డబుల్ జోష్‌ తో ఇస్మార్ట్‌ ఐటం..!
యంగ్‌ హీరో రామ్‌ తో డాషింగ్ డైరెక్టర్ పూరి జగన్నాధ్ రూపొందిస్తున్న తాజా చిత్రం 'డబుల్ ఇస్మార్ట్‌'
By: Tupaki Desk | 22 Jan 2024 3:30 PM GMT
యంగ్‌ హీరో రామ్‌ తో డాషింగ్ డైరెక్టర్ పూరి జగన్నాధ్ రూపొందిస్తున్న తాజా చిత్రం 'డబుల్ ఇస్మార్ట్‌'. వీరిద్దరి కాంబోలో వచ్చిన ఇస్మార్ట్‌ శంకర్ సినిమా మంచి విజయాన్ని సొంతం చేసుకున్న నేపథ్యంలో తాజా చిత్రంపై అంచనాలు భారీగా ఉన్నాయి. అందుకు తగ్గట్లుగానే దర్శకుడు పూరి జగన్నాద్‌ డబుల్ ఇస్మార్ట్‌ సినిమాను రూపొందిస్తున్నట్లుగా తెలుస్తోంది.
ఇస్మార్ట్‌ శంకర్ సినిమా మ్యూజికల్‌ గా హిట్ ని సొంతం చేసుకున్న విషయం తెల్సిందే. అందుకే డబుల్ ఇస్మార్ట్‌ విషయంలో కూడా అదే ఫార్ములాను పాటించాలని భావిస్తున్నారు. అందుకు గాను ప్రత్యేకమైన పాటలను పూరి రెడీ చేయించాడనే టాక్‌ వినిపిస్తోంది.
తాజాగా అందుతున్న సమాచారం ప్రకారం డబుల్ ఇస్మార్ట్‌ సినిమా కోసం ఓ భారీ స్పెషల్ ఐటం సాంగ్‌ ను పూరి ప్లాన్‌ చేస్తున్నాడట. డింపుల్‌ హయతితో మాస్ మసాలా ఎలిమెంట్స్ తో పాటను షూట్‌ చేయబోతున్నట్లుగా తెలుస్తోంది.
టాలీవుడ్‌ తో పాటు బాలీవుడ్‌ ప్రేక్షకుల ముందుకు ఒకే సమయంలో వెళ్లబోతున్న డబుల్ ఇస్మార్ట్‌ సినిమా పై అంచనాలు భారీగా ఉన్నాయి. మరి అంచనాలకు ఈ సినిమా రీచ్ అవుతుందా అనేది తెలియాలి అంటే మార్చి 8న విడుదల అయ్యే వరకు వెయిట్‌ చేయాల్సిందే.
