బేబీ కాంబో రిపీట్.. ఈసారి అంతకుమించి..!

సంపూర్ణేష్ బాబుతో హృదయ కాలేయం లాంటి సినిమా తీసిన సాయి రాజేష్ బేబీ లాంటి ఒక యూత్ ఫుల్ ఎంటర్టైనర్ లవ్ ఫెయిల్యూర్ మూవీ తీస్తాడని ఎవరు ఊహించి ఉండరు. సినిమా కొంతమందికి నచ్చకపోయినా యూత్ ఆడియన్స్ ఈ సినిమాని సెన్సేషనల్ హిట్ చేశారు. 7 కోట్ల బిజినెస్ చేసిన ఈ సినిమా 90 కోట్ల దాకా గ్రాస్ తెచ్చింది. స్నేహితుడిగా తన మీద పెట్టుకున్న నమ్మకానికి ఇంత పెద్ద హిట్ ఇచ్చినందుకు నిర్మాత ఎస్.కె.ఎన్ డైరెక్టర్ సాయి రాజేష్ కి బెంజ్ కారు బహుమతిగా ఇచ్చాడు

అయితే ఈ గిఫ్ట్ ఇవ్వడంలో చిన్న మెలిక ఉందని టాక్. బేబీ తో సూపర్ హిట్ అనిపించుకున్న ఈ కాంబో మరో సినిమాకు శ్రీకారం చుడుతున్నారట. ఇప్పటికే స్క్రిప్ట్ లాక్ అయినట్టు తెలుస్తుంది. త్వరలోనే సినిమా అనౌన్స్ మెంట్ కూడా ఉంటుందని టాక్. బేబీ సక్సెస్ మీట్ లో ఇక మీదట ఇలాంటి కథలతోనే తను సినిమాలు చేస్తానని చెప్పాడు. ఆ ప్రయత్నంలోనే మరో అద్భుతమైన కథతో సాయి రాజేష్ వస్తున్నాడని తెలుస్తుంది.

సాయి రాజేష్ డైరెక్షన్ లో ఎస్.కె.ఎన్ నిర్మాతగా మరో సినిమా రాబోతుంది. అయితే బేబీ కాస్ట్ తోనే నెక్స్ట్ సినిమా చేస్తారా లేదా అన్నది తెలియాల్సి ఉంది. బేబీ ఇచ్చిన బూస్టింగ్ తో సాయి రాజేష్ మంచి కథలను చెప్పాలని ఫిక్స్ అయ్యాడట. బేబీ నుంచి తన పంథా మార్చిన సాయి రాజేష్ ఇక మీదట తన నుంచి ఎమోషనల్ మూవీస్ వస్తాయని చెబుతున్నారు.

ఒక్క హిట్ సినిమా ఇచ్చే కాన్ఫిడెన్స్ ఇలానే ఉంటుంది. బేబీ కోసం రెండేళ్లు కాస్ట్ అండ్ క్రూ పడిన కష్టానికి సినిమా అంతకుమించి రెస్పాన్స్ తెచ్చుకుంది. ఇక ఇప్పుడు ఈ కాంబో రిపీట్ చేస్తుండటం తో ఆడియన్స్ లో అంచనాలు పెరిగాయి. బేబీ సీక్వెల్ గా సినిమా చేస్తే బెటర్ అంటూ సలహాలు కూడా ఇచ్చేస్తున్నారు. ఆఫ్టర్ బేబీ సాయి రాజేష్ ఎలాంటి సినిమాతో ప్రేక్షకుల ముందుకు వస్తారో చూడాలి. కామెడీ ఎంటర్టైనర్స్, సెటైరికల్ సినిమాలతో కెరీర్ మొదలు పెట్టిన సాయి రాజేష్ ఇప్పుడు తనలోని అసలు టాలెంట్ చూపించడం మొదలు పెట్టాడు. బేబీ తర్వాత తను తీసే సినిమాలన్నీ బేబీని మించి ఉండాలని అనుకుంటున్నాడని తెలుస్తుంది.