టీజర్: ఆకాశంలో 'ఫైటర్' హై వోల్టేజ్ యాక్షన్

హాలీవుడ్ సినిమాల్లో ఉండే యాక్షన్ ఎపిసోడ్ల క్వాలిటీ మన భారతీయ సినిమాల్లో చాలా తక్కువగానే కనిపిస్తూ ఉంటుంది. ఆ రేంజ్ విజువల్స్ ను తెలుగు స్టార్ దర్శకుడు ఎస్ ఎస్ రాజమౌళి లాంటి తక్కువ మంది డైరక్టర్లే మాత్రమే చూపించారు. అయితే టాప్ గన్ మేవరిక్, మిషన్ ఇంపాజిబుల్ రేంజ్ యాక్షన్ ఎపిసోడ్స్ ను జక్కన్న కూడా ఇప్పటి వరకు కూడా ప్రయత్నించలేదు. అయితే బాలీవుడ్ దర్శకుడు సిద్దార్థ్ ఆనంద్ ఆ లోటును భర్తీ చేయడానికి సిద్ధమయ్యారు.

టాప్ గన్ మేవరిక్ రేంజ్ సినిమా చెయ్యాలంటే ట్రామ్ క్రూజ్ లాంటి హీరో ఉండాలిగా.. అందుకే ఇండియన్ టామ్ క్రూజ్ హృతిక్ రోషన్ తో చేయి కలిపారు సిద్ధార్థ్ ఆనంద్. ఇప్పటికే వీరిద్దరి కాంబోలో సూపర్ హిట్ సినిమా బ్యాంగ్ బ్యాంగ్ వచ్చింది. ఇప్పుడు ఫైటర్ సినిమాతో మరోసారి సిద్దార్థ్ ఆనంద్, హృతిక్ రోషన్ ప్రేక్షకుల ముందుకు రానున్నారు.

2024 జనవరి 25వ తేదీ విడుదల కానున్న ఫైటర్ సినిమాకు సంబంధించిన టీజర్ ను మేకర్స్ శుక్రవారం రిలీజ్ చేశారు. టీజర్ చాలా ఇంట్రెస్టింగ్ గా ఉందని ఫ్యాన్స్ చెబుతున్నారు. టీజర్ లో ప్రతి షాట్, ప్రతి ఫ్రేమ్ స్టన్నింగ్ గా ఉందని అంటున్నారు. దీపికా పదుకొణె, అనిల్ కపూర్ లుక్స్ ను కూడా ఫైటర్ టీజర్ లో మేకర్స్ రివీల్ చేశారు.

హ్యూజ్ సెట్స్, ఊహకందని యాక్షన్ బ్లాక్స్ తో ఫైటర్ టీజర్ అదిరిపోయింది. ఏరియల్ షాట్స్ అయితే మైండ్ బ్లోయింగ్ అని చెప్పొచ్చు. ముఖ్యంగా ఎండ్ షాట్ లో హృతిక్ చోపర్ దిగుతున్న టైమ్ లో వచ్చిన కట్ షాట్స్ మెస్మెరైజ్ చేసేశాయి. ఓవరాల్ ఒక హాలీవుడ్ రేంజ్ హిందీ సినిమాను పాన్ ఇండియా ఆడియన్స్ కు చూపించబోతున్నారు సిద్ధార్థ్

ఇక ఈ సినిమాలో హృతిక్ రోషన్ స్క్వాడ్రన్ లీడర్ షంషేర్ పఠానియా (పాటీ)గా క‌నిపించ‌నుండ‌గా.. స్క్వాడ్రన్ లీడర్‌ మిన్నిగా (దీపికా పదుకొణె).. గ్రూప్ కెప్టెన్ రాకేష్ జై సింగ్ పాత్రలో అనిల్‌ కపూర్‌ కనిపించనున్నారు.ఈ మూవీని వయాకామ్‌ 18 స్టూడియోస్‌-మార్‌ఫ్లిక్స్‌ పిక్చర్స్‌ సంయుక్తంగా నిర్మిస్తున్నాయి.