దుల్కర్ బాక్సాఫీస్.. తెలివిగా పట్టేస్తున్నాడు

మాలీవుడ్ స్టార్ హీరో దుల్కర్ సల్మాన్.. ఇప్పుడు టాలీవుడ్ స్టార్ హీరో గా మారిపోతున్నారు! ఇప్పటి వరకు తెలుగులో చేసిన సినిమాలన్నింటితో మంచి హిట్లు అందుకున్నారు. టాలెంటెడ్ డైరెక్టర్ నాగ్ అశ్విన్ దర్శకత్వం వహించిన మహానటి మూవీతో తెలుగు సినీ ఇండస్ట్రీలోకి ఎంట్రీ ఇచ్చారు. ఆ సినిమాలో జెమినీ గణేషన్ రోల్ లో మెప్పించారు. ఆ తర్వాత హను రాఘవపూడి సీతారామం మూవీతో టాలీవుడ్ సినీ ప్రియులకు బాగా దగ్గరయ్యారు. లవర్ బాయ్ గా ఆకట్టుకున్నారు.

రీసెంట్ గా వచ్చిన పాన్ ఇండియా స్టార్ ప్రభాస్ కల్కి 2898 ఏడీ మూవీలో క్యామియో రోల్ పోషించారు. ఫుల్ లెంగ్త్ తో నటించకపోయినా ఓ హిట్ ను అందుకున్నట్లే. అలా ఇప్పుడు లక్కీ భాస్కర్ తో ప్రేక్షకుల ముందుకు వచ్చారు. వెంకీ అట్లూరి దర్శకత్వం వహించిన ఆ సినిమాతో బ్లాక్ బస్టర్ హిట్ సొంతం చేసుకున్నారు. దీపావళి విన్నర్ గా నిలిచారు. మనీ క్రైమ్ బ్యాక్ డ్రాప్ లో రూపొందిన ఆ సినిమాలో మిడిల్ క్లాస్ ఫ్యామిలీకి చెందిన బ్యాంకు ఉద్యోగిగా నటించి ఫిదా చేశారు.

తనదైన నటనతో ఓ రేంజ్ లో అందరినీ ఆకట్టుకున్నారు. చాలీ చాలని జీతంతో బాధపడే రోల్ లో బెస్ట్ పెర్ఫార్మన్స్ ఇచ్చారు. సినిమాలో తన ఫ్యామిలీ కోసం తాను విధులు నిర్విస్తున్న బ్యాంక్ కు కన్నం వేసి లక్షలు డబ్బులు పోగేస్తారు. మోసం చేసే రోల్ లోనే సిల్వర్ స్క్రీన్ పై కనిపించారు. ఇప్పుడు ఈ విషయం సోషల్ మీడియాలో వైరల్ గా మారింది. అదే సమయంలో ఓ వార్త చక్కర్లు కొడుతోంది. సినిమాలో మోసం చేసే రోల్ దుల్కర్ కు దక్కితే బాక్సాఫీస్ వద్ద మూవీ హిట్ పక్కా అని అంటున్నారు.

అందుకు ఎగ్జాంపుల్స్ కూడా వివరిస్తున్నారు. ఇప్పటికే ఆయన నటించిన పలు సినిమాల్లోని రోల్స్ ను ఉదాహరిస్తున్నారు. కురుప్ మూవీలో ఎయిర్ ఫోర్స్ లో జాబ్ చేసే రోల్ లో కనిపిస్తారు దుల్కర్. ఆ తర్వాత మూవీలో మోస్ట్ క్రిమనల్ గా మారిపోతారు. కన్నుమ్ కన్నుమ్ కొలాయడితల్ చిత్రంలో టెక్నాలజీ ద్వారా ప్రజలను మోసం చేసే రోల్ లో నటించారు. కోట్ల రూపాయలు సంపాదిస్తారు. ఇప్పుడు లక్కీ భాస్కర్ లో కూడా అలాంటి పాత్రలోనే యాక్ట్ చేసి హిట్ కొట్టారు.

అలా మూడు సినిమాల్లో మోసం చేసే పాత్రల్లో నటించి దుల్కర్ సల్మాన్ బ్లాక్ బస్టర్ హిట్లు అందుకున్నారు. బాక్సాఫీస్ వద్ద ఆయా చిత్రాలు మంచి వసూళ్లు రాబట్టేలా చేశారు. ఇది యాదృఛ్చికంగా జరిగినా.. కంటెంట్ ను దుల్కర్ తెలివిగా పట్టేయడం వల్ల సినిమాలు హిట్స్ అయ్యాయని చెప్పవచ్చు. ఇప్పుడు తెలుగులో మరో కంటెంట్ బేస్డ్ మూవీ ఆకాశంలో ఒక తారలో నటిస్తున్నారు. మరి ఫ్యూచర్ లో దుల్కర్ సల్మాన్ ఇంకెన్ని హిట్స్ అందుకుంటారో వేచి చూడాలి.