డబుల్ ఇస్మార్ట్.. మొదటి టీజర్ రెస్పాన్స్ ఎలా ఉందంటే..
పూరి జగన్నాథ్ తన తదుపరి చిత్రం డబుల్ ఇస్మార్ట్ తో బిగ్ సక్సెస్ అందుకోవాలని గట్టిగానే కష్టపడుతున్నారు
By: Tupaki Desk | 16 May 2024 4:02 PM GMT
పూరి జగన్నాథ్ తన తదుపరి చిత్రం డబుల్ ఇస్మార్ట్ తో బిగ్ సక్సెస్ అందుకోవాలని గట్టిగానే కష్టపడుతున్నారు. రామ్ పోతినేని హీరోగా నటిస్తున్న ఈ మాస్ యాక్షన్ ఎంటర్‌టైనర్‌ టీజర్‌ను అతని పుట్టినరోజు సందర్భంగా విడుదల చేశారు. ఈ టీజర్‌కు అన్ని వర్గాల నుండి విశేష స్పందన లభించింది. తెలుగులోనే కాకుండా, ఇతర భాషల్లో కూడా ఈ టీజర్ ట్రెండింగ్‌లో నంబర్ 1 స్థానంలో నిలిచింది.
యూట్యూబ్ తో పాటు ఇతర ప్లాట్‌ఫారమ్‌లపై కూడా ఈ టీజర్ దుమ్ము రేపింది. టీజర్ విడుదలైన కొన్ని గంటల్లోనే 15 మిలియన్లకు పైగా డిజిటల్ వ్యూస్‌ను సాధించింది. పూరి జగన్నాథ్ రామ్‌ను పూర్తిగా డైనమిక్ రోల్‌లో చూపించారు. మాస్ ఆడియెన్స్ టీజర్‌ను చాలా ఇష్టపడ్డారు. టీజర్‌లో సంజయ్ దత్, కావ్య తపర్ పాత్రలను కూడా పరిచయం చేశారు. ఈ యాక్షన్ ప్యాక్డ్ టీజర్ విడుదల తర్వాత సినిమాపై హైప్ మరింత పెరిగింది.
ఇస్మార్ట్ శంకర్ సినిమాలో రామ్ పోతినేని మాస్ అవతార్ ప్రేక్షకులను ఏ రేంజ్ లో ఆకట్టుకుందో ప్రత్యేకంగా చెప్పనక్కర్లేదు. ఇక డబుల్ ఇస్మార్ట్ లో ఆ పాత్ర అంతకుమించి అనేలా ఉంటుందట. టీజర్‌లో రామ్ యాక్షన్ సన్నివేశాలు, పవర్‌ఫుల్ డైలాగ్స్ ప్రేక్షకుల మదిలో నిలిచిపోయాయి. పూరి జగన్నాథ్ తన ప్రత్యేక శైలిలో రామ్‌ను మరో సారి మాస్ ప్రేక్షకుల మనసులు గెలిచే విధంగా చూపించారు.
ఈ చిత్రంలో సంజయ్ దత్ కీలక పాత్రలో కనిపించనున్నారు. ఆయన పాత్ర కూడా ప్రేక్షకుల్లో ఆసక్తి రేకెత్తిస్తోంది. కావ్య ఠాపర్ హీరోయిన్‌గా కనిపించనున్న ఈ చిత్రం ఆమెకు మంచి బ్రేక్ అందించాలని చిత్రబృందం ఆశిస్తోంది. టీజర్ విడుదల తర్వాత, సినిమా విడుదలపై ప్రేక్షకులలో అంచనాలు మరింత పెరిగాయి. పూరి జగన్నాథ్ దర్శకత్వం, రామ్ పోతినేని నటన ప్రేక్షకులను థియేటర్లకు రప్పించడానికి సిద్ధమయ్యాయి.
ఇక డబుల్ ఇస్మార్ట్ టీజర్ ప్రస్తుత ట్రెండ్లను దృష్టిలో ఉంచుకుని రూపొందించబడింది. టీజర్‌లో చూపించిన యాక్షన్, మ్యూజిక్, సినిమాటోగ్రఫీ అన్ని వర్గాల ప్రేక్షకులను ఆకట్టుకునేలా ఉంది. రామ్ ఫ్యాన్స్, మాస్ ఆడియెన్స్ ఈ సినిమా కోసం ఆసక్తిగా ఎదురు చూస్తున్నారు అని చెప్పవచ్చు. టీజర్‌కు వచ్చిన స్పందనను బట్టి బాక్సాఫీస్ వద్ద తప్పకుండా ఇంపాక్ట్ చూపించే విధంగా ఉంటుందనే కామెంట్స్ వస్తున్నాయి.
టీజర్ అనంతరం ఇప్పుడు మేకర్స్ మరింత డోస్ పెంచేలా పాటలను కూడా విడుదల చవ్యనున్నారు. అలాగే డబుల్ ఇస్మార్ట్ సినిమా విడుదలకు ముహూర్తం ఖరారు చేసేందుకు చిత్రబృందం సన్నాహాలు చేస్తోంది. ఈ సినిమా మాస్ ప్రేక్షకులకు పక్కా ఎంటర్‌టైన్‌మెంట్‌ను అందిస్తుందని అందరూ భావిస్తున్నారు.
