దీపావ‌ళి పార్టీలో టాలీవుడ్ స్టార్ క‌పుల్స్

బాలీవుడ్ లో దీపావ‌ళి స్పెష‌ల్ వేడుక‌లు క‌న్నుల‌పండుగ‌ను త‌ల‌పిస్తాయి. సండే నైట్ పాపుల‌ర్ డిజైనర్ మ‌నీష్ మ‌ల్హోత్రా ఇంట భారీగా దీపావ‌ళి వేడ‌క‌లు జ‌రిగాయి. ఈ వేడుక‌ల‌కు హిందీ చిత్ర‌సీమ‌కు చెందిన ప్ర‌ముఖులంతా ఎటెండ‌య్యారు.

ఇప్పుడు అదే క‌ల్చ‌ర్ టాలీవుడ్ లోను క‌నిపిస్తోంది. ఇక్కడా సెల‌బ్రిటీ హోస్టింగుతో దీపావ‌ళి పండుగ‌ను ఎంతో క‌న్నుల‌పండుగ‌గా ప్లాన్ చేయ‌డం ఆస‌క్తిని క‌లిగిస్తోంది. సెల‌బ్రిటీలు కృష్ణారెడ్డి- సుధా ప్ర‌త్యేక దీపావ‌ళి సెల‌బ్రేష‌న్స్ లో టాలీవుడ్ జంట‌లు మ‌హేష్-న‌మ్ర‌త‌, రామ చ‌ర‌ణ్ - ఉపాస‌న ప్ర‌త్యేక అతిథులుగా హాజ‌రు కాగా ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారాయి. ఈ పార్టీలో న‌మ్ర‌త కుటుంబీకుల‌తో పాటు ఉపాస‌న కుటుంబీకులు బంధుమిత్రులు కూడా క‌నిపించారు. ఇదే దీపావ‌ళి వేడుకలో మ‌హేష్ తో పాటు విక్ట‌రీ వెంక‌టేష్ కూడా క‌నిపించారు.

నమ్రతశిరోద్కర్ స్వయంగా ఈ ఫోటోల‌ను షేర్ చేయ‌గా అవి వైర‌ల్ గా మారాయి. న‌మ్ర‌త ఇన్ స్టాలో షేర్ చేసిన క్యాప్ష‌న్ లో ఈవెంట్ ని హోస్ట్ చేసిన సుధాకు ధ‌న్య‌వాదాలు తెలిపారు. న‌మ్ర‌త వ్యాఖ్యానిస్తూ..``

అద్భుతమైన వ్యక్తులు ..మా అసాధారణ హోస్ట్‌లు, #KrishnaReddy -@sudhareddy.officialతో దీపావళి సీజన్‌కు స్వాగతం. నీ కంటే మెరుగ్గా ఎవరూ చేయలేరు సుధా! ఎంత అద్భుతమైన సాయంత్రం! మీతో స్నేహానికి ధన్యవాదాలు`` అని ఇన్ స్టాలో రాసారు.

తెలుగు సినీప‌రిశ్ర‌మ‌లో దీపావ‌ళి-ద‌స‌రా-వినాయ‌క చ‌వితి- దేవీ న‌వ‌రాత్రులు- సంక్రాంతి వేడుక‌లు ఎంతో సంబ‌రంగా హోస్ట్ చేయ‌డం చూస్తున్నాం. ఇలాంటి సంద‌ర్భాల్లో ప్ర‌త్యేకించి తెలుగు సినీప‌రిశ్ర‌మ క‌పుల్స్ వేడుక‌ల‌లో సంద‌డి చేస్తుంటే అందుకు సంబంధించిన ఫోటోగ్రాఫ్స్ అంత‌ర్జాలంలో వైర‌ల్ గా మారుతున్నాయి.