'పుష్ప' కోసం షెకావ‌త్ సంచ‌ల‌న నిర్ణ‌యం!

పుష్ప‌రాజ్-బ‌న్వ‌ర్ సింగ్ షెకావ‌త్ మ‌ధ్య అస‌లైన వైరం ఎలా ఉంటుంద‌న్న‌ది పార్ట్ -2 లో చూడ‌బోతున్నాం. మొద‌టి భాగంలో రెండు పాత్రల‌కి ఈగో తో ముగింపు ప‌లికాడు సుకుమార్. ఇప్పుడా ఇద్ద‌రి మ‌ధ్యా ఈగో ఏ స్థాయిలో ఉంటుంద‌న్న‌ది? పార్ట్-2 లో ర‌స‌వ‌త్త‌రంగా ఉండ‌బోతుంది. రెండు పాత్ర‌ల మ‌ధ్యా నువ్వా? నేనా? అన్న రేంజ్ లో త‌గ్గాఫ్ వార్ న‌డుస్తుంది. ఇప్ప‌టికే ఆ రెండు పాత్ర‌ల‌కు సంబంధించి చాలా భాగం షూటింగ్ కూడా పూర్తి చేసారు. ఆగ‌స్టులో రిలీజ్ అవుతున్న నేప‌థ్యంలో దాదాపు ఫ‌హాద్ ఫాజిల్ పాత్ర‌కు సంబంధించి షూట్ కూడా ముగింపు ద‌శ‌లోనే ఉంటుంద‌ని అంతా భావిస్తున్నారు.

కానీ ఫ‌హాద్ పాత్ర షూట్ ఇంకా నెల రోజుల పాటు ఉంటుంద‌ని తాజాగా లీకైంది. ఇప్ప‌టికే ఫ‌హాద్ పై చాలా స‌న్నివేశాలు చిత్రీక‌రించినా షూట్ చేయాల్సిన భాగం మిగిలి ఉండ‌టంతో ముందుగా ఆయ‌న కేటాయించిన డేట్లు స‌రిపోవ‌డం లేదుట‌. దీంతో అద‌నంగా నెల రోజులు కేటాయిస్తున్నాడుట‌. జూన్ 1-30వ తేదీ వ‌ర‌కూ తాను అందుబాటులో ఉంటాన‌ని సుకుమార్ కి ప్రామిస్ చేసారుట‌. ఇవ‌న్నీ కీల‌క స‌న్నివేశాలు కావ‌డంతో ఆ పార్ట్ షూటింగ్ అంతా సుకుమార్ ద‌గ్గ‌రుండి షూట్ చేస్తారని తెలుస్తోంది.

బ‌న్నీతో కొన్ని కాంబినేష‌న్ సీన్స్ కూడా ఉన్నాయ‌ని స‌మాచారం. అంటే ఫ‌హాద్ కి అద‌నంగా పారితోషికం చెల్లించాల్సిందే. ఇప్ప‌టికే ఆయ‌న ఈ సినిమాకి భారీ మొత్తం ఛార్జ్ చేసిన‌ట్లు వార్త‌లొచ్చాయి. రెండు భాగాల‌కు క‌లిపి ప్యాకేజ్ రూపంలో పారితోషికం మాట్లాడుకున్నారు. షెడ్యూల్ ప్రకారం పారితోషికం అంతా అందేసింది. కానీ తాజాగా నెల రోజులు ఎక్స్ ట్రా కేటాయిస్తున్నారు కాబ‌ట్టి అందుకు త‌గ్గ‌ట్టు అద‌నంగా చెల్లించాల్సిందే.

మ‌ల‌యాళంలో ప‌హాద్ పేరున్న న‌టుడు. ఇటీవ‌లే ఆయ‌న న‌టించిన ఓ సినిమా భారీ వ‌సూళ్లు సాధించిన సంగ‌తి తెలిసిందే. అలాగే పుష్ప‌-2లో స్పెష‌ల్ ఐట‌మ్ సాంగ్ కూడా ఉన్న సంగ‌తి తెలిసిందే. ఆ పాట‌లో ఏ భామ న‌టిస్తుంది? అన్న దానిపై కొన్ని రోజులుగా త‌ర్జ‌న‌భ‌ర్జ‌న న‌డుస్తుంది. ఆ ఛాన్స్ ఏ నాయిక‌ది అన్న‌ది ఇంకా క్లారిటీ రాలేదు. ఆపాటకి సంబంధించిన ప‌నులు జూలైలో మొద‌ల‌వుతాయని తెలిసింది. ఈ చిత్రాన్ని మైత్రి మూవీ మేకర్స్ నిర్మిస్తోన్న సంగ‌తి తెలిసిందే.