ప‌టానీ బ్యూటీ కూడా ఆయ‌న క‌ళ్ల‌కు ప్లాటైపోయింది!

కోలీవుడ్ స్టార్ సూర్య క‌ళ్ల‌కు ఎంత మంది ఫ్యాన్స్ ఉన్నారు? అన్న‌ది చెప్పాల్సిన ప‌నిలేదు. ఆయ‌న కళ్ళకి ప్ర‌త్యేక‌మైన అభిమానులు ఎంతో మంది ఉన్నారు. సూర్య‌ని లైక్ చేసే లేడీఫాలోవ‌ర్ల్ ల‌క్ష‌ల్లో ఉన్నారు. ఇంకా చెప్పాలంటే సూర్య క‌ళ్ల‌కు స్టార్ హీరోలే పిచ్చ ఫ్యాన్స్ . ప్ర‌భాస్, రామ్ చ‌ర‌ణ్‌, రానా ఇలా ఒక‌రేంటి దాదాపు టాలీవుడ్ హీరోలంతా సూర్య‌ని అభిమానించే హీరేలే.

ఇక లేడీ ఫాలోవ‌ర్ల గురించైతే చెప్పాల్సిన ప‌నిలేదు. ఆయ‌న అంటే పిచ్చిగా అభిమానించే గాళ్స్ ఎంతో మంది. అందులో దిశా ప‌టానీ కూడా చేరిపోయింది. ప్ర‌త్యేకంగా సూర్య క‌ళ్ల‌ను చూసి అలా ఉండిపోతానంటోంది. కంగువ‌లో అమ్మ‌డు సూర్య‌కి జోడీగా న‌టించిన సంగ‌తి తెలిసిందే. ఈ సంద‌ర్భంగా సూర్య క‌ళ్ల‌ను ఉద్దేశించి ఆస‌క్తిక‌ర వ్యాఖ్య‌లు చేసింది.

`సూర్య‌తో క‌లిసి ప‌నిచేయ‌డం నాజీవితంలో మ‌ర్చిపోలేని ఓ మంచి అనుభ‌వం. ఆయ‌న కంటే త‌న క‌ళ్లే ఎక్కువ‌గా మాట్లాడుతాయి. ఆయ‌న క‌ళ్ల‌వైపు చూస్తుంటే అలా చూస్తూ ఉండిపోవాల‌నిపిస్తుంది. ఆ క‌ళ్ల‌లో ఏదో మాయ, మ‌త్తు ఉన్నాయి. క‌ళ్ల‌తో న‌టించ గ‌ల గొప్ప న‌టుడు ఆయ‌న‌. ఆయ‌న నుంచి ఎన్నో మంచి విష‌యాలు తెలుసుకున్నాను. ఎంతో ప్రోఫెష‌న‌ల్ గా ఉంటాడు. ఇంకా సినిమాలో జ‌గ‌ప‌తి బాబు, బాబి డియోల్ లాంటి లెజెండ్స్ క‌లిసి ప‌నిచేయ‌డం గొప్ప అనుభూతినిచ్చింది.

ఇదంతా నా అదృష్టం భావిస్తున్నా, ఎంతో మంది హీరోయిన్లు ఉన్నా ఇలాంటి గొప్ప చిత్రంలో ప్ర‌త్యేకంగా న‌న్ను భాగం చేయ‌డం అన్న‌ది అదృష్టంగా భావిస్తున్నా` అని అంది. శివ దర్శ‌క‌త్వం వ‌హించిన సినిమా భారీ అంచ‌నాల మ‌ధ్య ఈనెల 14న రిలీజ్ అవుతుంది. ఇప్ప‌టికే యూనిట్ ప్ర‌చారాన్ని ప‌రుగులు పెట్టిస్తోంది. ఇటీవ‌ల హైద‌రాబాద్ వైజాగ్ అభిమానుల‌తోనూ సూర్య క‌నెక్ట్ అయిన సంగ‌తి తెలిసిందే.