పుష్ప 2.. అతన్ని సరిగా వాడకుంటే మాత్రం..!

అల్లు అర్జున్ పుష్ప 2 రిలీజ్ ఇంకా 15 రోజులే ఉన్న టైం లో సినిమా నుంచి వచ్చే ప్రతి అప్డేట్ ఫ్యాన్స్ ని ఉత్సాహపరుస్తుంది. ముఖ్యంగా పుష్ప 2 నేషనల్ కాదు ఇంటర్నేషనల్ అంటూ ట్రైలర్ రిలీజైన నాటి నుంచి ఫ్యాన్స్ అంతా ఎప్పుడెప్పుడు సినిమా చూద్దామా అని ఫుల్ జోష్ లో ఉన్నారు. పుష్ప 2 సినిమాలో అల్లు అర్జున్ మరోసారి అదరగొట్టేందుకు సిద్ధమవుతున్నాడు. పుష్ప రాజ్ ఊర మాస్ మేనరిజం ఆడియన్స్ కు థ్రిల్ అందిచాలని చూస్తుంది.

ఐతే పుష్ప 1 లో పుష్ప రాజ్ కి ధీటుగా చివర్లో ఫాహద్ ఫాజిల్ ఎంట్రీ సర్ ప్రైజ్ చేసింది. పుష్ప 2 లో అల్లు అర్జున్ వర్సెస్ ఫాహద్ ఫాజిల్ సీన్స్ హైలెట్ కానున్నాయి. మలయాళ స్టార్ ఫాహద్ ఫాజిల్ కి ఎలాంటి పాత్ర ఇచ్చినా దానికి 100 పర్సెంట్ న్యాయం చేస్తాడు. పుష్ప 1 చివర్లో అతని ఎంట్రీ ఆడియన్స్ కు మంచి ట్రీట్ ఇచ్చింది. పుష్ప బ్రాండ్ గురించి ఫాహద్ తో చేసిన ఛాలెంజ్ పర్ఫెక్ట్ ముగింపు అనిపించింది.

పుష్ప 2 లో పుష్ప రాజ్ మంగళం శీను లాంటి వారితోనే కాదు భన్వర్ సింగ్ షెఖావత్ అదే మన ఫాహద్ ఫాజిల్ లాంటి వారి నుంచి కూడా ఎటాక్ ఉంటుంది. ఐతే పుష్ప రాజ్ యాటిట్యూడ్ ఆ ఊర మాస్ తెలిసిందే. ఐతే ఫాహద్ ఫాజిల్ ని కూడా అదే రేంజ్ లో చూపించాల్సి ఉంటుంది. ఫాహద్ పాత్ర ఏమాత్రం అంచనాలకు తగినట్టు లేకపోయినా అతని ఫ్యాన్స్ ఇంకా ఆడియన్స్ అప్సెట్ అయ్యే ఛాన్స్ ఉంటుంది.

పుష్ప 2 లో ఫాహద్ తన పాత్ర గురించి ఎక్కడ లీక్ ఇవ్వలేదు. అసలు పుష్ప 2 లో తన పాత్ర హైలెట్ అవుతుంది అన్న ఆలోచన కూడా లేదు. మిగతా సినిమాల్లో ఫాహద్ ఉన్నాడు అంటే అతని రోల్ కి ఒక స్పెషాలిటీ ఉండేలా జాగ్రత్త పడతారు. మరి పుష్ప 2 లో అతని పాత్ర ఎలా రాసుకున్నారన్నది తెలియాల్సి ఉంది. సుకుమార్ లెక్కల మాస్టర్ కాబట్టి ఫాహద్ ఫ్యాన్స్ ని సాటిస్ఫై చేసేలా ప్లాన్ చేసి ఉంటాడు కానీ ట్రైలర్ చూస్తే ఫాహద్ అంత డామినేటింగ్ గా ఏమి అనిపించలేదు.

మరి సుకుమార్ దీన్ని ఎలా బ్యాలెన్స్ చేశారన్నది డిసెంబర్ 5న తెలుస్తుంది. ఇక పుష్ప 2 తర్వాత పుష్ప 3 కూడా ఉంటుందని అంటున్నారు. మరి పుష్ప 3లో కూడా ఫాహద్ ఉంటాడా లేదా ఈ పార్ట్ లోనే అతని పార్ట్ ఎండ్ కార్డ్ పడుతుందా అన్నది కూడా ఆరోజే తెలుస్తుంది.