డబుల్ ఇస్మార్ట్: బిగ్ బుల్ వేట మొదలైంది

హై వోల్టేజ్ మాస్ యాక్షన్ మూవీ డబుల్ ఇస్మార్ట్ విడుదలకు సమయం దగ్గరపడుతుండడంతో సినిమాపై భారీ అంచనాలు క్రియేట్ అవుతున్నాయి. ఉస్తాద్ రామ్ పోతినేని, డైనమిక్ డైరెక్టర్ పూరి జగన్నాథ్ కలయికలో వస్తున్న ఈ చిత్రం ఆగస్టు 15న థియేటర్లలో గ్రాండ్ గా విడుదల కానుంది. బాలీవుడ్ స్టార్ సంజయ్ దత్ ప్రతినాయకుడి పాత్రలో నటిస్తుండగా, కథానాయికగా కావ్య థాపర్ కనిపించనున్నారు.

తాజాగా ఈ చిత్రం నుంచి మరో క్రేజీ సాంగ్ 'బిగ్ బుల్'ను విడుదల చేశారు. పూరి జగన్నాథ్ తన సినిమాల్లో విలన్ల పాత్రలను సైతం శక్తివంతంగా చూపించడంలో సిద్ధహస్తుడు. ఈ సారి మరింత ముందుకెళ్లి, మెయిన్ విలన్ పాత్ర చుట్టూ ఒక పాటను చేర్చడం విశేషం. ఈ 'బిగ్ బుల్' పాత్రలో సంజయ్ దత్ కనిపించనున్నారు. చూస్తుంటే హై వోల్టేజ్ సీన్స్ గట్టిగానే ఉండనున్నట్లు అర్ధమవుతుంది.

మణిశర్మ స్వరపరిచిన ఈ "బిగ్ బుల్" పాట, ఉత్సాహభరితమైన, శక్తివంతమైన నంబర్‌గా ప్రేక్షకులను అలరించనుంది. హై ఎనర్జీ ఫెస్టివ్ వాతావరణంలో చిత్రీకరించిన ఈ పాట, సినిమాలోని ముఖ్య పాత్రలందరినీ ఒకేచోట చూపిస్తుంది. ముఖ్యంగా, కావ్య థాపర్ తన గ్లామర్ తో పాటకు అదనపు ఆకర్షణగా నిలుస్తుందని అర్ధమవుతుంది. వీరి కాంబినేషన్ డాన్స్ ఫ్లోర్ పై మంటలు పుట్టించేలా ఉండనున్నట్లు తెలుస్తోంది.

భాస్కరభట్ల రవికుమార్ రాసిన సాహిత్యం 'బిగ్ బుల్' పాత్రను మరింత స్పష్టంగా, బలంగా చూపించేలా హైలెట్ అవుతోంది. ప్రతివాదిగా సంజయ్ దత్ పాత్రకు ఈ పాట ప్రత్యేకమైన కోణాన్ని జోడిస్తుంది. ఈ ట్రాక్ న్యూ ప్రుధ్వి చంద్రా, సంజనా కల్మాంజే పాడారు. వీరి గాత్రం పాటలోకి మరింత జీవం పోసినట్లుంది. తప్పకుండా సినిమాలో ఈ సాంగ్ విజిల్స్ వేయించేలా ఉంటుందని మేకర్స్ చెబుతున్నారు. ఇక రామ్ పోతినేని డ్యాన్స్ కూడా స్పెషల్ ఎట్రాక్షన్ ఉండబోతోందని క్లారిటీ వచ్చేసింది.

పూరి జగన్నాథ్, చార్మి కౌర్ నిర్మాణ సారథ్యంలో పూరి కనెక్ట్స్ పతాకంపై రూపొందిన ఈ చిత్రానికి సామ్ కె. నాయుడు, జియాన్నీ జియాన్నెలి సినిమాటోగ్రాఫర్లుగా పని చేశారు. *డబుల్ ఇస్మార్ట్* తెలుగు, తమిళ, కన్నడ, మలయాళం, హిందీ భాషల్లో ప్రపంచవ్యాప్తంగా విడుదల కానుంది. మరి బాక్సాఫీస్ వద్ద డబుల్ ఇస్మార్ట్ ఏ రేంజ్ లో క్లిక్కవుతుందో చూడాలి.