యువ హీరో కోసం రాజశేఖర్.. ఎలాంటి క్యారెక్టర్ అంటే?

ఎక్స్‌ట్రార్డినరీ మెన్‌ నితిన్​కు​ ఎక్స్ట్రా ఫోర్స్ యాడ్ అయింది. యాంగ్రీ మెన్​ రాజశేఖర్​ రంగంలోకి దిగారు. ఈ ఇద్దరూ కలిసి తెరపై పవర్​ఫుల్​గా సందడి చేసేందుకు సిద్ధం అయ్యారు. ఈ విషయాన్ని ఓ స్పెషల్​ వీడియోను పోస్ట్ చేస్తూ మూవీటీమ్​ అఫీషియల్​గా అనౌన్స్​మెంట్​ చేసింది.

వివరాళ్లోకి వెళితే.. టాలీవుడ్ కథానాయకుడు నితిన్‌ హీరోగా నటిస్తున్న లెటెస్ట్ మూవీ ఎక్స్‌ట్రా. ఆర్డినరీ మెన్‌.. అనేది ట్యాగ్​లైన్​. శ్రీలీల హీరోయిన్​గా నటిస్తోంది. వక్కంతం వంశీ ఈ చిత్రానికి దర్శకత్వం వహిస్తున్నారు. సుధాకర్‌ రెడ్డి, నిఖితారెడ్డి కలిసి సంయుక్తంగా నిర్మిస్తున్నారు. ఈ చిత్రం డిసెంబరు 8న ప్రేక్షకుల ముందుకు రానుంది. అయితే తాజాగా ఈ సినిమాలో సీనియర్‌ కథానాయకుడు రాజశేఖర్‌ ఓ కీలక పాత్రలో నటించనున్నట్లు అనౌన్స్​ చేసి మూవీ టీమ్​ సర్​ప్రైజ్ ఇచ్చింది.

యాంగ్రీ మెన్‌గా ప్రేక్షకులపై తనదైన ముద్రవేసిన రాజశేఖర్‌.. ఈ చిత్రంలో తన ఇమేజ్‌కు తగ్గ పాత్రలో సందడి చేయబోతున్నట్లు తెలిసింది. పోలీస్​ ఆఫీసర్​గా కనిపిస్తారని టాక్ వినిపిస్తోంది. పెరఫార్మెన్స్​ మైండ్​ బ్లోయింగ్​గా ఉండబోతుందని అంటున్నారు.

తాజాగా ఆయన ఈ సినిమా సెట్లోకి అడుగుపెట్టారు. యమా స్టైలిష్​గా ఎంట్రీ ఇచ్చారు. ఆయనకు మూవీటీమ్​.. ఘనంగా స్వాగతం పలికింది. దీనికి సంబంధించిన ఓ ప్రత్యేక వీడియోను కూడా రిలీజ్ చేసింది. క్యారెక్టర్‌ ప్రధానంగా ఈ సినిమా సాగుతుందని, చిత్రంలో నితిన్​ ఇప్పటివరకూ చేయని పాత్రని పోషించారని దర్శకడు వంశీ తెలిపారు. రాజశేఖర్‌ పోషిస్తున్న పాత్ర కూడా ఆడియెన్స్​ను ఆశ్చర్యానికి గురిచేస్తుందని చెప్పారు. ఇకపోతే ఈ చిత్రానికి హారిస్‌ జైరాజ్‌ సంగీతం అందిస్తున్నారు.

కాగా, రాజశేఖర్​.. తన నటనతో, డైలాగులతో తెలుగులో యాంగ్రీ యంగ్‌మెన్‌ ప్రత్యేక గుర్తింపు తెచ్చుకున్నారు. ఆవేశంతో కూడిన పాత్రల్లో కనిపిస్తూనే కథానాయకుడిగా దశాబ్దాలపాటు ప్రేక్షకుల్ని అలరించారు. గుర్తుండిపోయే సినిమాలెన్నో చేశారు. సెకండ్ ఇన్నింగ్స్​లో కల్కి, గరుడ వేగ వంటి చిత్రాలతో మంచి హిట్ అందుకున్న ఆయన చివరిగా 2021లో దెయ్యం, 2022 శేఖర్​ చిత్రాల్లో నటించి మెప్పించారు.