సినీ 'దీపావళి '.. అప్డేట్స్ సౌండ్ గట్టిగానే..

దీపావళి పండుగను అంతా ఘనంగా జరుపుకుంటున్న విషయం తెలిసిందే. అదే సమయంలో మూవీ లవర్స్ కూడా సినీ దీపావళిని జరుపుకుంటున్నారు. ఫెస్టివల్ స్పెషల్ గా థియేటర్స్ లోకి వచ్చిన చిత్రాలను ఎంజాయ్ చేస్తున్నారు. వాటితోపాటు అప్ కమింగ్ చిత్రాల మేకర్స్ ఇచ్చిన అప్డేట్స్ తో ఖుషీ అవుతున్నారు. కొత్త పోస్టర్లను షేర్ చేస్తున్నారు. తమకు బాగా నచ్చేశాయని చెబుతున్నారు. మరి పలు సినిమాల నుంచి వచ్చిన పోస్టర్లను ఓసారి చూద్దాం.

ఐకాన్ స్టార్ అల్లు అర్జున్ పుష్ప సీక్వెల్ మేకర్స్ దివ్వెల పండుగ సందర్భంగా క్రేజీ అప్డేట్ ఇచ్చారు. సరికొత్త పోస్టర్ ను విడుదల చేశారు. అందులో పుష్పరాజ్‌ గా అల్లు అర్జున్, శ్రీవల్లిగా రష్మిక అదరగొట్టారు. సుకుమార్ దర్శకత్వంలో తెరకెక్కుతున్న ఆ మూవీ.. డిసెంబర్ 5వ తేదీన విడుదల కానుంది. మరోవైపు, స్టార్ హీరో రామ్ చరణ్.. ఉప్పెన ఫేమ్ బుచ్చిబాబుతో ఓ మూవీ చేయనున్న విషయం తెలిసిందే. విభిన్నమైన కాన్సెప్ట్‌ తో రూపొందనున్న RC 16 షూటింగ్ అప్డేట్ ఇచ్చారు మేకర్స్. త్వరలో మొదలు అవ్వనున్నట్లు తెలిపారు.

వరుస హిట్స్ తో జోష్ మీద ఉన్న నేచురల్ స్టార్ నాని.. బ్లాక్ బస్టర్ హిట్ ఫ్రాంచైజీలో ఓ మూవీ చేస్తున్న విషయం తెలిసిందే. ప్రస్తుతం హిట్‌ ది థర్డ్‌ కేస్‌ షూటింగ్ జరుగుతుండగా.. మేకర్స్ నేడు స్పెషల్ పోస్టర్ రిలీజ్ చేశారు. అందులో నాని.. సీరియస్ యాక్షన్ అవతార్ లో కనిపించి ప్రేక్షకులను ఆకట్టుకున్నారు.

వచ్చే ఏడాది మే 1న థియేటర్లలో సందడి చేయనున్నారు. మరోవైపు, సీనియర్ హీరో వెంకటేష్, డైరెక్టర్ అనిల్ రావిపూడి ప్రాజెక్టు నుంచి కూడా దీపావళి స్పెషల్ గా అప్డేట్ వచ్చింది. టైటిల్ అండ్ ఫస్ట్ లుక్ ను రేపు ఉదయం రిలీజ్ చేయనున్నట్లు తెలిపారు మేకర్స్.

యంగ్ హీరో నితిన్ నటిస్తున్న రాబిన్ హుడ్ మూవీ నుంచి మేకర్స్ ఫెస్టివల్ స్పెషల్ గా పోస్టర్ రిలీజ్ చేశారు. అందులో నితిన్ పవర్ ఫుల్ గా కనిపించారు. గెట్ రెడీ ఫర్ ద బ్లాస్ట్ అంటూ మేకర్స్ హైప్ క్రియేట్ చేశారు. మరోవైపు, మంచు విష్ణు ఎంతో ప్రతిష్టాత్మకంగా తీసుకున్న కన్నప్ప నుంచి మరో అదిరిపోయే పోస్టర్ విడుదలైంది. అందులో విష్ణు వేరే లెవెల్ లో ఉన్నారు. బ్లాక్ బస్టర్ హిట్ మూవీ సీక్వెల్ ఓదెల 2 నుంచి కూడా పండగ అప్డేట్ వచ్చింది. ఇంట్రెస్టింగ్ పోస్టర్ ను రివీల్ చేశారు మేకర్స్. మరి ఈ చిత్రాలన్నీ ఎలాంటి హిట్ అవుతాయో వేచి చూడాలి.