస్తుతం ఇండియన్ టాప్ డైరెక్టర్స్లో లోకేశ్ కనగరాజ్ పేరు తప్పక ఉంటుంది. ఇప్పుడు ఆయన నుంచి సినిమా అంటే పాన్ ఇండియా ప్రేక్షకుల్లో ఎంతో ఆసక్తి నెలకొంది. పైగా ఎల్సీయూ పేరుతో ఓ ప్రపంచాన్ని సృష్టించి అద్భుతం చేస్తున్నారు.
రీసెంట్గా ఆయన ఎల్సీయూలో భాగంగా లియో చిత్రంతో ప్రేక్షకులతో వచ్చారు. ఈ చిత్రం కాస్త నెగటివ్ టాక్ తెచ్చుకున్నప్పటికీ వసూళ్లను బాగా సాధించింది. ఇక ఈ ఎల్సీయూ నుంచి ఇంకా ఖైదీ 2, విక్రమ్ 2, రోలెక్స్ చిత్రాలు రావాల్సి ఉంది. వీటిలో అందరూ మొదట ఖైదీ 2, రోలెక్స్ గురించి ఉత్కంఠతో ఎదురుచూస్తున్నారు.
అయితే తాజాగా లోకేశ్ కనగరాజ్.. కార్తీ నటించిన జపాన్ ట్రైలర్ అండ్ ఆడియో లాంఛ్ ఈవెంట్లో పాల్గొని ఖైదీ 2, రోలెక్స్ చిత్రాల అప్డేట్స్ ఇచ్చారు. ప్రస్తుతం సూపర్ స్టార్ రజనీకాంత్తో చేయబోయే సినిమా తర్వాత ఎల్సీయూలో ఖైదీ 2 ముందుగా వస్తుందని అన్నారు. అనంతరం రోలెక్స్ ఉంటుందని క్లారిటీ ఇచ్చారు. దీంతో ఎల్సీయూ అభిమానుల్లో జోష్ నెలకొంది.
మరి ఖైదీతో అలరించిన లోకేస్ - కార్తీ కాంబో.. సీక్వెల్తో ఏ రేంజ్లో అలరిస్తుందో చూడాలి. ఇకపోతే కార్తీ ప్రజెంట్ యంగ్ డైరెక్టర్ రాజు మురుగన్తో చేసిన జపాన్ ఈ దీపావళికి రాబోతుంది. అను ఇమ్మాన్యుయేల్ హీరోయిన్గా నటించింది. ఈ సినిమాను డ్రీమ్ వారియర్స్ పిక్చర్స్ నిర్మించింది. జీవి ప్రకాశ్ సంగీతం అందించారు. అలానే లోకేశ్.. రజనీకాంత్తో చేయబోయే సినిమా కోసం రెడీ అవుతున్నారు. ప్రీ ప్రొడక్షన్ వర్క్స్ జరుగుతున్నాయి. త్వరలోనే సెట్స్పైకి వెళ్లనుంది.
