బాల‌య్య ఎంట్రీ ఎవ‌రెస్ట్ శిఖరంపై నుంచా?

న‌ట‌సింహ బాల‌కృష్ణ క‌థానాయ‌కుడిగా బోయపాటి శ్రీను ద‌ర్శ‌క‌త్వంలో 'అఖండ‌-2' తెర‌కెక్కుతున్న సంగ‌తి తెలిసిందే. బాల‌య్య 110వ చిత్రంగా సెట్స్ కి తీసుకెళ్ల‌నున్నారు. అంఖండ‌క సీక్వెల్ కావ‌డంతో అంచ‌నాలు భారీగా ఉన్నాయి. పాన్ ఇండియానే షేక్ చేసేకంటెంట్ తో బాల‌య్య అండ్ కో రాబోతుంది. ఇప్ప‌టికే సినిమా ప్రారంభో త్సం కూడా పూర్త‌యింది. రెగ్యుల‌ర్ షూటింగ్ కి వెళ్లాల్సి ఉంది. బాల‌య్య `'డాకు మ‌హారాజ్' నుంచి ప్రీ అవ్వ‌గానే 'అఖండ‌-2' ప‌ట్టాలెక్కుతుంది.

ప్ర‌స్తుతం బోయ‌పాటి షూటింగ్ కి సంబంధించిన లొకేష‌న్ల వేట‌లో ఉన్నారు. క‌థ‌కు త‌గట్టు ప్ర‌ఖ్యాత ఆధ్యాత్మిక ప్ర‌దేశాల్ని లొకేష‌న్లుగా మారుస్తున్న‌ట్లు తెలుస్తోంది. ఆథ్యాత్మిక ప్ర‌దేశాలు అంటే నార్త్..నేపాల్ వైపు వెళ్లిపోవాలి. ప్ర‌స్తుతం బోయ‌పాటి ఆయా లొకేష‌న్ల‌లోనే ఉన్న‌ట్లు తెలుస్తోంది. సినిమాలోని మౌంట్ ఎవ‌రెస్ట్ నేప‌థ్యంలో కొన్ని స‌న్నివేశాలు చిత్రీక‌రించాల‌నుకుంటున్నారు. స్టోరీ రాసుకునే స‌మ‌యంలోనే అలాంటి లొకేష‌న్ లో స‌న్నివేశాలు ఉంటే బాగుంటుంద‌ని అందుకు త‌గ్గ‌ట్టు మౌల్డ్ చేసుకున్న‌ట్లు తెలుస్తోంది.

ముఖ్యంగా బాల‌య్య ఎంట్రీ మౌంట్ ఎవ‌రెస్ట్ లో నే షూట్ చేయాల‌నుకుంటున్నారుట‌. అంటే ఆధ్యాత్మిక గెట‌ప్ లో బాల‌య్య క‌నిపించే అవ‌కాశం ఉంది. అఖండ‌లో చాలా స‌న్నివేశాలు గుడుల్లోనూ..అవ‌స‌రం మేర సెట్స్ లోనే చిత్రీక‌రించారు. ఈసారి అందుకు భిన్నంగా అఘోరాలు తిరిగేప్రాంతాల‌కే బోయ‌పాటి వెళ్లిపోతున్నారు. రియ‌ల్ లొకేష‌న్ల‌న‌లో రియ‌లిస్టిక్ పెర్పార్మెన్స్ కోసం బోయ‌పాటి ఇలా ప్లాన్ చేస్తున్న‌ట్లు తెలుస్తుంది.

`అఖండ‌`లో బాల‌య్య ఓ పాత్ర‌లో ఆఘోర‌గా క‌నిపించిన సంగ‌తి తెలిసిందే. ఆ పాత్ర పీక్స్ కి చేరింది. ఇప్పుడు `అంఖండ -2`లో అఘోర 2.0 త‌ప్ప‌నిస‌రి. ఆరోల్ మొద‌టి భాగాన్ని మించి ఉంటుంది. దీనికి సంబంధించి బోయ‌పాటి చాలా వ‌ర్కౌట్ చేసే అవ‌కాశం ఉంది. ఇలాంటి పాత్ర‌లొస్తే బాల‌య్య చెల‌రేగిపోతార‌ని చెప్పాల్సిన ప‌నిలేదు.