వెంకీ కోసం ఫాహద్ ఫాజిల్.. క్రేజీ కాంబో

ప్రస్తుతం సౌత్ లో పాన్ ఇండియా ట్రెండ్ నడుస్తోంది. భాషలతో సంబంధం లేకుండా దర్శకులు కాంబినేషన్స్ సెట్ చేస్తున్నారు. సినిమా మార్కెట్ పరిధి పెంచుకోవడానికి మల్టీ స్టారర్ చిత్రాలు చేస్తున్నారు. క్యాస్టింగ్ విషయంలో కూడా అన్ని భాషలకి సంబందించిన నటీనటులు ఉండేలా చూసుకుంటున్నారు. ఈ స్ట్రాటజీ చాలా చిత్రాలకి వర్క్ అవుట్ అవుతోంది.

అందుకే తెలుగు సినిమాలని ఇతర భాషలలో ఆదరిస్తున్నారు. అలాగే ఇతర భాషా చిత్రాలు తెలుగులో మంచి ఆదరణ పొందుతున్నాయి. బడా నిర్మాత దిల్ రాజు తన శ్రీ వెంకటేశ్వర క్రియేషన్స్ ని పాన్ ఇండియా సినిమాలు చేయడానికి ఇప్పుడు మొగ్గు చూపిస్తున్నారు. అందులో పూర్తిస్థాయిలో ఫస్ట్ పాన్ ఇండియా మూవీగా గేమ్ చేంజర్ వస్తోంది. ఇప్పుడు ఓ మల్టీ స్టారర్ కాంబినేషన్ ని కన్ఫర్మ్ చేసినట్లు టాక్ వినిపిస్తోంది.

కొత్త దర్శకుడు చెప్పిన కథ నచ్చడంతో గ్రీన్ సిగ్నల్ ఇచ్చిన దిల్ రాజు ఆ మూవీ కోసం విక్టరీ వెంకటేష్, మలయాళీ స్టార్ తెలుగులో పుష్పలో నటించిన ఫాహద్ ఫాజిల్ ని ఫైనల్ చేసినట్లు తెలుస్తోంది. త్వరలో ఈ ప్రాజెక్ట్ కి సంబందించిన అఫీషియల్ అప్డేట్ ఎనౌన్స్ చేసే ఛాన్స్ ఉందంట. పాన్ ఇండియా రేంజ్ లోనే ఈ చిత్రాన్ని తెరకెక్కించే ఛాన్స్ లు కనిపిస్తున్నాయి.

ప్రస్తుతం వెంకటేష్ శైలేష్ కొలను దర్శకత్వంలో సురేష్ ప్రొడక్షన్స్ లోనే సైంధవ్ మూవీ చేస్తున్నారు. యాక్షన్ స్టొరీతో ఈ చిత్రం తెరకెక్కుతోంది. దీని తర్వాత దిల్ రాజు ప్రొడక్షన్ లో మల్టీ స్టారర్ మూవీ ఉండే ఛాన్స్ ఉందనే మాట వినిపిస్తోంది. పుష్ప సిరీస్ లో విలన్ గా తెలుగు ప్రేక్షకులకి చేరువ అయిన ఫాహాద్ ఫాజిల్ కి టాలీవుడ్ లో ఇది రెండో సినిమా అవ్వనుంది.

దిల్ రాజు, వెంకటేష్ కలయికలో ఎఫ్ 2, ఎఫ్3 తర్వాత వస్తోన్న మూవీ ఇది కావడం విశేషం. మరి ఈ మూవీ కథ యాక్షన్ బ్యాక్ డ్రాప్ లో ఉంటుందా లేదంటే మరొక జోనర్ సెలక్ట్ చేసుకున్నారా అనేది తెలియాల్సి ఉంది.