కెరీర్‌లో బెస్ట్‌ మూమెంట్స్.. ఆయనతో వర్క్ అదృష్టం
గత రెండు వారాలుగా హీరో సూర్య, హీరోయిన్ దిశా పటానితో పాటు ఇతర యూనిట్‌ సభ్యులు అంతా ప్రమోషన్ కార్యక్రమాల్లో పాల్గొంటూ ఉన్నారు.
By: Tupaki Desk | 2 Nov 2024 7:26 AM GMT
సూర్య హీరోగా శివ దర్శకత్వంలో రూపొందిన 'కంగువా' సినిమా ఈనెల 14న ప్రేక్షకుల ముందుకు రాబోతుంది. భారీ అంచనాల నడుమ రూపొందిన ఈ సినిమాను పాన్ ఇండియా రేంజ్ లో భారీ ఎత్తున విడుదల చేయడం కోసం ఏర్పాట్లు దాదాపు పూర్తి అయ్యాయి. గత రెండు వారాలుగా హీరో సూర్య, హీరోయిన్ దిశా పటానితో పాటు ఇతర యూనిట్‌ సభ్యులు అంతా ప్రమోషన్ కార్యక్రమాల్లో పాల్గొంటూ ఉన్నారు. నిర్మాత జ్ఞానవేల్‌ రాజా ఒక ఇంటర్వ్యూలో మాట్లాడుతూ ఈ సినిమా వెయ్యి కోట్లకు పైగా వసూళ్లు సాధించడం ఖాయం అని, విడుదల తర్వాత లెక్కలతో సహా చూపిస్తాను అంటూ ఛాలెంజ్‌ చేయడంతో అంచనాలు మరింతగా పెరిగాయి.
తాజాగా హీరోయిన్ దిశా పటానీ ఒక చిట్‌ చాట్‌ లో మాట్లాడుతూ... కంగువా సినిమాలో నటించడం తన అదృష్టంగా చెప్పుకొచ్చింది. కెరీర్‌లోనే ఈ క్షణాలు బెస్ట్‌గా చెప్పుకొచ్చింది. ఇలాంటి ఒక అద్భుతమైన ఫీల్‌ను తాను ఎప్పుడూ అనుభవించలేదు అంది. నా కెరీర్‌లో నమ్మశక్యం కానీ క్షణాలు ఇవి అన్నట్లుగా తన ఆనందంను దిశా పటానీ పంచుకుంది. సినిమా షూటింగ్‌ లో జాయిన్‌ అయిన సమయంలో దర్శకుడు శివ గారు నాకు చాలా ప్రోత్సాహం అందించారు. తన సినిమా సెట్‌ లో ప్రతి ఒక్కరు సంతోషంగా వర్క్ చేసుకోవాలి, ఎవరికి ఎలాంటి ఇబ్బంది రాకూడదు అని కోరుకుంటారు. అందుకే శివ వంటి దర్శకుడితో మళ్లీ మళ్లీ సినిమాలు చేయాలని కోరుకుంటాను అంది.
మంచి దర్శకుడు, మంచి నటీనటులతో సినిమాను చేసే అవకాశం రావడం గొప్ప విషయంగా భావిస్తున్నాను. ముఖ్యంగా సూర్య వంటి అద్భుతమైన కో స్టార్‌తో నటించే అవకాశం రావడం అదృష్టంగా భావిస్తున్నాను అని, ఇంకా ఎంతో మంది సీనియర్ నటీనటులతో స్క్రీన్ షేర్‌ చేసుకోవడం, వారితో కలిసి నటించి ఎన్నో విషయాలను నేర్చుకోవడం కెరీర్‌ బెస్ట్‌ మూమెంట్స్ గా పేర్కొంది. కంగువా సినిమాలో దిశా పటానీ నటించడంతో బాలీవుడ్‌ ప్రేక్షకుల్లో అంచనాలు భారీగా పెరిగాయి. ఇటీవల ఈమె కల్కి సినిమాలో చిన్న పాత్రలో నటించి మెప్పించిన విషయం తెల్సిందే. ఇప్పుడు కంగువా సినిమాతో మరో విజయాన్ని తన ఖాతాలో దిశా పటానీ వేసుకోవడం ఖాయం అనే అభిప్రాయం వ్యక్తం అవుతోంది.
ఈ మధ్య కాలంలో టాలీవుడ్‌, బాలీవుడ్‌తో పాటు మలయాళ సినిమా ఇండస్ట్రీ నుంచి వచ్చిన సినిమాలు, రాబోతున్న సినిమాలు వెయ్యి కోట్ల వసూళ్లను సొంతం చేసుకోవడంతో పాటు, వెయ్యి కోట్ల వసూళ్ల టార్గెట్‌తో కొత్త సినిమాలు రాబోతున్నాయి. కానీ ఇప్పటి వరకు కోలీవుడ్‌ నుంచి ఒక్క వెయ్యి కోట్ల సినిమా రాలేదు అంటూ తమిళ మీడియా వారు, ఇండస్ట్రీ వర్గాల వారు నిరుత్సాహంతో ఉన్నారు. ఎట్టకేలకు తమిళ సినిమా ఇండస్ట్రీ నుంచి వెయ్యి కోట్ల సినిమా రాబోతుందని, అది కంగువా అంటూ అంతా నమ్మకంగా చెబుతున్నారు. నిర్మాత జ్ఞానవేల్‌ రాజా ఈ సినిమాను భారీ ఎత్తున విడుదల చేయబోతున్నారు. ముఖ్యంగా ఇండియన్‌ భాషల్లోనే కాకుండా విదేశీ భాషల్లోనూ సినిమాను విడుదల చేయబోతున్న కారణంగా వసూళ్లు వెయ్యి కోట్లను మొదటి వారంలోనే క్రాస్ చేసే అవకాశాలు ఉన్నాయని, పలు సినిమాల రికార్డ్‌లను బ్రేక్ చేసి మరీ కంగువా సాలిడ్‌ హిట్ కొడుతుందనే నమ్మకంను మేకర్స్ వ్యక్తం చేస్తున్నారు. మరి వారి నమ్మకం నిజం అవుతుందా అనేది చూడాలి.
