రొమాంటిక్ మెలోడీ.. ఇది పూరి మార్క్ క్యా ల‌ప్డే!
`డ‌బుల్ ఇస్మార్ట్` రిలీజ్ స‌మ‌యం ద‌గ్గ‌ర ప‌డ‌టంతో లిరిక‌ల్ సింగిల్స్ ఒక్కొక్క‌టి నెట్టింట శ్రోత‌ల్ని అల‌రిస్తోన్న సంగ‌తి తెలిసిందే.
By: Tupaki Desk | 29 July 2024 6:19 AM GMT
`డ‌బుల్ ఇస్మార్ట్` రిలీజ్ స‌మ‌యం ద‌గ్గ‌ర ప‌డ‌టంతో లిరిక‌ల్ సింగిల్స్ ఒక్కొక్క‌టి నెట్టింట శ్రోత‌ల్ని అల‌రిస్తోన్న సంగ‌తి తెలిసిందే. ఇప్ప‌టికే రిలీజ్ అయిన రెండు పాట‌ల‌కు మంచి రెస్పాన్స్ వ‌చ్చింది. మ‌ణిశ‌ర్మ మార్క్ మ్యూజిక్ అంటూ డ‌బుల్ ఇస్మార్ట్ లో ముద్ర ప‌డింది. ఇక రెండు రోజుల క్రితం `క్యా ల‌ప్డే` అనే సాంగ్ ప్రోమో కూడా రిలీజ్ చేసిన సంగ‌తి తెలిసిందే. ఇది ప‌క్కా పూరి మార్కో ప్రొమోగా హైలైట్ అయింది.
తాజాగా క్యా ల‌ప్డే లిరికిల్ సింగిల్ కొద్ది సేప‌టి క్రిత‌మే రిలీజ్ అయింది. ఈ సాంగ్ మెలోడీ ప్రియుల్ని ఆక‌ట్టుకుంటుంది. పాట నెమ్మ‌ది గా ప్రారంభ‌మైనా లోతులోకి వెళ్లే కొద్ది క్యా ల‌ప్డే శ్రోత‌ల్ని అల‌రిస్తుంది. మెలోడీని బ్యాలెన్స్ చేస్తూ సాంగ్ కంపోజిష‌న్ బాగుంది. పూరి మార్క్ అంద‌మైన హీరోయిన్ పాట‌లో హైలైట్ అవుతుంది. మొత్తంగా క్యా ల‌ప్డే అంద‌మైన రొమాంటిక్ మెలోడీగా చెప్పొచ్చు.
పూరి సినిమాల్లో ఇలాంటి మెలీడీలు త‌ప్ప‌నిస‌రి. స‌క్సెస్ సెంటిమెంట్ గానూ మెలోడీలు క‌లిసొచ్చాయి. మ‌రి ఈసారి అదే సెంటిమెంట్ రిపీట్ అవుతుందా? అన్న‌ది చూడాలి. డిజైన‌ర్ దుస్తుల్లో కావ్యా థాప‌ర్ కుర్రాళ్ల‌ను హీటెక్కించ‌డం ఖాయం. ఈ పాట‌ని శ్రీహ‌ర్ష ఈమ‌ని ర‌చించ‌గా, ధ‌నుంజ‌య్, సింధుజా శ్రీనివాస‌న్ అల‌పించారు.
ఈ చిత్రాన్ని పాన్ ఇండియాలో ఆగ‌స్టు 15న రిలీజ్ చేస్తున్నారు. ఇస్మార్ట్ శంక‌ర్ కి సీక్వెల్ కావ‌డంతో అంచ‌నాలు భారీగా ఉన్నాయి. ఈ సినిమా స‌క్సెస్ పూరి అండ్ కోకి అంతే అవ‌స‌రం. గ‌త సినిమా లైగ‌ర్ పాన్ ఇండియాలో తీవ్ర విమ‌ర్శ‌లు తెచ్చి పెట్టిన సంగ‌తి తెలిసిందే. ఇప్పుడా లెక్క‌ల‌న్నింటిని డ‌బుల్ ఇస్మార్ట్ స‌రి చేయాల్సి ఉంది.
