ఫ్యామిలీ స్టార్.. లక్కీ డేట్ దొరికేసింది

రౌడీ హీరో విజయ్ దేవరకొండ ప్రస్తుతం ఫ్యామిలీ స్టార్ సినిమాలో నటిస్తున్న సంగతి తెలిసిందే. తనకు బ్లాక్ బస్టర్ హిట్ ఇచ్చిన గీత గోవిందం దర్శకుడితో మరోసారి చేతులు కలిపారు విజయ్ దేవరకొండ. గీత‌గోవిందం రూ.100 కోట్ల‌కుపైగా వ‌సూళ్ల‌ను సాధించ‌డంతో ఫ్యామిలీస్టార్‌ పై ఫ్యాన్స్ లో అంచ‌నాలు భారీగా నెల‌కొన్నాయి. ఫ్యామిలీ ఎమోష‌న్స్‌ కు త‌న‌దైన కామెడీ అంశాల‌ను జోడిస్తూ ప‌ర‌శురామ్ ఈ మూవీని తెర‌కెక్కిస్తున్నారు.

అయితే ఈ రొమాంటిక్ ఫ్యామిలీ ఎంట‌ర్టైన‌ర్ మూవీలో విజ‌య్ దేవ‌ర‌కొండ‌కు జోడీగా సీతారామం ఫేమ్ మృణాల్ ఠాకూర్ న‌టిస్తోంది. స్టార్ ప్రొడ్యూసర్ దిల్‌ రాజు నిర్మిస్తున్న ఈ మూవీ తొలుత సంక్రాంతికి రిలీజ్ చేయాల‌ని భావించారు. కానీ షూటింగ్ కంప్లీట్ కాక‌పోవ‌డం, సంక్రాంతి పోటీ ఎక్కువ‌గా ఉండ‌టంతో విడుదల విష‌యంలో వెన‌క్కి త‌గ్గారు. ఇప్పుడు ఈ మూవీ రిలీజ్ డేట్ ఫిక్స్ అయినట్లు తెలుస్తోంది.

వేసవి కానుకగా ఏప్రిల్ 5వ తేదీన ఈ మూవీని మేకర్స్ గ్రాండ్ గా రిలీజ్ చేస్తున్నట్లు సినీ వర్గాల్లో టాక్ నడుస్తోంది. త్వరలోనే మేకర్స్.. ఈ విషయాన్ని అధికారికంగా ప్రకటించనున్నారట. అయితే జూనియర్ ఎన్టీఆర్- కొరటాల శివ కాంబోలో తెరకెక్కుతున్న దేవరను ఏప్రిల్ 5న రిలీజ్ చేస్తామని మేకర్స్ ఎప్పుడో ప్రకటించారు. కానీ ఈ మూవీ పోస్ట్ పోన్ అవ్వనున్నట్లు వార్తలు వస్తున్న విషయం తెలిసిందే.

ఇప్పుడు ఫ్యామిలీ స్టార్ అదే రోజున రిలీజ్ కానుండడంతో దేవర పోస్ట్ పోన్ పక్కా అని సమాచారం. మరోవైపు, ఈ మూవీలో ర‌ష్మిక మంద‌న్న కీల‌క పాత్ర‌లో న‌టిస్తోందట. ఆమె క్యారెక్ట‌ర్ స‌ర్‌ ప్రైజింగ్‌ గా ఉండాల‌నే మేక‌ర్స్ రివీల్ చేయ‌డం లేద‌ట. కాగా ర‌ష్మిక బ‌ర్త్‌డే రోజే ఫ్యామిలీ స్టార్ రిలీజ్ కానుండ‌టం ఆస‌క్తిక‌రంగా మారింది. విజ‌య్‌, ర‌ష్మిక జంట‌కు ఉన్న క్రేజ్ కూడా ఈ రిలీజ్ డేట్‌ కు క‌లిసివ‌చ్చేలా ఉంద‌ని ఫ్యాన్స్ చెబుతున్నారు.

ఫ్యామిలీ స్టార్ త‌ర్వాత గౌత‌మ్ తిన్న‌నూరితో ఓ స్పై యాక్ష‌న్ మూవీ చేయ‌నున్నారు విజ‌య్‌. సితార ఎంట‌ర్ట్మెన్మెంట్స్ సంస్థ నిర్మించ‌నున్న ఈ మూవీ షూటింగ్ ఏప్రిల్‌ లో మొద‌లుకానుంది. ఈ సినిమాలో తొలుత శ్రీలీల‌ను హీరోయిన్‌గా తీసుకున్నారు. డేట్స్ అడ్జెస్ట్ కాలేక‌పోవ‌డంతో శ్రీలీల త‌ప్పుకున్న‌ట్లు ప్ర‌చారం జ‌రుగుతోంది. ఆమె స్థానాన్ని ర‌ష్మిక మంద‌న్న భ‌ర్తీ చేసిన‌ట్లు చెబుతున్నారు. మరి ఇందులో నిజమెంతో చూడాలి.