బ్రష్ వెస్కో: ఎక్స్‌ట్రా నుండి ఫంకీ సాంగ్
ఇక సినిమాకు సంబంధించిన సాంగ్స్ తో కూడా మంచి హైప్ క్రియేట్ చేసే ప్రయత్నం చేస్తున్నారు. ఇప్పటికే ఒక లిరికల్ సాంగ్ విడుదల చేశారు
By: Tupaki Desk | 10 Nov 2023 4:09 PM GMT
యువ హీరో నితిన్ వక్కంతం వంశీ దర్శకత్వంలో చేస్తున్న లేటెస్ట్ మూవీ ఎక్స్‌ట్రా- ఆర్డినరీ మ్యాన్‌. శ్రేష్ట్ మూవీస్ బ్యానర్ లో రూపొందుతున్న ఈ సినిమా టీజర్ కూడా ఇటీవల విడుదలైంది. ఇక సినిమాకు సంబంధించిన సాంగ్స్ తో కూడా మంచి హైప్ క్రియేట్ చేసే ప్రయత్నం చేస్తున్నారు. ఇప్పటికే ఒక లిరికల్ సాంగ్ విడుదల చేశారు.
ఇక ఇప్పుడు రెండవ సింగిల్, బ్రష్ వేస్కో అనే లిరికల్ సాంగ్ ను విడుదల చేశారు. సంగీత దర్శలుడిగా ఒక ట్రెండ్ సెట్ చేసిన హారిస్ జయరాజ్ ఈ సినిమాకు ట్యూన్స్ అందిస్తున్నారు. ఒక ఫంకీ స్టైల్ లో డిఫరెంట్ గా ఉన్న ఈ సాంగ్ కు రామజోగయ్య శాస్త్రి సాహిత్యాన్ని అందించారు. బ్రష్ వెస్కో చిత్రం చుట్టూ ఉన్న ఉత్సాహానికి మరో లేయర్ ను జోడిస్తుంది.
చిత్రం విడుదల తేదీ సమీపిస్తున్న కొద్దీ, బ్రష్ వేస్కో పాట కూడా సినిమాపై మరింత ఆసక్తిని కలిగిస్తోంది. ఆదిత్య మూవీస్ అండ్‌ ఎంటర్‌టైన్‌మెంట్స్‌, రుచిరా ఎంటర్‌టైన్‌మెంట్స్‌ సహకారంతో శ్రేష్ఠ్‌ మూవీస్ పతాకంపై సుధాకర్‌ రెడ్డి, నికితారెడ్డి ఈ చిత్రాన్ని నిర్మిస్తున్నారు. ఇక వక్కంతం వంశీ ఈ సినిమాకు దర్శకత్వం వహిస్తున్నారు.
ఆయనకు దర్శకుడిగా ఇది రెండవ సినిమా. ఇంతకుముందు అల్లు అర్జున్ తో నా పేరు సూర్య అనే ఒక సినిమా చేసిన విషయం తెలిసిందే. ఇక ఇప్పుడు నితిన్ తో చేస్తున్న ఎక్స్ ట్రా సినిమాతో ఎలాగైనా సక్సెస్ అందుకొని ట్రాక్ లోకి రావాలని అనుకుంటున్నారు. ఈ సినిమాకు సంబంధించిన కంటెంట్ తోనే దర్శకుడు అంచనాలను క్రియేట్ చేశాడు.
నితిన్ ఇందులో ఒక జూనియర్ ఆర్టిస్ట్ గా కనిపించబోతున్నాడు. ఇక కమర్షియల్ ఫార్మాట్లో లవ్ రొమాన్స్ యాక్షన్ కామెడీ అంశాలతో సినిమా అన్ని వర్గాల వారిని ఆకట్టుకునేలా ఉండనుందట. ఇక ఈ సినిమాతో నితిన్ కూడా సక్సెస్ అందుకోవాలని చూస్తున్నాడు..ఈ సినిమాను డిసెంబర్ 8న విడుదల చేయబోతున్నారు.
