అసలు శంకర్ ప్లాన్ ఎలా ఉందంటే..

గ్లోబల్ స్టార్ రామ్ చరణ్ హీరోగా, శంకర్ దర్శకత్వంలో తెరకెక్కుతోన్న చిత్రం గేమ్ చేంజర్. భారీ బడ్జెట్ తో దిల్ రాజు శ్రీ వెంకటేశ్వర క్రియేషన్స్ బ్యానర్ పై ఈ చిత్రాన్ని నిర్మిస్తున్నారు. ప్రస్తుతం షూటింగ్ దశలో ఈ చిత్రం నడుస్తోంది. శంకర్ ఓ వైపు ఇండియన్ 2తో పాటుగా గేమ్ చేంజర్ మూవీ చేస్తున్నారు. ఈ కారణంగానే బాగా ఆలస్యం అవుతూ వస్తోంది. మెగా ఫ్యాన్స్ మాత్రం గానే చేంజర్ మూవీ కోసం చాలా ఆతృతగా ఎదురుచూస్తున్నారు.

ఇండియన్ 2 షూటింగ్ కంప్లీట్ అయిపోయి పోస్ట్ ప్రొడక్షన్ దశలో ఉన్నట్లు తెలుస్తోంది. అయితే ఆ చిత్రానికి విఎఫ్ఎక్స్ వర్క్ ఎక్కువ ఉంటుందంట. ఈ కారణంగా పోస్ట్ ప్రొడక్షన్ లేట్ అవ్వనున్నట్లు తెలుస్తోంది. ఆ చిత్రం కూడా 300 కోట్లకి పైగా బడ్జెట్ తో తెరకెక్కుతున్నదే. ఈ రెండు చిత్రాలలో ఏది ముందు రిలీజ్ అవుతుందనే దానిపై శంకర్ నుంచి ఇప్పటి వరకు ఎలాంటి క్లారిటీ లేదు.

అయితే తాజాగాగా వినిపిస్తోన్న సమాచారం ప్రకారం వచ్చే ఏడాది ఆగష్టు 15 కానుకగా ఇండియన్ 2 సినిమాని శంకర్ రిలీజ్ చేయాలని అనుకుంటున్నారంట. దాని తర్వాత గ్యాప్ తీసుకొని వచ్చే ఏడాది దీపావళికి గేమ్ చేంజర్ రిలీజ్ చేయాలనే యోచనలో ఉన్నారని టాక్. దీనిలో ఎంత వాస్తవం ఉందనేది తెలియదు కాని ప్రస్తుతం సోషల్ మీడియాలో ఈ రిలీజ్ డేట్స్ హాట్ టాపిక్ గా మారాయి.

త్వరలో ఈ చిత్రాల రిలీజ్ డేట్ పై దర్శకుడు శంకర్ అఫీషియల్ క్లారిటీ ఇస్తారనే ప్రచారం నడుస్తోంది. ఇప్పటికే దిల్ రాజు గేమ్ చేంజర్ రిలీజ్ విషయంలో చేతులెత్తేశారు. శంకర్ ఎప్పుడు అంటే అప్పుడే రిలీజ్ అని చెప్పారు.

ఈ రిలీజ్ ఎలాగూ ఆలస్యం అయ్యేలా ఉంది కాబట్టి రామ్ చరణ్ త్వరలో బుచ్చిబాబు సానా దర్శకత్వంలో చేయనున్న సినిమాని సెట్స్ పైకి తీసుకొని వెళ్లే అవకాశాలు కనిపిస్తున్నాయి. గేమ్ చేంజర్ రిలీజ్ అయ్యే సమయానికి బుచ్చిబాబు మూవీ కూడా పోస్ట్ ప్రొడక్షన్ కంప్లీట్ చేసుకొని సిద్ధం అయిపోయే అవకాశం ఉందని ఇండస్ట్రీ వర్గాలలో వినిపిస్తోంది.