'డ్రింకర్ సాయి' టీజర్: యూత్ ను టార్గెట్ చేస్తున్న బోల్డ్ & క్రేజీ లవ్ స్టోరీ!

ధర్మ, ఐశ్వర్య శర్మ హీరో హీరోయిన్లుగా నటిస్తున్న తాజా చిత్రం “డ్రింకర్ సాయి”. ‘బ్రాండ్ ఆఫ్ బ్యాడ్ బాయ్స్’ అనేది దీనికి ట్యాగ్ లైన్. కిరణ్ తిరుమలశెట్టి దర్శకత్వంలో ఈ మూవీ తెరకెక్కుతోంది. ఇటీవల 'రాజాసాబ్' డైరెక్టర్ మారుతి చేతుల మీదుగా టైటిల్‌ అండ్ ఫస్ట్ లుక్ ను లాంచ్ చేయడంతో, జనాల దృష్టి ఈ సినిమా మీద పడింది. అయితే మేకర్స్ తాజాగా ధర్మ ఇంటెన్స్ లవ్ స్టోరీని ఆవిష్కరించే మూవీ టీజర్ ను రిలీజ్ చేసారు.

''నీకు లవ్ ఒక మ్యాటర్ కాకపోవచ్చు.. నాకు లైఫ్.. నీయ*మ్మ ఇక్కడ తిష్టేసి కూర్చున్నావో'' అంటూ హీరో ఆవేదనతో ఏడుస్తూ చెప్తుంటే.. ''చచ్చిపోరా'' అంటూ హీరోయిన్ దండం పెడుతూ చెప్పడంతో ''డ్రింకర్ సాయి'' టీజర్ ప్రారంభం అవుతుంది. స్వాతంత్య్ర దినోత్సవం నాడు స్వాతంత్య్రం లేకుండా చేస్తూ వైన్ షాపులు ఎందుకు బంద్ చేస్తున్నారంటూ సినిమాలో హీరో పాత్ర ఎలా బిహేవ్ చేస్తుందనేది చూపించారు.

ధర్మ - ఐశ్వర్య శర్మ లవ్ స్టోరీ, వాళ్ళిద్దరి మధ్య ఫైట్స్, రొమాంటిక్ సీన్స్, కొన్ని బూతులతో “డ్రింకర్ సాయి” టీజర్ ను కట్ చేసారు. ఇందులో హీరో హీరోయిన్ల క్యారక్టరైజేషన్, యూత్ ఫుల్ ఎనర్జీ, ఫన్ మూమెంట్స్, క్రేజీ లవ్ స్టోరీ, రొమాన్స్ వంటివి యూత్ ను ఆకట్టుకుంటాయి. ఈ సినిమాలో పోసాని కృష్ణ మురళి, శ్రీకాంత్ అయ్యంగార్, సమీర్, ఎస్ఎస్ కాంచి, భద్రమ్, బిగ్ బాస్ ఫేమ్ కిర్రాక్ సీత, రీతూ చౌదరి, ఫన్ బకెట్ రాజేష్ తదితరులు కీలక పాత్రలు పోషించారు.

కొన్ని నిజ జీవిత సంఘటనల ఆధారంగా కిరణ్ తిరుమలశెట్టి 'డ్రింకర్ సాయి' చిత్రాన్ని రూపొందిస్తున్నట్లు తెలుస్తోంది. సాయిగా ధర్మ ఈజ్ తో నటించగా.. హీరోయిన్ ఐశ్వర్య శర్మ అందంగా కనిపించింది. బ్యాక్ గ్రౌండ్ స్కోర్ బాగుంది. ఓవరాల్ గా లవ్‌కి సంబంధించిన అన్ని క్రేజీ ఎలిమెంట్స్‌తో పాటు బోల్డ్ డైలాగ్స్‌తో కూడిన ఈ టీజర్ యూత్‌ ఆడియన్స్ కి కనెక్ట్ అయ్యేలా ఉంది. వాళ్ళని టార్గెట్ చేసుకునే ఈ సినిమా తీసినట్లు అనిపిస్తుంది.

''డ్రింకర్ సాయి'' చిత్రాన్ని ఎవరెస్ట్ సినిమాస్, స్మార్ట్ స్క్రీన్ ఎంటర్‌టైన్‌మెంట్స్ బ్యానర్స్ పై బసవరాజు శ్రీనివాస్, ఇస్మాయిల్ షేక్, బసవరాజు లహరిధర్ సంయుక్తంగా నిర్మిస్తున్నారు. శ్రీ వసంత్ సంగీతం సమకూర్చగా.. ప్రశాంత్ అంకిరెడ్డి సినిమాటోగ్రఫీ అందిస్తున్నారు. మార్తాండ్ కె వెంకటేష్ ఎడిటింగ్ బాధ్యతలు నిర్వహిస్తున్నారు. ఇప్పటికే షూటింగ్ పూర్తి చేసుకున్న ఈ యూత్ ఫుల్ లవ్ క్రేజీ స్టోరీని త్వరలో థియేటర్లలో విడుదల చేయనున్నట్లు మేకర్స్ ప్రకటించారు.