సంక్రాంతికి ఆ సినిమా రిలీజ్ అయ్యుంటే మరోలా ఉండేది

విజయ్ దేవరకొండ హీరోగా పరశురామ్ దర్శకత్వంలో ఫ్యామిలీ స్టార్ మూవీ తెరకెక్కుతోంది. దిల్ రాజు బ్యానర్ లో ఈ మూవీ సిద్ధం అవుతోంది. మృణాల్ ఠాకూర్ ఈ చిత్రంలో విజయ్ కి జోడీగా నటిస్తోంది. ఇప్పటికే ఈ మూవీ షూటింగ్ కంప్లీట్ అయిన పోస్ట్ ప్రొడక్షన్ వర్క్ పూర్తి కాకపోవడంతో సంక్రాంతి రేసు నుంచి ఫ్యామిలీ స్టార్ తప్పుకుంది. నిజానికి దిల్ రాజు ముందుగానే సంక్రాంతికి ఫ్యామిలీ స్టార్ తీసుకురావాలని ప్రయత్నం చేశారు.

అయితే అది సాధ్యం కాలేదు. సంక్రాంతి రేసులో నాలుగు సినిమాలు ప్రేక్షకుల ముందుకి వచ్చాయి. వీటిలో హనుమాన్ మూవీ సాలిడ్ సక్సెస్ అందుకొని కలెక్షన్స్ తో దూసుకుపోతోంది. సూపర్ స్టార్ మహేష్ బాబు గుంటూరు కారం సినిమా నైజాం హక్కులని దిల్ రాజు సొంతం చేసుకొని భారీ ఎత్తున రిలీజ్ చేశారు. కంటెంట్ పై డివైడ్ టాక్ వచ్చిన మహేష్ మాస్ ఇమేజ్ కారణంగా ఆడియన్స్ నుంచి ఫెస్టివల్ కారణంగా రెస్పాన్స్ వచ్చింది.

పండగ హడావిడి తగ్గడంతో ఇప్పుడు మూవీ కలెక్షన్స్ డ్రాప్ అయ్యే ఛాన్స్ ఉంది. మరో వైపు విక్టరీ వెంకటేష్ సైంధవ్ మూవీ డిజాస్టర్ లిస్టులోకి వెళ్లిపోయినట్లే. ఆ సినిమాకి ఆడియన్స్ నుంచి అస్సలు రెస్పాన్స్ రావడం లేదు. నా సామి రంగా మూవీకి పాజిటివ్ టాక్ అయితే వస్తోంది. అయితే ఎంత వరకు ఆడియన్స్ ని థియేటర్స్ కి రప్పించగలదు అనేది తెలియాల్సి ఉంది.

అయితే ఫ్యామిలీ స్టార్ మూవీ రిలీజ్ సంక్రాంతి రేసులో రిలీజ్ అయ్యి ఉంటే కచ్చితంగా మంచి ఫ్యామిలీ ఎంటర్టైనర్ అయ్యుండేదనే మాట వినిపిస్తోంది. సంక్రాంతి రేసులో ఎప్పుడూ కూడా రెండు సినిమాలకి అవకాశం ఉంటుంది. అయితే ఈ సారి హనుమాన్ మాత్రమే రేసులో ఉంది. ఈ మూవీ అయితే మేగ్జిమమ్ కలెక్షన్స్ కొల్లగొట్టేలా కనిపిస్తోంది.

ఫ్యామిలీ స్టార్ కూడా రిలీజ్ అయ్యుంటే దిల్ రాజుకి మంచి ఛాన్స్ దొరికేదనే మాట వినిపిస్తోంది. అయితే ఈ సినిమాని మార్చి 22కి దిల్ రాజు వాయిదా వేశారు. ఫ్యామిలీ ఆడియన్స్ కి రీచ్ అయ్యే కాన్సెప్ట్ కాబట్టి కచ్చితంగా గీతాగోవిందం తరహాలో రౌడీ స్టార్ ఖాతాలో హిట్ బొమ్మగా నిలిచే అవకాశం ఉందని సినీ విశ్లేషకులు అంచనా వేస్తున్నారు.

ఇప్పటికే మృణాల్ ఠాకూర్ సీతారామం, హాయ్ నాన్న సినిమాలతో రెండు హిట్స్ ని ఖాతాలో వేసుకుంది. ఫ్యామిలీ స్టార్ కూడా హిట్ అయితే తెలుగులో హ్యాట్రిక్ హిట్స్ సొంతం చేసుకున్న నటిగా గుర్తింపు సొంతం చేసుకుంటుంది. ఇందులో మంచి పెర్ఫార్మెన్స్ కి స్కోప్ ఉన్న పాత్రలోనే మృణాల్ ఠాకూర్ కనిపిస్తూ ఉండటం విశేషం.