రామ్, రవితేజ… ఈ సారి పోటీలో విజేత ఎవరో?

రామ్ పోతినేని, మాస్ మహారాజ్ రవితేజ ఇద్దరికి కూడా టాలీవుడ్ లో మంచి ఎనర్జిటిక్ హీరోలుగా పేరుంది. ఏ సినిమా చేసిన వారి హై ఎనర్జిటిక్ పెర్ఫార్మెన్స్ తో ఆకట్టుకుంటారు. టైర్ 2 హీరోలుగా ఉన్న వీరిద్దరికి ఫ్యాన్ ఫాలోయింగ్ కూడా ఇంచుమించు ఒకేలా ఉంటుంది. రామ్ పోతినేని ప్రస్తుతం పూరి జగన్నాథ్ దర్శకత్వంలో డబుల్ ఇస్మార్ట్ తో ప్రేక్షకుల ముందుకి రాబోతున్నాడు.

మాస్ మహారాజ్ రవితేజ హరీష్ శంకర్ దర్శకత్వంలో మిస్టర్ బచ్చన్ మూవీ చేస్తున్నాడు. ఈ సినిమా షూటింగ్ మేగ్జిమమ్ అయిపోయినట్లు తెలుస్తోంది. ఇదిలా ఉంటే ఊహించని విధంగా ఈ రెండు సినిమాలు ఒకే డేట్ కి రిలీజ్ కాబోతున్నాయి. డబుల్ ఇస్మార్ట్ మూవీ పాన్ ఇండియా ప్రాజెక్ట్ గా ఐదు భాషలలో రిలీజ్ అవుతోంది. రామ్ కెరియర్ లోనే హైయెస్ట్ బడ్జెట్ తో ఈ చిత్రం తెరకెక్కింది.

ఇస్మార్ట్ శంకర్ లాంటి హిట్ మూవీకి సీక్వెల్ గా వస్తుండటంతో డబుల్ ఇస్మార్ట్ పై చాలా హోప్స్ ఉన్నాయి. ఆగష్టు 15న ఈ మూవీ రిలీజ్ కాబోతోంది. అదే డేట్ కి రవితేజ మిస్టర్ బచ్చన్ మూవీ థియేటర్స్ లో సందడి చేయబోతోంది. హిందీ హిట్ మూవీ రైడ్ కి రీమేక్ గా ఈ చిత్రం తెరకెక్కుతోంది. ఇదిలా ఉంటే రామ్, రవితేజ గతంలో ఓ సారి బాక్సాఫీస్ దగ్గర పోటీ పడ్డారు. 2021లో రామ్ రెడ్ మూవీతో సంక్రాంతికి ప్రేక్షకుల ముందుకొచ్చాడు. రవితేజ క్రాక్ మూవీ అదే డేట్ కి రిలీజ్ అయ్యింది.

ఈ పోటీలో బాక్సాఫీస్ విన్నర్ గా రవితేజ నిలిచాడు. క్రాక్ మూవీ బ్లాక్ బస్టర్ హిట్ అయ్యింది. రామ్ రెడ్ మూవీ కమర్షియల్ గా బ్రేక్ ఈవెన్ కలెక్షన్స్ తో సరిపెట్టుకుంది. రెడ్ మూవీ తమిళ్ హిట్ మూవీ రీమేక్ గా తెరకెక్కింది. అయితే ఈ సారి రామ్ స్ట్రైట్ కథతో డబుల్ ఇస్మార్ట్ మూవీ ద్వారా ప్రేక్షకుల ముందుకి రాబోతున్నాడు. రవితేజ రీమేక్ స్టోరీతో పలకరించబోతున్నాడు.

హరీష్ శంకర్, పూరీ జగన్నాథ్ ఇద్దరికి కమర్షియల్ డైరెక్టర్స్ గా మంచి పేరుంది. తమదైన శైలిలో కథలని ప్రేక్షకులకి కనెక్ట్ చేస్తారు. మరి ఈ సారి బాక్సాఫీస్ దగ్గర రామ్, రవితేజలో ఎవరు విన్నర్ గా నిలుస్తారనేది ఆసక్తికరంగా మారింది.