సల్మాన్తో మైత్రీ థ్రిల్లర్ .. టీజర్ వచ్చేసింది
అలా కాకుండా సల్మాన్ ఖాన్ ఫిల్మ్ - మైత్రీ మూవీస్ కలిసి తాజాగా ఓ మూవీని సమర్పించనున్నట్లు తాజాగా ప్రకటించి సినీ ప్రియులకు సడెన్ సర్ప్రైజ్ చేశారు.
By: Tupaki Desk | 25 Sep 2023 12:23 PM GMT
టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్ తన ప్రొడక్షన్ హౌస్ను మరింత విస్తరించే దిశగా అడుగులు వేస్తున్న సంగతి తెలిసిందే. భారీ చిత్రాలను నిర్మిస్తూ ముందుకెళ్తోంది. తాజాగా బాలీవుడ్ కండల వీరుడు సల్మాన్ ఖాన్కు చెందిన సల్మాన్ ఖాన్ ఫిల్మ్తో జత కట్టింది. ఈ రెండు బ్యానర్లు కలిసి తాజాగా ఓ సినిమాను నిర్మిస్తున్నట్లు అఫీషియల్గా అనౌన్స్ చేశారు. టీజర్ కూడా విడుదల చేశారు.
గతంలో సల్మాన్ను మైత్రీ అధినేతలు కలిసిన సంగతి తెలిసిందే. అప్పుడు మైత్రి బ్యానర్లో భాయ్ సినిమా చేస్తారని అంతా భావించారు. కానీ అలా కాకుండా సల్మాన్ ఖాన్ ఫిల్మ్ - మైత్రీ మూవీస్ కలిసి తాజాగా ఓ మూవీని సమర్పించనున్నట్లు తాజాగా ప్రకటించి సినీ ప్రియులకు సడెన్ సర్ప్రైజ్ చేశారు.
అంథేనా ప్రొడక్షన్ హౌస్తో కలిసి సమర్పించనున్నట్లు తెలిపారు. ఏ రీల్ లైఫ్ ప్రొడక్షన్ పీవీటీ ఎల్టీడీ ఫిల్మ్ బ్యానర్పై ఫర్రీ అనే సినిమాను చేస్తున్నట్లు తెలుపుతూ టీజర్ గ్లింప్స్ను సోషల్ మీడియాలో రిలీజ్ చేశారు. కాన్సెప్ట్ పోస్టర్ను కూడా డిఫరెంట్గా డిజైన్ చేశారు. వీడియోలో స్టూడెంట్స్ పజిల్ సాల్వ్ చేస్తున్నట్లు చూపిస్తూనే దానికి కొన్ని ఇంటెన్సివ్ సీన్స్ను జోడించి ఊహకందని ఏదో జరుగుతున్నట్లుగా ఆసక్తిగా చూపించారు.
పోస్టర్లోనూ పజిల్ను బాగా హైలైట్ చేశారు. టైటిల్ ఇంగ్లీష్ నేమ్లో కరెన్సీ సింబల్ను కూడా హైలైట్ చేస్తూ చూపించారు. సినిమా మొత్తం ఊహకందని మలుపులతో థ్రిల్లింగ్ ఎలిమెంట్స్ సాగుతుందని వీడియోలో పేర్కొన్నారు. జంతారా ఫేమ్ డైరెక్టర్ సౌమేంద్ర పధి ఈ చిత్రానికి దర్శకత్వం వహిస్తున్నారు. మొత్తంగా ఈ టీజర్ ఆద్యంతం ఆసక్తిని రేకెత్తించేలా సాగింది.
ఇకపోతే ఈ చిత్రానికి నవీన్ యెర్నేని, వై రవి శంకర్, అతుల్ అగ్నిహోత్రి, అల్విరా ఖాన్ అగ్నిహోత్రి, నిఖిల్ నమిత్, సునిర్ ఖేతర్ పాల్ నిర్మాతలుగా వ్యవహరిస్తున్నారు. ఇతర వివరాలు త్వరలోనే తెలియనున్నాయి. ఇక ఈ చిత్రాన్ని 24 నవంబర్ థియేటర్లలో రానున్నట్లు మేకర్స్ తెలిపారు.
