డబుల్ ఇస్మార్ట్.. అసలు పాయింట్ ఇదేనా..?

డాషింగ్ డైరెక్టర్ పూరి జగన్నాథ్ దర్శకత్వంలో రామ్ పోతినేని హీరోగా తెరకెక్కిన డబుల్ ఇస్మార్ట్ ఆగష్టు 15న పాన్ ఇండియా రేంజ్ లో ప్రేక్షకుల ముందుకి రాబోతోంది. కథలు చెప్పడంలో పూరి స్టైల్ వేరేగా ఉంటుంది. మాస్ కి కనెక్ట్ అయ్యే అంశాలతో అతని సినిమాలు ఉంటాయి. లైగర్ డిజాస్టర్ తర్వాత పూరి జగన్నాథ్ చాలా గ్యాప్ తీసుకొని డబుల్ ఇస్మార్ట్ చిత్రాన్ని చేశారు. కచ్చితంగా ఈ సినిమాతో సక్సెస్ కొట్టాలనే కసితో పూరి జగన్నాథ్ ఉన్నారు.

కావ్య థాపర్ ఈ సినిమాలో హీరోయిన్ గా నటిస్తోంది. ఇదిలా ఉంటే భారీ బడ్జెట్ తో పూరి కనెక్ట్స్ బ్యానర్ పై ఛార్మి కౌర్, పూరి జగన్నాథ్ సంయుక్తంగా ఈ చిత్రాన్ని నిర్మించారు. ఇస్మార్ట్ శంకర్ కి సీక్వెల్ గా ఏ మూవీ తెరకెక్కింది. రామ్, పూరి కలయికలో తెరకెక్కిన ఇస్మార్ట్ శంకర్ బ్లాక్ బస్టర్ హిట్ అయ్యింది. దీంతో ఈ మూవీ కూడా బ్లాక్ బస్టర్ అవుతుందనే నమ్మకంతో చిత్ర యూనిట్ ఉంది. ఇస్మార్ట్ శంకర్ సినిమాలో మెమొరీ ట్రాన్స్ ఫర్ అనే కాన్సెప్ట్ ని పూరి జగన్నాథ్ టచ్ చేశారు.

అది మెయిన్ పాయింట్ గా కాకుండా రివేంజ్ స్టోరీతో ఆ సినిమాని తెరకెక్కించారు. డబుల్ ఇస్మార్ట్ సినిమాలో మాత్రం మెమొరీ ట్రాన్స్ ఫర్ చుట్టూనే కథ తిరుగుతుందంట. రియల్ ఇన్సిడెంట్ బేస్ చేసుకొని పూరి జగన్నాథ్ తన స్టైల్ లో ఈ కథని రెడీ చేసాడంట. నార్త్ ఇండియాకి చెందిన ఒక వ్యాపారవేత్త తన మెమొరీ డేటా వారసులకి ఉపయోగపడాలని వేరొకరి బాడీలోకి ట్రాన్స్ ఫర్ చేయాలని అనుకున్నాడంట.

కానీ అది ఫెయిల్ అవుతుంది. కానీ అదే మళ్ళీ సక్సెస్ అయితే ఎలా ఉంటుంది? ఎమోషన్స్ తో సైన్స్ అండ్ టెక్నాలజీ మధ్యలో హీరో ఎలా కొనసాగుతాడు అనే పాయింట్ ని కమర్షియల్ ఎలిమెంట్స్ తో చూపించనున్నట్లు తెలుస్తోంది. సంజయ్ దత్ ఈ చిత్రంలో ముంబైకి చెందిన వ్యాపారవేత్తగా కనిపించబోతున్నారంట. వారిద్దరి మధ్య పోరాటంగానే ఈ సినిమా మెయిన్ థీమ్ అంతా ఉంటుందంట. పాయింట్ కొత్తగానే ఉన్న ప్రేక్షకులకి అర్ధమయ్యే రీతిలో దానిని పూరి ఎలా చెబుతాడనేది ఇప్పుడు ఆసక్తికరంగా మారింది.

లైగర్ మూవీతో పూరి ఊహించని డిజాస్టర్ ఎదుర్కొన్నారు. మరల తిరిగి ఫామ్ నిరూపించుకోవాలన్న, ఫైనాన్షియల్ గా కుదుటపడాలన్న డబుల్ ఇస్మార్ట్ సక్సెస్ చాలా అవసరం అని చెప్పాలి. అలాగే వరుసగా రెండు డిజాస్టర్స్ తో ఉన్న రామ్ పోతినేనికి కూడా డబుల్ ఇస్మార్ట్ తో బ్లాక్ బస్టర్ కావాలి. అటు హీరోయిన్ కావ్యథాపర్ కూడా కమర్షియల్ బ్రేక్ కోసం వెయిట్ చేస్తోంది. మరి వారికి ఈ సినిమా ఎలాంటి రిజల్ట్ ఇస్తుందనేది చూడాలి.