డబుల్ ఇస్మార్ట్.. డబుల్ ట్విస్ట్..

రామ్ పోతినేని, పూరి జగన్నాథ్ కాంబినేషన్ లో ఆగష్టు 15న ప్రేక్షకుల ముందుకి రాబోతున్న చిత్రం డబుల్ ఇస్మార్ట్. భారీ బడ్జెట్ తో పూరి కనెక్ట్స్ బ్యానర్ పై ఛార్మి కౌర్, పూరి జగన్నాథ్ ఈ చిత్రాన్ని పాన్ ఇండియా ప్రాజెక్ట్ గా నిర్మించారు. ఇప్పటికే ఈ మూవీ నుంచి వచ్చిన సాంగ్స్, ట్రైలర్ కి మంచి రెస్పాన్స్ వచ్చింది. మూవీ ప్రమోషన్స్ ని కూడా స్ట్రాంగ్ గా చేస్తున్నారు. కచ్చితంగా డబుల్ ఇస్మార్ట్ మూవీతో బ్లాక్ బస్టర్ కొట్టాలనే కసితో అందరూ వర్క్ చేసినట్లు తెలుస్తోంది.

పూరి జగన్నాథ్ తిరిగి బౌన్స్ బ్యాక్ కావడానికి డబుల్ ఇస్మార్ట్ సక్సెస్ చాలా అవసరం. వరుసగా రెండు బిగ్గెస్ట్ డిజాస్టర్స్ అందుకున్న రామ్ పోతినేనికి కూడా ఈ మూవీతో హిట్ పడాల్సిందే. ఛార్మి కౌర్ కూడా నిర్మాతగా నెక్స్ట్ ప్రాజెక్ట్స్ అగ్రెసివ్ గా చేయాలంటే ఈ సినిమా సక్సెస్ ఒక్కటే మార్గం. మణిశర్మ డబుల్ ఇస్మార్ట్ చిత్రానికి బెస్ట్ మ్యూజిక్ అందించారు. మళ్ళీ కమర్షియల్ మ్యూజిక్ డైరెక్టర్ గా మార్కెట్ లో పోటీ పడాలంటే డబుల్ ఇస్మార్ట్ తో బ్లాక్ బస్టర్ కచ్చితంగా కొట్టాలి.

ఇలా ఈ సినిమాకి వర్క్ చేసిన ప్రతి ఒక్కరికి డబుల్ ఇస్మార్ట్ మూవీ అనేది చాలా కీలకంగా మారింది. ఇదిలా ఉంటే ఈ సినిమాకి సంబందించిన ఇంటరెస్టింగ్ ఫ్యాక్టర్స్ బయటకి వస్తున్నాయి. ముంబైకి చెందిన ఓ వ్యాపారవేత్త తన మెమొరీ తన పిల్లలకి ఉపయోగపడాలని వేరొకరి బాడీలోకి ట్రాన్స్ ఫర్ చేయాలని అనుకుంటాడు. ఇస్మార్ట్ శంకర్ మీద క్లీనికల్ ట్రైల్ చేసి అతని బాడీలోకి తన మెమొరీని పంపించుకోవాలని ప్లాన్ చేస్తాడు. దాంతో అతన్ని బిజినెస్ మెన్ గ్యాంగ్ వెంటాడుతూ ఉంటాడు.

వారి నుంచి ఇస్మార్ట్ శంకర్ తనని తాను ఎలా కాపాడుకున్నాడు అనేది మూవీ మెయిన్ స్టోరీగా ఉంటుందంట. ఈ మూవీ క్లైమాక్స్ లో ఇంటరెస్టింగ్ ట్విస్ట్ ని పూరి జగన్నాథ్ పెట్టారంట. పార్ట్ 3కి సరిపోయేలా ఈ ట్విస్ట్ ని హైలైట్ చేస్తారంట. అలాగే మూవీ ఎండింగ్ లో మరో హీరో క్యారెక్టర్ ఎంట్రీ ఉండేలా లీడ్ ని పూరి జగన్నాథ్ డిజైన్ చేసారనే టాక్ సోషల్ మీడియాలో నడుస్తోంది. కథ గురించి, సినిమాలో క్లైమాక్స్ ట్విస్ట్ ల గురించి ప్రచారం జరుగుతున్న వాటిలో ఎంత వరకు వాస్తవం ఉంది అనేది మాత్రం తెలియదు. మరి పూరి ఎలాంటి ట్విస్ట్ ఇస్తాడో చూడాలి.