ఎక్స్ ట్రా ప్రీ బిజినెస్.. ఎంత రావాలంటే..

నితిన్ నటించిన ఎక్స్ ట్రా ఆర్డినరీ సినిమా డిసెంబర్ 8వ తేదీన గ్రాండ్ గా విడుదల కాబోతున్న విషయం తెలిసిందే. ఈ సినిమాతో ఎలాగైనా మంచి సక్సెస్ అందుకుని మళ్ళీ ట్రాక్ లోకి రావాలి అని నితిన్ అనుకుంటున్నాడు. అలాగే దర్శకుడు వక్కంతం వంశీకి కూడా ఈ సినిమాతో తప్పనిసరిగా సక్సెస్ కొట్టాల్సిన అవసరం ఉంది. రచయితగా ఒకప్పుడు కిక్ రేసుగుర్రం టెంపర్ లాంటి సినిమాలకు కథలు అందించిన వంశీ నా పేరు సూర్య అనే సినిమాతో దర్శకుడిగా పరిచయం అయ్యాడు.

అయితే ఆ సినిమా ఎలాంటి ఫలితం అందుకుందో ప్రత్యేకంగా చెప్పనవసరం లేదు. ఇక ఇప్పుడు తప్పనిసరిగా అతనికి ఎక్స్ ట్రా సినిమాతో మంచి సక్సెస్ రావాల్సి ఉంది. ఈ సినిమాకు సంబంధించిన ప్రమోషన్స్ లో కూడా అందరూ ఎంతో కాన్ఫిడెంట్ గా కనిపిస్తున్నారు. ఇప్పటివరకు విడుదలైన సాంగ్స్ తో పాటు టీజర్ ట్రైలర్ కూడా పాజిటివ్ వైబ్రేషన్స్ క్రియేట్ చేశాయి.

అయితే ఈ సినిమాకు సంబంధించిన ప్రీ రిలీజ్ బిజినెస్ కూడా డిమాండ్ కు తగ్గట్టుగా జరిగినట్లు తెలుస్తోంది. ఇక ఏరియాల వారీగా చూసుకుంటే ఈ సినిమా నైజాంలో 7 కోట్లు, సీడెడ్ లో 3 కోట్లు, ఆంధ్రాలో 9 కోట్ల వరకు బిజినెస్ చేసింది. ఇక రెస్ట్ ఆఫ్ ఇండియా చూసుకుంటే అటువైపు 1.5 కోట్లు, ఓవర్సీస్ లో 2.5 కోట్ల వరకు ఈ సినిమా దర పలికినట్లుగా తెలుస్తోంది.

ప్రపంచవ్యాప్తంగా మొత్తంగా ఎక్స్ ట్రా ఆర్డినరీ సినిమా 23 కోట్ల రేంజ్ లో ఫ్రీ రిలీజ్ బిజినెస్ అయితే చేసింది. ఒక విధంగా సినిమాకు మంచి పాజిటివ్ ప్రమోషన్స్ ద్వారా బజ్ అయితే క్రియేట్ చేస్తూ ఉన్నారు. మొత్తంగా ఈ సినిమా బాక్సాఫీస్ వద్ద సక్సెస్ కావాలి అంటే 24 కోట్ల రేంజ్ లో షేర్ కలెక్షన్స్ అందుకోవాల్సిన అవసరం ఉంది.

నితిన్ జోష్ చూస్తూ ఉంటే ఈసారి సక్సెస్ కొట్టేలా ఉన్నాడు అనిపిస్తోంది. ఈ సినిమాలో శ్రీ లీల హీరోయిన్గా నటించగా సీనియర్ హీరో రాజశేఖర్ ఒక స్పెషల్ పాత్రలో నటించారు. వీరి కోసం కూడా ఈ సినిమాను చూడాలి అని ఓవర్గం ప్రేక్షకులు ఎదురుచూస్తున్నారు. చూడాలి మరి ఈ సినిమా బాక్సాఫీస్ వద్ద ఎలాంటి కలెక్షన్స్ అందుకుంటుందో.