పుష్ప విలన్‌, యానిమల్ త్రిప్తి లవ్‌ స్టోరీ...!
ఇప్పుడు ఫహద్‌ ఒక లవ్‌ స్టోరీ మూవీతో ప్రేక్షకుల ముందుకు వచ్చేందుకు రెడీ అవుతున్నారని సమాచారం అందుతోంది.
By: Tupaki Desk | 5 Dec 2024 12:30 AM GMT
అల్లు అర్జున్‌ హీరోగా నటించిన పుష్ప 2 సినిమాలో విలన్‌గా నటించి పాన్‌ ఇండియా స్టార్‌డం దక్కించుకున్న మలయాళ స్టార్‌ నటుడు ఫహద్‌ ఫాజిల్‌. మొదటి పార్ట్‌లో ఈయన కొన్ని నిమిషాలే కనిపించినా పుష్ప 2 లో మెయిన్‌ పాత్రలో కనిపించబోతున్నాడు. అల్లు అర్జున్‌తో ఢీ కొట్టే పాత్రలో ఫహద్‌ను చూపించబోతున్నారు. సుకుమార్‌ చాలా పవర్‌ ఫుల్‌ పాత్రలో ఫహద్‌ ను చూపిస్తున్నట్లుగా ఇప్పటికే విడుదల అయిన ట్రైలర్‌తో చెప్పకనే చెప్పారు. ఇప్పుడు ఫహద్‌ ఒక లవ్‌ స్టోరీ మూవీతో ప్రేక్షకుల ముందుకు వచ్చేందుకు రెడీ అవుతున్నారని సమాచారం అందుతోంది.
పుష్పతో వచ్చిన పాన్‌ ఇండియా క్రేజ్‌తో హిందీలో ఫహద్‌ ఒక సినిమాను చేయబోతున్నారు. బాలీవుడ్‌ ప్రముఖ దర్శకుడు ఇంతియాజ్ అలీ దర్శకత్వంలో ఒక లవ్‌ స్టోరీ సినిమాను ఫహద్‌ చేయబోతున్నాడు. ఇప్పటి వరకు కనిపించని విభిన్నమైన పాత్రలో ఫహద్‌ కనిపించబోతున్నారు అంటూ వార్తలు వస్తున్నాయి. విశ్వసనీయంగా అందుతున్న సమాచారం ప్రకారం ఇంతియాజ్ ఈ సినిమా కోసం హీరోయిన్‌గా బాలీవుడ్‌ ముద్దుగుమ్మ త్రిప్తి డిమ్రిని ఎంపిక చేయడం జరిగింది అని బాలీవుడ్‌ వర్గాల ద్వారా సమాచారం అందుతోంది.
యానిమల్ సినిమాలో రణబీర్‌ కపూర్‌తో నటించిన త్రిప్తి డిమ్రికి మంచి గుర్తింపు దక్కింది. యానిమల్‌లో హీరోయిన్‌గా నటించిన రష్మిక మందన్నతో పోల్చితే త్రిప్తికి ఎక్కువ పాపులారిటీ దక్కింది అంటే ఆమె ఏ స్థాయిలో అందాల ఆరబోత చేసిందో అర్థం చేసుకోవచ్చో అర్థం చేసుకోవచ్చు. త్రిప్తి ఆ తర్వాత పలు సినిమాల్లో ఆఫర్లు వచ్చినా తిరస్కరిస్తూ వచ్చింది. కానీ ఇప్పుడు ప్రముఖ దర్శకుడు ఇంతియాజ్ చెప్పిన కథ నచ్చడంతో పాటు పాత్ర నచ్చడంతో ఈ అమ్మడు సినిమాకు గ్రీన్‌ సిగ్నల్‌ ఇచ్చిందనే వార్తలు వస్తున్నాయి.
ఫహద్‌ ఫాజిల్‌, త్రిప్తి డిమ్రి జోడీ ఎలా ఉంటుంది అంటూ అంతా షాక్ అవుతున్నారు. సినిమాలో విభిన్నమైన ప్రేమ కథను చూపించే అవకాశాలు ఉన్నాయని దీన్ని బట్టి అర్థం అవుతుంది. తన వయసును మించిన పాత్రలు చేస్తాడని ఫహద్‌ కి పేరు ఉంది. అందుకే ఈ సినిమాలో ఆయన పాత్ర ఎలా ఉంటుంది, ప్రేమ కథ ఎలా ఉంటుంది అనే ఆసక్తి అందరిలోనూ కనిపిస్తుంది. హిందీలో రూపొందబోతున్న ఈ సినిమాను సౌత్‌లో అన్ని భాషల్లోనూ రిలీజ్‌ చేసే అవకాశాలు ఉన్నాయి.
