'దేవర' పాటలపై ఫ్యాన్స్ ఆశలు
పాటలు మంచి విజయాన్ని సొంతం చేసుకుంటే సినిమాకు కచ్చితంగా ప్లస్‌ అయ్యే అవకాశం ఉంది.
By: Tupaki Desk | 3 Aug 2023 6:51 AM GMT
తమిళం తో పాటు సౌత్ ఇండియాలో స్టార్ మ్యూజిక్ డైరెక్టర్ గా దూసు కు పోతున్న అనిరుధ్ ఎప్పుడు చూసినా ట్రెండ్డింగ్‌ లో ఉంటున్నాడు. ఇప్పుడు బాలీవుడ్‌ లో కూడా అనిరుధ్ టైమ్ ప్రారంభం అయినట్లుగా ఉంది. షారుఖ్ ఖాన్ నటించిన జవాన్ సినిమా కు కూడా అనిరుధ్ సంగీతాన్ని అందించాడు. ప్రస్తుతం ఆ సినిమా పాట తెగ వైరల్‌ అవుతోంది.
ఇక జైలర్ సినిమా కోసం అనిరుధ్ అందించిన కావాలయ్య పాట ఏ రేంజ్ లో సోషల్ మీడియా లో ట్రెండ్‌ అవుతుందో మనం చూస్తూనే ఉన్నాం. ఇంకా అనిరుధ్ పలు పాటలు సోషల్ మీడియా లో సందడి చేస్తున్నాయి. ఇలాంటి సమయం లో ఎన్టీఆర్ ఫ్యాన్స్ చాలా ఆసక్తిగా 'దేవర' పాటల కోసం వెయిట్‌ చేస్తున్నారు.
ఎన్టీఆర్ హీరోగా కొరటాల శివ దర్శకత్వంలో రూపొందుతున్న దేవర సినిమా కు అనిరుధ్ సంగీతాన్ని అందిస్తున్నాడు. ఇప్పటికే మ్యూజిక్ సిట్టింగ్స్ జరిగాయి. ఒకటి రెండు పాటల రికార్డింగ్ కూడా పూర్తి అయిందని సమాచారం అందుతోంది. ఈ ఏడాది చివరి నుండి దేవర పాటల పండుగ ప్రారంభం అయ్యే అవకాశాలు ఉన్నాయి.
పాటలు మంచి విజయాన్ని సొంతం చేసుకుంటే సినిమాకు కచ్చితంగా ప్లస్‌ అయ్యే అవకాశం ఉంది. దేవర పాటల తో టాలీవుడ్‌ ప్రేక్షకుల ను అనిరుధ్ కచ్చితంగా మెస్మరైజ్ చేసే అవకాశాలు ఉన్నాయి. ఇప్పటి వరకు స్టార్ హీరోల కు అనిరుధ్ సూపర్ హిట్ ఆల్బంను అందించలేక పోయాడు. అందుకే దేవర సినిమా పై ఎక్కువ ఫోకస్‌ తో అనిరుధ్ వర్క్‌ చేస్తున్నట్లుగా తెలుస్తోంది.
దేవర సినిమా లో ఎన్టీఆర్ కు జోడీగా జాన్వీ కపూర్‌ నటిస్తోంది. మంచి మ్యూజిక్ పడితే ఎన్టీఆర్ తన డాన్స్ లతో అదరగొట్టే అవకాశాలు ఉన్నాయి. మరి అనిరుధ్ ప్రస్తుత జోరును కొనసాగించి దేవర ఆల్బం ను సూపర్ హిట్ చేస్తాడా అనేది చూడాలి. ఎన్టీఆర్ ఫ్యాన్స్ మాత్రం దేవర ఆల్బం పై చాలా ఆశలే పెట్టుకుని వెయిట్‌ చేస్తున్నారు.
