'దమ్ మసాలా'.. ఇంకాస్త డోస్ పెంచేలా..

సూపర్ స్టార్ మహేష్ బాబు నటించిన 'గుంటూరు కారం' మూవీ నుంచి రీసెంట్గా 'దమ్ మసాలా' అనే సాంగ్ రిలీజ్ అయిన విషయం తెలిసిందే. తమన్ కంపోజిషన్ లో రామజోగయ్య శాస్త్రి రాసిన ఈ పాటని సంచిత్ హెగ్డే ఆలపించారు. ఇక మహేష్ బాబు ఇమేజ్ కి తగ్గట్లు కంప్లీట్ మాస్ లిరిక్స్ తో ఉన్న ఈ సాంగ్ సినీ లవర్స్ ని విపరీతంగా ఆకట్టుకుంది. దాంతో సోషల్ మీడియాలో 'దమ్ మసాలా' మంచి బజ్ క్రియేట్ చేస్తోంద

ప్రస్తుతం యూట్యూబ్లో ఈ సాంగ్ ఏకంగా 26 మిలియన్ల న్యూస్ లో ట్రెండింగ్ లో ఉంది. ఎలాంటి విజువల్స్ లేకుండా రిలీజ్ చేసిన ఈ సాంగ్ కి ఊహించిన విధంగా రెస్పాన్స్ రావడంతో మేకర్స్ ఓ సరికొత్త డెసిషన్ తీసుకున్నట్లు తెలుస్తోంది. దమ్ మసాలా సాంగ్ చార్ట్ బస్టర్ అవడంతో ఈ సాంగ్ విజువల్స్ కూడా అదే స్థాయిలో ఉండేలా ప్లాన్ చేస్తున్నారట.

నిజానికి ముందు ఓ బ్యాక్ గ్రౌండ్ సాంగ్ గా దీన్ని ప్లాన్ చేయాలని అనుకోగా.. ఇప్పుడు మాత్రం ప్లాన్ చేంజ్ చేసి భారీ విజువల్స్ తో పాటు డ్యాన్సర్ ని రంగంలోకి దింపి మహేష్ తో మాస్ స్టెప్స్ వేయించేలా త్రివిక్రమ్ అండ్ టీమ్ ప్లాన్ చేస్తున్నట్లు తెలిసింది. ఇదే కనుక నిజమైతే థియేటర్స్ లో మహేష్ మాస్ స్టెప్స్ కి థియేటర్స్ షేక్ అవడం గ్యారెంటీ అని చెప్పొచ్చు.

అతడు, ఖలేజా వంటి సినిమాల తర్వాత మహేష్ - త్రివిక్రమ్ కాంబినేషన్లో రాబోతున్న హ్యాట్రిక్ మూవీ కావడంతో ఈ సినిమాపై భారీ అంచనాలు ఉన్నాయి. ఈసారి మహేష్ ని వింటేజ్ లుక్ లో ప్రజెంట్ చేయడంతో పాటు కంప్లీట్ మాస్ హీరోగా చూపించబోతున్నాడు గురూజీ. ఇప్పటికే రిలీజ్ అయిన పోస్టర్స్, టీజర్ సాంగ్ చూస్తే ఆ విషయం ఇట్టే అర్థమవుతుంది. మహేష్ ఫ్యాన్స్ అయితే ఈ మూవీ కోసం ఎంతో ఈగర్ గా వెయిట్ చేస్తున్నారు.

ప్రస్తుతం షూటింగ్ చివరి దశలో ఉన్న ఈ మూవీ నుంచి త్వరలోనే మరిన్ని అప్డేట్స్ రానున్నాయి. హారిక అండ్ హాసిని క్రియేషన్స్ బ్యానర్ పై ఎస్. రాధాకృష్ణ నిర్మిస్తున్న ఈ చిత్రంలో మహేష్ సరసన శ్రీలీల, మీనాక్షి చౌదరి హీరోయిన్స్ గా నటిస్తున్నారు. వచ్చే సంక్రాంతి కానుకగా జనవరి 12న ఈ చిత్రం ప్రేక్షకుల ముందుకు రానుంది.