సుహానా న‌ట‌న చిలిపిద‌నంలో తండ్రి పోలిక‌లు

కింగ్ ఖాన్ షారూఖ్ న‌ట‌వార‌సురాలు క‌థానాయిక‌గా పరిచ‌యం అవుతున్న శుభ‌త‌రుణాన్ని అభిమానులు సెల‌బ్రేట్ చేసుకుంటున్నారు. జోయా అక్త‌ర్ తెర‌కెక్కించిన ది ఆర్చీస్ వెబ్ సిరీస్ తో తొలిగా త‌న అదృష్టం ప‌రీక్షించుకుంటున్న సుహానాఖాన్ త‌దుప‌రి బిగ్ లీగ్ లో ప్ర‌వేశించేందుకు ప్ర‌య‌త్నిస్తోంది. మొద‌టి సినిమా సెట్స్ పై ఉండగానే పాపుల‌ర్ ద‌ర్శ‌క‌నిర్మాత‌లతో ప్రాజెక్టుల‌ను ఖాయం చేసుకున్న ఈ స్టార్ కిడ్ తొలి న‌టనాభినివేశం ఎలా ఉండ‌నుందో చూడాల‌ని అభిమానులు త‌హ‌త‌హ‌లాడుతున్నారు.

ఇంత‌కుముందు రిలీజైన ది ఆర్చీస్ ట్రైల‌ర్ లో సుహానాఖాన్ త‌న‌దైన న‌ట‌న కామిక్ టైమింగ్ తో కిల్ చేసింది. సుహానాను చూస్తున్న నెటిజ‌నం..షారూఖ్ లోని చిలిపిద‌నం సుహానాలోను ఉందంటూ పోలిక చెబుతున్నారు. ది ఆర్చీస్ సిరీస్ తో తెర‌కు ప‌రిచ‌యం అవుతున్న సుహానా తండ్రిలానే పెద్ద స్టార్ అవ్వ‌డం ఖాయం అన్న జోశ్యం చెబుతున్నారు.

సుహానా ఖాన్, అగస్త్య నంద, ఖుషీ కపూర్, వేదంగ్ రైనా, మిహిర్ అహుజా, యువరాజ్ మెండా, అదితి సైగల్ న‌టించిన ది ఆర్చీస్ త్వ‌ర‌లో నెట్ ఫ్లిక్స్ లో విడుదల కానుంది. ది ఆర్చీస్ లో కుమార్తె సుహానా ఖాన్ ప్ర‌ద‌ర్శ‌న చూసిన తండ్రి షారూఖ్ ఖాన్ విజిల్స్ వేస్తూ అభినందించాడు. షారూఖ్ ఖాన్ తన సోషల్ మీడియా హ్యాండిల్ లో ది ఆర్చీస్ ట్రైలర్‌ను షేర్ చేసి తారాగణం-సిబ్బందికి ఒక స్వీట్ నోట్‌ను రాశారు.

ఇందులో పాత్రలు కాలాతీతం అయితే సబ్జెక్ట్ సమకాలీనంగా అనిపిస్తుంది. సరిగ్గా ది ఆర్చీస్ చాలా కాలంగా ఉన్నారు. అన్ని పాత్రలు బాగా తెలిసినవి.. ప్రేమించిన‌వి... ఈ కొత్త ఆర్చీస్ OG ఒక కల్పిత కథలోకి తీసుకెళుతున్న‌ట్టుఅనిపిస్తుంది అని సూపర్ స్టార్ షారూఖ్ మెచ్చుకున్నారు. ది ఆర్చీస్ లో న‌టించిన న‌ట‌వార‌సులాంద‌రికీ ఖాన్ ఆల్ ది బెస్ట్ తెలిపారు. అయితే నెటిజ‌నులు సుహానా ఖాన్ ని ప్ర‌త్యేకంగా గుర్తించారు. త‌న న‌ట‌న ఆహార్యం, డైలాగ్ సెన్స్ చిలిపిద‌నం ప్ర‌తిదీ షారూఖ్ ని పోలి ఉన్నాయ‌ని ప్ర‌శంసిస్తున్నారు.

సుహానా వ‌రుస ఫోటోషూట్లు:

మ‌రోవైపు సుహానా ఖాన్ త‌న తొలి వెబ్ చిత్రం విడుద‌ల కాకముందే, వ‌రుస ఫోటోషూట్ల‌తో హీట్ పెంచేస్తోంది. తాజాగా ప్ర‌ఖ్యాత మ్యాగ‌జైన్ లైఫ్ స్టైల్ ఆసియా -ఇండియా క‌వ‌ర్ పేజీ కోసం సుహానా ఇచ్చిన ఫోజులు అంత‌ర్జాలంలో వైర‌ల్ గా మారాయి. లైఫ్ స్టైల్ ఆసియా ఈ ఫోటోషూట్ ని సోష‌ల్ మీడియాలో షేర్ చేసి ఆస‌క్తిక‌ర వ్యాఖ్య‌ను జోడించింది. `` వెరోనికా లాడ్జ్ కేవలం అమ్మాయి మాత్రమే కాదు.. త‌నో అద్భుత‌ శక్తి. నెట్‌ఫ్లిక్స్ ది ఆర్చీస్ (@TheArchiesOnNetflix)లో సుహానా ఖాన్ అరంగేట్రం ఉత్సాహం పెంచుతోంది. ప్రపంచాన్ని ఆక్రమించే అమ్మాయి..`` అంటూ ఫోటోషూట్ ని షేర్ చేసారు. మయూఖ్ మజుందార్ సుహానాను ఇంటర్వ్యూ చేసారు. ఈ ప్ర‌త్యేక ఇంట‌ర్వ్యూ త్వ‌ర‌లో వెబ్ లోను అందుబాటులోకి రానుంది.