తండేల్ గ్లింప్స్.. పాకిస్తాన్ ముక్కకు చైతన్య సాలీడ్ వార్నింగ్

అక్కినేని యువ హీరో నాగ చైతన్య ప్రస్తుతం గీతా ఆర్ట్స్ లో తండేల్ అనే మూవీ చేస్తోన్న సంగతి తెలిసిందే. చందూ మొండేటి దర్శకత్వంలో భారీ బడ్జెట్ తో పాన్ ఇండియా లెవల్ లో తెరకెక్కుతోన్న ఈ మూవీ షూటింగ్ ప్రస్తుతం శరవేగంగా జరుగుతోంది. శ్రీకాకుళం బ్యాక్ డ్రాప్ లో రియలిస్టిక్ సంఘటనల స్ఫూర్తితో అల్లుకున్న కథగా ఈ చిత్రాన్ని సిల్వర్ స్క్రీన్ పై ఆవిష్కరించే ప్రయత్నం చేస్తున్నారు.

బంగాళాఖాతం, ఫిషర్ మెన్ కమ్యూనిటీ నేపథ్యంలో మూవీ కథ ఉండబోతోంది. సముద్రంపై వేటకి వెళ్లి పాకిస్తాన్ కోస్ట్ గార్డ్ లకు చిక్కి జైలు శిక్ష అనుభవించిన ఖైదిగా చైతన్య పాత్ర ఉండబోతోంది. తాజాగా ఈ మూవీ ఫస్ట్ గ్లింప్స్ ఇంటెన్స్ ఆఫ్ తండేల్ పేరుతో రిలీజ్ చేశారు. ఈ గ్లింప్స్ ని చాలా పవర్ ఫుల్ గా డిజైన్ చేసి కథ ఎలా ఉండబోతోంది అనేది చందూ మొండేటి చెప్పకనే చెప్పారు.

నాగ చైతన్య రఫ్ లుక్ లో చాలా ఇంటెన్సివ్ పెర్ఫార్మెన్స్ ని మూవీలో చూడబోతున్నాం అని గ్లింప్స్ చూస్తుంటే స్పష్టం అవుతోంది. అలాగే దేవిశ్రీ ప్రసాద్ బ్యాగ్రౌండ్ స్కోర్ కూడా నెక్స్ట్ లెవల్ లో ఉంది. పక్కా ఉత్తరాంద్ర యాసలో రాసిన డైలాగ్స్ కూడా మూవీ ఎమోషన్స్ ని క్యారీ చేసే విధంగా ఉన్నాయని చెప్పొచ్చు.

ఇండియా, పాకిస్తాన్ మధ్యలో జరిగే ఫైట్ గానే మూవీలో బలమైన ఎలిమెంట్ ని ఆవిష్కరిస్తున్నారు. ఇక నాగచైతన్య పాకిస్తాన్ కు వార్నింగ్ ఇచ్చే సీన్ కూడా చాలా హైలెట్ గా ఉంది. జాతియా జెండాను తాకుతూ.. మా నుంచి విడిపోయిన ఒక ముక్క పాకిస్తాన్.. మీకే అంత ఉంటే.. ఆ ముక్కను ముష్టి వేసిన మాకెంత ఉండాలి అని చైతు పవర్ఫుల్ డైలాగ్ తో మెప్పించాడు.

ఇలాంటి ఎలిమెంట్స్ ఎప్పుడు కూడా సినిమాకి సక్సెస్ ఫుల్ ఫార్ములా.. తండేల్ లో కూడా ఆ ఎలిమెంట్, ఎమోషన్ కనిపిస్తోంది. గ్లింప్స్ ఎండ్ లో బుజ్జితల్లి నేనొచ్చేత్తానే అనే డైలాగ్ చైతూ చెబుతుంటే సాయి పల్లవి క్యారెక్టర్ ని రివీల్ చేశారు. ఆమె పాత్ర కూడా మూవీలో చాలా ఇంటరెస్టింగ్ గా ఉండబోతోందని తెలుస్తోంది.

తండేల్ మూవీలో బలమైన లవ్ స్టొరీని కూడా దర్శకుడు చందూ మొండేటి చూపించబోతున్నాడు. ఈ సినిమాకి కార్తిక్ కథ అందించారు. అల్లు అరవింద్, బన్నీ వాస్ సంయుక్తంగా నిర్మిస్తున్నారు. గ్లింప్స్ చూస్తుంటే మాత్రం కచ్చితంగా చైతన్య కెరియర్ లో బెస్ట్ మూవీగా తండేల్ నిలిచే అవకాశం ఉన్నట్లు కనిపిస్తోంది.