ఇస్మార్ట్‌ హీరోయిన్స్ కి డబుల్ ఛాన్స్ లేనట్లేనా?

పూరి జగన్నాధ్ దర్శకత్వం లో రామ్‌ హీరోగా డబుల్ ఇస్మార్ట్‌ సినిమా ఇటీవలే ప్రారంభం అయింది. రెగ్యులర్‌ షూటింగ్ ప్రారంభం అయి మొదటి షెడ్యూల్ కూడా ముగింపు దశకు చేరుకుంది. ఈ నేపథ్యంలో డబుల్ ఇస్మార్ట్‌ సినిమాలో హీరోయిన్స్ ఎవరు అనే ఆసక్తికర చర్చ మొదలైంది.

ఇస్మార్ట్‌ శంకర్ సినిమా లో హీరోయిన్స్ గా నిధి అగర్వాల్‌... నభా నటేష్ లు నటించిన విషయం తెల్సిందే. వీరిద్దరూ డబుల్‌ ఇస్మార్ట్‌ లో కూడా ఉంటారని మొదట వార్తలు వచ్చాయి. కానీ పూరి జగన్నాధ్‌ ఈ సినిమా ను పాన్ ఇండియా రేంజ్ లో ప్లాన్‌ చేస్తున్నాడు. కనుక హీరోయిన్స్ గా ఉత్తరాది ముద్దుగుమ్మలను పరిశీలిస్తున్నాడనే వార్తలు వస్తున్నాయి.

విశ్వసనీయంగా అందుతున్న సమాచారం ప్రకారం బాలీవుడ్ కు చెందిన ఇద్దరు ముగ్గురు ప్రముఖ హీరోయిన్స్ తో చర్చలు జరుగుతున్నాయి. వారిల్లో ఒకరు లేదా ఇద్దరు ఎంపిక అయ్యే అవకాశాలు ఉన్నాయి. ఒకరు నార్త్‌ హీరోయిన్ కాగా మరొకరు సౌత్‌ హీరోయిన్‌ అయితే బాగుంటుందనే అభిప్రాయంను కొందరు వ్యక్తం చేస్తున్నారు.

మొత్తానికి ఇస్మార్ట్‌ శంకర్‌ సినిమా లో హీరోయిన్స్ గా నటించిన నభా... నిధి లకు డబుల్ ఇస్మార్ట్‌ సినిమా లో ఛాన్స్ లేదని దాదాపుగా కన్ఫర్మ్‌ అయినట్లే అన్నట్లుగా చర్చ జరుగుతోంది. రామ్‌ కు జోడీగా బాలీవుడ్‌ ముద్దుగుమ్మలు నటించేందుకు సిద్ధం అవుతారా... లైగర్ ఫలితం నేపథ్యం లో పూరి సినిమా లో నటించేందుకు బాలీవుడ్‌ క్రేజీ ముద్దుగుమ్మలు ఓకే చెప్తారా అనే అనుమానం వ్యక్తం అవుతోంది.

డబుల్ ఇస్మార్ట్‌ సినిమా మొదటి షెడ్యూల్‌ పూర్తి అయిన తర్వాత కొత్త షెడ్యూల్‌ వరకు హీరోయిన్స్‌ ఎంపిక చేసే అవకాశాలు ఉన్నాయనే వార్తలు వస్తున్నాయి. డబుల్ ఇస్మార్ట్‌ పై పూరి తో పాటు రామ్ కూడా చాలా ఆశలు పెట్టుకున్నాడు.

వీరిద్దరూ ఇస్మార్ట్‌ శంకర్ సినిమా తో సక్సెస్ ను దక్కించుకుని ఆ తర్వాత చేసిన సినిమాలతో పరాజయం ను మూట కట్టుకున్నారు. అందుకే డబుల్ ఇస్మార్ట్ వారికి అత్యంత కీలకంగా మారింది. అందుకే హీరోయిన్స్ ఎంపిక విషయంలో శ్రద్ద మరింత ఎక్కువ అవసరం అని వారు భావిస్తున్నట్లుగా తెలుస్తోంది.