డబుల్ ఇస్మార్ట్.. ఇది మంచి బేరమే..

టాలీవుడ్ ఉస్తాద్ రామ్ పోతినేని తెలుగులో టైర్ 2 హీరోలలో ఒకడిగా తనకంటూ ప్రత్యేకమైన ఇమేజ్ సొంతం చేసుకున్నాడు. సెలక్టివ్ గా కథలు ఎంచుకుంటూ మార్కెట్ ని పెంచుకునే ప్రయత్నం రామ్ చేస్తున్నాడు. దీనికోసం గత కొంతకాలం నుంచి రెగ్యులర్ గా మాస్ యాక్షన్ కథలకి పెద్దపీట వేస్తున్నాడు. హిట్ ఫ్లాప్ తో సంబంధం లేకుండా రామ్ పోతినేని సినిమాలకి టాలీవుడ్ లో మంచి మార్కెట్ ఉంది.

పూరి జగన్నాథ్, రామ్ పోతినేని కాంబినేషన్ లో వచ్చిన ఇస్మార్ట్ శంకర్ ఎంత పెద్ద హిట్ అయ్యిందో అందరికి తెలిసిందే. రామ్ కెరియర్ లోనే హైయెస్ట్ కలెక్షన్స్ ని ఆ మూవీ అందుకుంది. ఇస్మార్ట్ శంకర్ కి సీక్వెల్ గా డబుల్ ఇస్మార్ట్ చిత్రాన్ని పూరి జగన్నాథ్ తెరకెక్కించారు. ఇస్మార్ట్ శంకర్ కేవలం తెలుగుకి పరిమితం అయితే డబుల్ ఇస్మార్ట్ చిత్రాన్ని పూరి జగన్నాథ్ పాన్ ఇండియా లెవల్ లో ఐదు భాషలలో రిలీజ్ చేయబోతున్నారు.

ఇస్మార్ట్ శంకర్ కి మించి పవర్ ఫుల్ యాక్షన్ ఎలిమెంట్స్ తో, అదిరిపోయే ఇంటరెస్టింగ్ ట్విస్ట్ లతో డబుల్ ఇస్మార్ట్ చిత్రాన్ని పూరి జగన్నాథ్ రెడీ చేసినట్లు తెలుస్తోంది. పూరి కనెక్ట్స్ బ్యానర్ పై ఛార్మి కౌర్, పూరి జగన్నాథ్ సంయుక్తంగా ఈ చిత్రాన్ని నిర్మించారు. 40+ కోట్లకి పైగా బడ్జెట్ తో డబుల్ ఇస్మార్ట్ శంకర్ తెరకెక్కింది. ఈ చిత్రంలో బాలీవుడ్ స్టార్ సంజయ్ దత్ పవర్ ఫుల్ ప్రతినాయకుడిగా టాలీవుడ్ కి ఎంట్రీ ఇస్తున్నారు.

ఆగష్టు 15న వరల్డ్ వైడ్ గా డబుల్ ఇస్మార్ట్ మూవీ థియేటర్స్ లోకి రాబోతోంది. ఈ మూవీ నుంచి సాంగ్స్ ఇప్పటికే ప్రేక్షకుల ముందుకి వచ్చాయి. మణిశర్మ డబుల్ ఇస్మార్ట్ శంకర్ కి సంగీతం అందిస్తున్నారు. తనదైన మాస్ బీట్స్ తో మణిశర్మ మరోసారి తన పవర్ ని డబుల్ ఇస్మార్ట్ తో చూపించారు. ఈ సినిమా బిజినెస్ పై పూరి టీమ్ ఫోకస్ చేసింది. ఈ నేపథ్యంలో డబుల్ ఇస్మార్ట్ వరల్డ్ వైడ్ థీయాట్రికల్ రైట్స్ ని హోల్ అండ్ సోల్ గా ప్రైమ్ షో ఎంటర్టైన్మెంట్స్ వారు కొనుగోలు చేసారంట.

ఏకంగా 60 కోట్ల డీల్ తో ప్రైమ్ షో నిరంజన్ రెడ్డి ఈ సినిమా వరల్డ్ వైడ్ థీయాట్రికల్ రైట్స్ ని సొంతం చేసుకోవడం విశేషం. రామ్ పోతినేని కెరియర్ లోనే ఇది హైయెస్ట్ బిజినెస్ డీల్ అని చెప్పొచ్చు. ఇస్మార్ట్ శంకర్ బ్లాక్ బస్టర్ కావడంతో ఆ సినిమా బజ్ డబుల్ ఇస్మార్ట్ పై హైప్ క్రియేట్ చేసింది. ఈ సినిమాలో రామ్ క్యారెక్టరైజేషన్ మరోసారి ప్రేక్షకులని మెస్మరైజ్ చేయడం గ్యారెంటీ అనే మాట వినిపిస్తోంది. పూరి టీమ్ ఈ సినిమాపై చాలా కాన్ఫిడెంట్ గా ఉంది. ట్రైలర్ తో సినిమాపై ఎక్స్ పెక్టేషన్స్ అమాంతం పెరుగుతాయని అంచనా వేస్తున్నారు. పూరి జగన్నాథ్ మార్క్ డైలాగ్స్ మరోసారి ఈ సినిమాతో యూత్ కి కనెక్ట్ కావడం గ్యారెంటీ అనే మాట వినిపిస్తోంది.