ప‌వ‌న్ క‌ళ్యాణ్ లా అనుకోకుండా సినిమాల్లోకి వచ్చాడే!

ప‌వ‌న్ క‌ళ్యాణ్ సినిమాల్లోకి ఎలా వ‌చ్చారో తెలిసిందే. మెగాస్టార్ చిరంజీవి స‌హ‌కారంతో ప‌రిశ్ర‌మ‌లోకి వ‌చ్చి పెద్ద స్టార్ అయ్యాడు. ప‌వ‌న్ సినిమాల్లోకి రాక‌పోయి ఉంటే? ఆయ‌న జీవితం మ‌రోలా ఉండేది. ఆ జీవితం ఎలా ఉండేదో చాలా సంద‌ర్భాల్లో తెలిపారు. వ్యవ‌సాయం చేసేవాడిన‌ని...ఎద్దుల బ‌ళ్లు ఎక్కి..ట్రాక్ట‌ర్లు ఎక్కి పొలం దున్నేవాడిని అనేవారు. అదీ కుద‌ర‌క‌పోతే అన్న‌య్య‌కి బాడీగార్డు గా ఉండి సాధార‌ణ జీవితం గ‌డిపేవాడిని అన్నారు. ప‌వ‌న్ నిజంగా హీరో కాక‌పోతే ఆయ‌న జీవితం అలాగే ఉండేది. అనుకోకుండా ఆయ‌న‌కు స్టార్ హోదా వ‌చ్చింది.

ఇప్పుడా హోదా నుంచి ఏపీ రాజ‌కీయాల్లో కీల‌కంగా మారిన సంగ‌తి తెలిసిందే. ప్ర‌జ‌లు అవ‌కాశం ఇస్తే ముఖ్య‌మంత్రి అవుతా అంటున్నారు. అవ‌కాశం ఇవ్వ‌క‌పోతే సేవ‌కుడిగా ఉంటాన‌న్నారు. ప‌వ‌న్ ఏ మాత్రం ఊహించ‌ని జీవితం ఇది. ఇప్పుడీ క‌థ అంతా ఎందుక‌నుకుంటున్నారో? ప‌వ‌న్ క‌ళ్యాణ్ లాగే ఒక‌రు స్టార్ డైరెక్ట‌ర్ గా ఎదిగి నీరాజ‌నాలు అందుకుంటున్నాడు. అత‌ను ఎవ‌రో కాదు కోలీవుడ్ డైరెక్ట‌ర్ నెల్స‌న్ దిలీప్ కుమార్. ఆయ‌న ద‌ర్శ‌క‌త్వంలో రిలీజ్ అయిన `జైల‌ర్` ఇటీవ‌ల రిలీజ్ అయి ఎలాంటి విజ‌యం సాధించిందో తెలిసిందే.

ఒక్క విజ‌యంతో నెల్స‌న్ పేరు పాన్ ఇండియాలో మారు మ్రోగిపోతుంది. త‌న‌కీ ఈ హోదా అనుకోకుండా వ‌చ్చింద‌ని అంటున్నాడు. అస‌లు ఆయ‌న‌కు సినిమాలంటేనే విర‌క్తి అట‌. నెల్స‌న్ తండ్రి రేడియో నాట‌కాలు రాసేవారుట‌. అలా చిన్న‌ప్ప‌టి నుంచి ఇంట్లో క‌థ‌లు..నాట‌కాల వాతావ‌ర‌ణం చూసి చిరాకు పుట్టేదిట‌. దీంతో ఏరంగంలోకి వెళ్లిన ప‌ర్వాలేదుగానీ..సినిమాల్లోకి మాత్రం వెళ్లాల‌నుకోలేదుట‌. ఇంజ‌నీరింగ్ పూర్తిచేసి సాప్ట్ వేర్ ఉద్యోగంలో స్థిర‌ప‌డాల‌నుకున్నాడుట‌.

కానీ సీట్ రాక‌పోవ‌డంతో డిగ్రీ విజువ‌ల్ క‌మ్యునికేష‌న్ లో తండ్రి చేర్పించారుట‌. ఇంట్లో నాట‌కాలు..కాలేజీకి వ‌చ్చిన త‌ర్వాత అదే క‌థ కావ‌డంతో చికాకు పుట్టేద‌ట‌. క్లాస్ లకి స‌రిగ్గా వెళ్లేవాడు కాదుట‌. చివ‌రికి కాలేజీ మానేస్తాన‌ని ఇంట్లో చెప్పాడుట‌. కానీ పేరెంట్స్ ఒప్పుకోక పోవ‌డంతో బ‌ల‌వంతంగా చ‌దివాడుట‌. స్ట‌డీస్ లో భాగంగా స్పీల్ బ‌ర్గ్ సినిమాలు చూడాల్సి వ‌చ్చిందిట‌. అదే నెల్స‌న్ కెరీర్ ట‌ర్నింగ్ తిప్పింది. అత‌ని సినిమాలు న‌చ్చ‌డంతో సినిమాలు చూడ‌టం మొద‌లు పెట్టాడుట‌. అప్పుడు సినిమాలు చూడ‌టమే ఇప్పుడ‌త‌న్ని ద‌ర్శ‌కుడిగా మార్చింది. కొంద‌రి జీవితాల్లో కెరీర్ ఊహించ‌ని విధంగా మ‌లుపు తిరుగుతుంది.