ఫౌజిలో ఆమెకు ఛాన్స్ ఉందా..?

సీతారామం తో సూపర్ హిట్ అందుకున్న డైరెక్టర్ హను రాఘవపుడి తన నెక్స్ట్ సినిమా రెబల్ స్టార్ ప్రభాస్ తో ఫిక్స్ చేసుకున్న విషయం తెలిసిందే. పీరియాడికల్ స్టోరీగా రియల్ స్టోరీ రిఫరెన్స్ లతో ఈ సినిమా తెరకెక్కుతుంది. ఈ సినిమాలో హీరోయిన్ గా ఇమాన్వి ఇస్మాయిల్ ను ఎంపిక చేశారు. సోషల్ మీడియాలో తన డ్యాన్స్ తో అదరగొట్టే ఇమాన్వి క్రేజీ ఫాలోవర్స్ ని ఏర్పరచుకుంది. ఆ పాపులారిటీతోనే ప్రభాస్ సినిమా ఛాన్స్ అందుకుంది. అంతకుముందు కూడా ఇమాన్వికి చాలా ఆఫర్స్ వచ్చినా ఆమె రిజెక్ట్ చేయగా బాహుబలి ప్రభాస్ సినిమా అనగానే ఓకే చేసింది.

బిఫోర్ ఇండిపెండెన్స్ బ్యాక్ డ్రాప్ తో తెరకెక్కుతున్న ఈ సినిమాకు ఫౌజి అనే టైటిల్ పరిశీలనలో ఉంది. ఐతే ఈ సినిమాలో హను రాఘవపుడి తన హిట్ సెంటిమెంట్ రిపీట్ చేస్తాడా లేదా అన్న డౌట్ మొదలైంది. సీతారామం తో సూపర్ హిట్ కొట్టిన ఈ డైరెక్టర్ మృణాల్ ఠాకూర్ ని తన లక్ సెంటిమెంట్ గా భావిస్తున్నాడు. ఆ సెంటిమెంట్ వర్క్ అవుట్ అయ్యేలా ఫౌజిలో మృణాల్ ని కూడా భాగం చేస్తాడా అన్న డౌట్ మొదలవుతుంది.

సీతారామం సినిమా సక్సెస్ లో మృణాల్ ఠాకూర్ యాక్టింగ్ ఎక్కువ ప్రాముఖ్యత ఏర్పరచుకుంది. అంతకుముందు బాలీవుడ్ లో సినిమాలు చేసినా ఆమెకు ఈ రేంజ్ పాపులారిటీ రాలేదు. సీతారామం హిట్ అవ్వబట్టే మృణాల్ కు వరుస అవకాశాలు వస్తున్నాయి. ఫౌజిలో కూడా ఆమెను తీసుకోవాలని హను ప్రయత్నిస్తున్నాడని తెలుస్తుంది. అదే జరిగితే మాత్రం హను, మృణాల్ హిట్ కాంబో రిపీట్ అయినట్టే లెక్క.

ఫ్యామిలీ స్టార్ ఫ్లాప్ కావడంతో తెలుగులో మరో ఛాన్స్ అందుకోని మృణాల్ ఫౌజి లో అవకాశం తెచ్చుకుంటే మాత్రం నెక్స్ట్ లెవెల్ అన్నట్టే అని చెప్పొచ్చు. ప్రస్తుతం ఫౌజి షూటింగ్ తమిళనాడులో జరుగుతుంది. ఈ సినిమా షూటింగ్ లో ప్రభాస్ జనవరి నుంచి పాల్గొంటాడని టాక్. ఏది ఏమైనా ప్రభాస్ ఫౌజి లో మృణాల్ నటిస్తే మాత్రం ఆ సినిమా రేంజ్ మరింత పెరుగుతుందని చెప్పొచ్చు.

ప్రభాస్ ఓ పక్క రాజా సాబ్ చేస్తూనే మరోపక్క ఫౌజి కూడా చేస్తున్నాడు. సందీప్ వంగాతో చేస్తున్న స్పిరిట్ సినిమాను కూడా త్వరలోనే మొదలు పెట్టాలని చూస్తున్నాడు ప్రభాస్. కల్కితో మరో బ్లాక్ బస్టర్ హిట్ అందుకున్న ప్రభాస్ రాజా సాబ్, ఫౌజి, స్పిరిట్ ఇలా వరుస భారీ సినిమాలతో ఎక్కడ తగ్గేది లేదన్నట్టుగా ఫ్యాన్స్ కి ఫీస్ట్ ఇచ్చేందుకు సిద్ధమయ్యాడు.